السلام عليكم ورحمة الله وركاته
اكيد اكثركم قرى موضوع الاخ غريب قادم يوميات زوج محبط {{{واذا عندي خطأ صححوني
طيب اذا الازواج بيكتبون يومياتهم لا والمحبطة بس حنا وش الي يمنعنا ولا الاحباط مايجي الا الرجال {....معليش لايزعلون الرجال....}
المهم
صحت الزوجه من النوووم {{{بعد ماكانت سهرانه مع طفلها المريض يعني مانامت الا قريب الصبح:20: }}}على صراخ الزوج قوومي تاخرت على الشغل ووين القهوة ووين الفطووور وين ................و..و..
مع انه عارف انها كانت سهرانه على الولد وطبعاًبيكوون الاخ طاردها من الغرفه هي والولد يقوول ابغى انام اطلعي انتي وولدك برى الغرفه ازعجتوني
{{طيب ياعزيزي اذا ماكنت قادر تسهر معها على الولد على الاقل اتركها ترتاح خلها تنام مانت عارف انها تعبانه والا المسألة غواية تنكيد}}}}

بعد اذنك اختي ملبريس احب اشاركك في الموضوع لو ماعندك مانع

( الزوج حالته المادية شوي تعبانة والزوجة صابرة كم شهر (جا زواج قرايبها ) قال انتي عارفة الحال البسي اللي عندك) جا العيد برضو ما عنده تبغى كذا ولا كذا ,,,الزوج مسكين ومديون وووو وفجأة وبدون مقدمات الرجال عنده جوال اخر موديل وكمان جالس يدور على عروسه بلا حيا ولا حشمة........


طيب هذا الرجال لما الله فتح عليه ليش ما فكر يعوض الانسانة الصابرة معاه وبعدين يروح يتزوج في ستين داهية





ارجو ان ما حد يزعل لاني فعلا شفت مثل هذه الحالات بعيني ودمتم

والله انكم خطيرااااااااات

الله يهدينا وياهم

الشمس الدافئة والله انتي كذا عطيتيهم على راسهم

الأخوات الفضليات

أرجو أن تعذرنني .. ولكن ماكتبتموه ... ليست يوميات زوجة محبطة أبداً

وإنما يمكن بسهولة أن نسميه ( يوميات زوجة متزوجة لوح )

وفي رأيي أن نحاول أن نكتب المواقف أو الأحاسيس التي لايفهمها طرف .. سواء رجل أو إمرأة ... عن الطرف الآخر .. ويقوم بها بحسن نية لأنه لا يعلم أنها تحبط رفيق أو رفيقة العمر .

أما أن يصرخ الرجل قائلاً :

( اصلاٍانا اللي استاهل اللي مو متزوج ثنتين مو برجال )

أو

( انتي عارفة الحال البسي اللي عندك ... وفجأة وبدون مقدمات الرجال عنده جوال اخر موديل وكمان جالس يدور على عروسه بلا حيا ولا حشمة........ )

فليست هذه مواقف زوج .. زوجته محبطة ... وإنما مواقف لوح .. زوجته ضامنة للجنة بصبرها عليه

وهناك فرق كبير .

هذا رأيي وأرجو أن تتقبلنه بصدر رحب

بارك الله فيكن .. وأبعد عنكن الإحباط لا لكن .. ولا لأزواجكن .

اشكر الاختين ملبريس والشمس الدافئه على ما طرحن واستئذنهن وانتم جميعا لأكمل ما بدأن:


(أم العيال كاشخه ومتزينه وانواع العطر وترتيب البيت والا يدخل ابو العيال:سلام يام فلان .ترد وعيونها في الارض تستنى المدح والاطراء وعليكم السلام ،ابو العيال:هااه عسى الغداء جاهز تراني ميت جوع!!!
عشرين علامة استفهاام على ام العيال ثواني ويكون جاهز وهي المسكينه تغلي من القهر؟!!!!!!!!)


ياخي الزوج ترى ما يكلفك كثير لو مدحتها بكلمتين على الطائر او مجرد نظرات معبره على ما سوت بنفسها وببيتها ترى يترك في نفسها شئ كبير وانتم ما تدرون)


اتمنى وضحت نقطه من بحر من عمايل أبو فلان..................

__________________

ههههههههههههه
أضحك الله أسنانكن ..

مشكوووووووووووورة خيتو ..
بصراحة موضوع حلو ومفييييييييييييد وعسى ربي يهديـ(هم) ويسخر(ـهم) ويصحيـ(ـهم) من رقدة الأنانية ، الوسايد تشققت من قلة ذوق البعض من الرجال وأنانيتهم ..

وعسى ربي يثبت ويسعد اليقظان ، الذويق ، الكريم ، الحليم ، المتفاني ، والمضحي ويزيده ((يـــــقــــــ ــ ــظــ ــ ــة)) ، ويخلي له (وسادته) وعياله وأم عياله ياااارب..:14:

فهو المستفيد الأول والأخير من قيامه بحقوقه على أكمل وجه ومن رحمته ومراعاته لزوجته وظروفها ، سيستفيد أمرين :
زوجة حنون ، وأجر عظيم ..
(حتى اللقمة يرفعها إلي في امرأته له فيها أجر)
حديث صحيح

__________________
أحب جبالك يالجنوب وأحبك لأنك أنتي الجنوب

والله أنا مع أم البراء 1000%
الله يعيننا على مشاغل الحياة
لا وبعد نحاول رفع ارواحنا المعنوية
لأننا لو استنينا الرجال يرفعها عز الله ما تحركت من مكانها
ودمتــــــــــــــــــــــــــــــــــــــــــــــ ـــــــــــــــــــــم

__________________

danya

لبس مغري

حركات دلع

تطمح المسكينه الى شيء معين

وتظن بانها تستطيع اغراؤه

يجاملها بقبلات

ثم يعقبها

بقوله

غدا لدي عمل .. اختبار ............الخ من الكلام الذي ليس له محل ......

خيبة امل ..

" جميل ان يفاجيء الزوج زوجته في اي وقت واي حين بدون حساب لوقت او موعد فمن المفترض ان ينسى ولو مؤقتا الدنيا في احضانها "




موضوووع رااائع ياغا ليه


تقبلي تحيااااااااااااااااااااتي.............

موضوع رائع ومهم ومتعلق جدا بالحياة اليومية التتي أصبحت متطلباتها (على حد قولهم) تستلزم المزيد من التضحية من المرأة ... طيب وانت اخي الرجل ؟؟؟ إيش رح تسوي؟ تشتغل وترجع هلكان وتنام؟ ماهو حتى اللي في البيت تشتغل والا يعني اذا بالبيت مو شغل؟؟
أنا عندي فكرة للرجال شنو رايكم كل واحد فيكم يستلم البيت لمدة يوم واحد بس ؟