والله انك صادق. انا صايرة مزاجية.. انا في الآونة الأخيرة ماتحمل حرف من امي على طول نتشاد في الكلام واذا زعلت اروح الاحقها والله اني احبب يدينهاورجولها عاد امي يبدا عندها الثقل والتغلي ههههههههه
بس شسوي اتنرفز من كلامها بعض الأحيان..اذا رحنا لأي بيت وعندهم بنت تبدا المقارنات.مثلا تقول شوفي فلانة هادية ورزينة مو مثلك ماتصدق تسمع شي يضحك تكركر وتضحك
واذا جو حريم يشوفوني للخطبة تترجاني تقول شوبارد لاتستحين تخيلي نفسك مع صديقاتك ترى الناس يبون وحدة مرحة فرفوشة<<< تناقض!
اذا رحنا لزواج وشافت بنت تمشي من عندها كل شوي وتحرك شعرها وتتدلع يوووه.. شوفي البنات يضبطون امورهم عشاني ناظرتها قامت تترزز عندي وانت
لو احد شافك على طول تسوين نفسك ماحسيتي ولاتقومين ولاشي كل هذا كرامة وكبرياء هذاك قاعدة لارجل ولاشي
واللي اقل منك شوفي كل وحدة كرشتها قدامها حامل
اقعدي يالكرامة << انواع التحطيم
كل ماقعدت معها ماتتكلم الا عن الزواج والرجال وامهات الأزواج وشلون نتعامل معهم وووو وفلانة تزوجت وفلانة وفلانة
وانت الظاهر فيك عين او مسحورة الظاهر يابنتي السالفة سحر انا تذكر مرة كذا وكذا..وش رايك نروح لشيخ في المنطقة الفلانية!!!
ومأنكر انا نفسيتي تغيرت بعد.. اول احب اطبخ واتفنن الحين مالي خلق ابداااااا الا اذا جت عزيمة اشتغلت بس!!
وغيره والله مااسوي شي.. اول احب اسولف معها الحين يضيق صدري كلامها كله عن الزواج
وبصراحة بصراحة انا وجهي يتقلب وحالتي حالة اذا قامت تسولف عن فلانة وعلانة احسها تثيرني تولد فيني احاسيس والله ماقد حسيت فيها!
مرة جت وهي حالتها حالة قلت وش فيك قلت كلمتني زوجة عمك وقالت بعزمك تصدقين ياشوبارد سخنت عظامي وقلبي يدق بسرعة
قلت ليه؟ قالت احسبها تقول بنتي تملكت!! قلت يماه شفيها
قالت وش وشفيها لو بنت عمك تتزوج قبلك بموووووووووت بنهبل انت وياها من العايلة متأخرين ووشلون تروح قبلك بس ابشرك صارت عزيمة عادية !!!!
مرة قلت للمدرسات المتزوجات عن حركة شفتها بمحل تنفع هدية للرجال واقترحت عليهم يهدون أزواجهم.. المهم قالو شرايك نعطيك الفلوس وروحي اشتريها
قلت اوكي واقول لأمي ومعي المبلغ.. وامي ايه وانت خدامة لهالمتزوجات وش دخلك فيهم ..الله يخلف عليك وتشترين لرجالهم بعد
متهنيات ومبسوطات وانت مقابلتني وبتسعدينهم بعد !! رحنا المحل واحنا في الطريق كرهتني بعيشتي من كلامها والله دخلت المحل واشتريتهم ودموعي ملت غطاي من القهر..
في البداية كنت متحمسة للمدرسات والله فرحت انهم اعتمدو علي بعد وحسيت بالسعادة اني بدخل لقلوبهم الفرحة وعلى ازواجهم
بس بعد كلام امي ودي كل وحدة ارجع لها مبلغها وامشي!! اركب السيارة ونفس الكلام اسمعه ويوم جا بكرة والله اني عطيتهم بدون نفس
مع انهم شكروني ودعو لي وانبهرو منها لكني تندمت لييييه ماادري. امي ولدت عندي احساس بالغيرة صراحة احساس بالحقد تجاههم!!
انا مانكر اني اغبط لكني والله مانقهر وماحسدهم على عيشتهم..
والله امي مامثلها بهالدنيا تبيني اصير احسن البنات كلهم وماتبي احد احسن مني وحنونة لأبعد حد بس تأخري أثر عليها بشكل غير طبيعي
شسوي ماهو بيدي حتى هي لها دور قوي كانت ترد الناس يوم كنت ادرس الله يفرح قلبها عاجلا غير اجل.
عالعموم انا امي تعتمد علي بأشياء كثير كوني اكبر بنت ولي رأي وصوت بس مو مثل اول انا صرت اتهرب بصراحة
فضفضت وهذا جزء بسيط جدا مناللي اشوفه كل يوم الله يجزاك خير اخوي الكبير.. على فكرة العنوان روعة جعلنا نزهر في النهار قريب هههههه
__________________
اللهم لك الحمد والشكر
"ولئن شكرتم لأزيدنكم"
أخي الكبير
بارك الله فيما كتبت وفيما تكتب
موضوع رائع والله يجزاك خير عليه
الله يحفظك ويوفقك
__________________
جاء في الأثر أيضا خير الناس أنفعهم للناس .
ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]
اخوي الكبير بارك الله فيك تقدر توصف أحاسيسنا ومعاناتنا بدقه شديده وهذا شي يثير الإستغراب والتعجب وكأنك جالس تعاني مثلنا أو شاهد على معاناة أحد يشبه لنا عموماً يجزاك ربي الف خير على كل كلمه تكتبها
شوبارد
كلامك الصادق جداً يحزني كثير وادعي لك من كل قلبي ان ربي يزوجك بالرجل الصالح عاجلاً وليس اجلاً وهذي الساعه من يوم الجمعه ساعة اجابه
واقولها لك من كل قلبي وبصدق شديد يارب يارب يكتب لك الفرحه هذا الإسبوع وما يجي الإسبوع الجاي الا ونبارك لك يارب