السلام عليكم إخوتي في الله ..


أنا لسا مخطوبه وتم كل شيء ولله الحمد بالرغم من المشاكل اللي حصلت

لكن الحمد لله عدت الأمور على خير وشفنا بعض وكل شي من أحسن مايكون


بس حبيت استشيركم بشيء بسيط


طبعا انا ماراح أكلمه بالهاتف الا بعد الملكه ، لكن أخته تتصل فيني دايما وتسألني ايش رايك فيه وتسولف لي عنه ومن هالأشياء ..

صديقتي قالت لي خليك ثقيله ولاتردين على اتصالاتها ولا تسألينها أي شي عنه ( مع ان نفسي اعرف تاريخ ميلاده)

صديقتي تقول اذا صرتي تردين عليها بيقولون هذي ماصدقت انخطبت

مع اني واثقه في اخته كثير واعرفها من زمان وعلاقتي فيها جدا ممتازه من قبل الخطبه



........


ايش رايكم اسمع نصيحة صديقتي ولا يحق لي اسألها عنه ؟ أو أأجل اسئلتي لبعد الملكه ؟؟


ياريت تساعدون اختكم وتتكرمون على بآرائكم


وألف شكر لكم مقدما ..

السلام عليكم ورحمه الله وبركاته
الله يهديها اخت خطيبك شكلها مستعجله ...انتبهي محادثته قبل الملكه والسبب معروف مهما كان المبرر والداعي لذلك ...

اصبري إلى مابعد الملكه..

السلام عليكم

في رأي الشخصي ،

إن ما فيها شيء لو تحدثتي مع أخته طالما هي من تتصل وتسأل عنك ،

فلا داعي للثقل و الهرب منها طالما إنها تتحدث معكِ بالخير

وحتى لايظنوا ، إنه تكبر منكِ . أو إنه لا يهمك أمر خطيبك .

فقط لا تصل أن تجعلك تحدثيه

وربنا يتمم لكم بالخير

__________________
الأهم من أن تتقدم بسرعة هو أن تتقدم في الإتجاه الصحيح
**** ****

مشكورين على تجاوبكم السريع جزاكم الله خير


وأنا اكيد ماراح افكر اكلمه قبل الملكه ..

كلمي اخته وسولفي معاها والاسئله الشخصيه اساليه بنفسه بعد الملكه يكون احسن

خليك طبيعيه عشان مايحسبون في شي ثاني
والاسئله اللي زي تاريخ ميلاده اسأليه هو بعد ماتكلميه لانها اكيد ماتعرف وبتضطر تسأله ومو حلوه اصلا تسألين اسأله زي كذا واللله يوفقك

هههههه مسكينة على نياتك وحماتك مستعجلة

وأنتي وافقتي عليه بدون ماتعرفين تاريخ ميلادة ؟؟؟؟ بالعادة هذي المعلومات يعرفونها لما تشوفينه بالشوفة الشرعية

آنه كانت عمتي أم زوجي تتصل علي كثيييييييير قبل الملكة ولأنها عمتي كنت استحي منها وأخلي أمي ترد عليها

من وايي كلمي أخته عادي بس بعض الأمور تجنبي تقولينها لها لأن تلاقين المعرس كل مرة يسألها شنو قالت وشنو قلتي لها وهي ماتقصر تعطيه بالتفصيل

الله يوفقكم
تحياتي

__________________

حبيبتي ما فيها شيء إذا تكلمت معها ولكن انتبهي لا ينزل لسانك وتقولين كلمه كذا ولا كذا

اما عن تاريخ الميلاد انا اشوف انك تسألينه بعد الملكه إن شاء الله

الله يوفقك ويسعدك معه

تحياتـــــــــــــــــــي

__________________
سكنت القلب قبل لاتدق بابه .... مدري أنا ساكن بقلبك ولاََ واقف على بابه