ارجوكم ساعدوني ايغى افهم انا صح او خطاء عشان مااندم بيوم من الايام مشكلتي
بدت مشكلتي مع زوجي الله يهديه صار لي سبع شهور متزوجه من ثاني شهر من زواجي خاني زوجي
ولقيت رسايل له مع بنت والمصيبه اني اكتشفت انه مرقمها بسوق من كلامها ووين يوم زرنا اهلي
كنا تونا راجعين من السفر وراح نام وانا حاس قلبي من تصرفاته مو طبيعه ولما فتحت
جواله لقيت راسل لها حبيبتي انتبهي لنفسك انا توني واصل وربي لفت فيني الدنياء
طبعا تهاوشنا هواش جلست اتكلم وابكي بدون شعور وقام يحلف انه ولد يقلد صوت بنت
ومشيت السالفه بمزاجي وقلت خليني اتاكد اول وبعد مدة تاكدت انها بنت لني كلمتها وطبعا كلامها لي ماينقال ولما صارحته
قام يعتذر ويوعود ويقسم على القران انه مايكلمها وانه خوية هذا الولد هو يقول انا متهاوش
مع واحد وهذولي خوياته وبعد هواش ونقاش وصلنا واتفقنا انه يغير رقم جواله وغيره و بعد فتره دقت نفس البنت بفتره قصيره
على جواله الثاني ولما ارد ماتتكلم واقوله رد مايرد وحلفته على القران وحلف وطلع وانا كنت مره زعلانه
وبعدها رجع لي وقال انا التزمت فجاه وطلعنا بالسياره وقال شوفي اشرطة الاغاني كلها كسرتها والقنوات بحذفها وفجاه
وقف عند المسجد وصلى ولي اول مره لنه اكثر صلوواته مايصليها لابالبيت ولابرا
كل يوم وانا انصح بالحسنى بكل الطرق مافي فايده اقسم لكم بالله اني كنت اذا قرب الفجر ياذن
وانا فيني الدوره اجلس العب معه اونو او اسولف بس عشان اخليه يستنى لين ياذن واحاول من اصلاحه
وكان بعض الاحيان ينام معي ويكون على جنابه ويقوم ويطلع مع اخوياه ويقعد طول اليوم بجنابة بدون صلاة
واذ جاء الليل تروش وصلي مدري وش هالصلاة واحاول معه مره يصلي ومره لا


المهم انا حسيت انه يوم قال التزم لنه خاف يوم حلف بالقران وانا متاكده انه
كذاب وانه مكلمها ولاوش عرفها برقمه الجديد طبعا انكااااار فضيع لو يموت مايعترف
بس يتاسف ويعتذر ويغير رقم جواله وكل مايغير رقم جوال تتطلع لي بنت جديده ونفس الحركه هواش وبكي
واقوله راح اترك البيت ويعتذر ويتاسف ويبوسني وارضى واقول راح اسامحك لني احبك وشوي شوي تمادى اكثر
اخر مره كشفته اعترف وقال اي كلمت وحده طبعا بعد نقاش عنيف دام يومين قلت وش بينك وبينها
قال عادي سوالف وضحك خلاص اسف واوعدك ماتتكرر قلت كم مره تقولي هالكلام قال خلاص اخر مره تسمعينه
بعدها اخذت عهد ماافتش جواله لكن وصلت فيه الواقحاه انه اذ طلعنا مجمع او منتزه من اول ماندخل
يقولي روحي تمشى وانا بجلس ويتضايق اذ رفضت يعني يبي يصرفني باي طريقه عشان يروح يغازل
واخر مره وانا وياه طالعين منتزه اقسم بالله قدام عيني يروح عند بنات جالسين ويتحجج ان في كرسي
بياخذه من جنبهم ويمسك ولدهم الصغير ويقعد يمسح على راسه وينكت والبنات يضحكون ويناظرون فيني
كانهم يقولون وش هالي معه سكت وقلت يابنت اشوف نهايتها وبعدها بشوي اشوفه واقف عند لعبه ويقط
كلام على بنات ويضحك وهم يضحكون له جيت قربت منه طبعا هو يتحجج باي شي ويخليني جالسه مثلا يقول
بروح اقص تذاكر واجي وانتظره وانتظره وفي النهايه الاقيه يلاحق البنات
بعدها ملييييت وربي خلاص ماعاد استحملت دقيت على اخوي وعلمته واخوي قال تعالي
ويوم جيت اطلع كان معصب يقول اخوك كانه ماصدق على الله انك تتطلعين سكت ماتكلمت معه كلمه
قلت مابيني وبينك كلام خلاص وطلعت من بيتي ويقول كلام زي السم روحي والله لاااجيبهم البيت
ومعي جولات ثانيه واعرف خمس بنات وكلهم متزوجين قلت له

انا اسمع بقولك كلام وخليك متذكره انا ماطلعت من البيت عشاني مااحبك بالعكس
احبك بس طلعت لن البيت قرب ينهدم وحياتنا انا ابغاك تتعدل وهو يرمي كلمه العن من الثانيه
ويقولو خذي ملابسك ولاعاد ترجعين وكلام يهد الحيل

المهم جلست فترة اسبوعين وهو يتصل وماارد واذ رديت يكلمني باسلوب يرفع
الضغط استهتار يضحك وينكت ولاكان صاير شي اقوله ياابن الناس تكلم زين عشان نتفاهم يستهتر بكلامي
ويكلم امي ويقول ليش تصدقينها والله انها تكذب انا مااغازل ولاشي
المهم كل مره يدق على امي وتناقشه امي تبي تفهمه مايفهم احاول اتكلم معه
مستهتر وكان يقول لاتعلمين اهلي وفجاه قهرني مره قلت لاتلومني على الي بسويه ودقيت على امه وعلمتها
عن حركات ولدها وترد بكل وقاحه عادي اذ غازل توه صغير وبيعقل عمره 25 سنه تقول صغير ويرجع لك
وفوق هذا رايح يقول لااهله كذابه اصلا هي تكلمت على امي وضربتها وقلت ياويلك ان تكلمتي على امي
وقالت مابي اروح معك لاهلك وقلت لاارجع الا الاقايك مجهز اغراضك وزعلت وراحت لاهلها

يوم كلمته قلت ليه تقول عني هالكلام قدام اهلك قال لازم اكذب عشان اطلع نفسي من الموقف
المهم حسبي الله ونعم الوكيل بس اكتشفت بعد فتره انهم يقولون عني وعن امي كلام
ماقلناه لنه اخر فتره بعد ماعلمت اهله صار كلامه لي جاراح ورسايله اوقح


انا احب وحده غيرك وراح اتزوجها وطلاق ماني مطلق بخليك معلقه عشان اخذ المهر
حاولت باللين بالطيب بالرسايل مانفع وقبل امس دق ابوه على ابوي وبكل وقاحه يقول
ماضربها ليه تتطلع من بيتها قال ابوي ياخي ولدك مايصلي ويسهر ومايقعد عندها

ولما سكر ابوي جالس يقولي كلام جارح انتي مااحد يستحملك لسانك طويل وتبيني تربين
رجال هو الي يربيك مو انتي اقوله عن حركاته يحاول مايسمعني الله يسامحه ماكنه ابوي

قلت بنفسي خلني احاول مع زوجي طبعا لما كلمته قال اانا عارف تبين تهينيني ومدري ايش
قلت انا احبك ابغاك تتعدل للاحسن قال امك تسب امي قلت مااقول االاحسبي الله ونعم الوكيل
اذ مومصدقني اننا ماقلنا لااهلك شي ولاسبيناهم انا وامي جيب القران ونحلف عليه
قال لاعادي اسمعي تبين ترجعين بيتك مفتوح ماتبين مع السلامه تبطين اجيك
قلت انت خنتي وهنت كرامتي يعني معقوله ماااستاهل منك الاعتذار اقسم لكم حاوولت بالكلام الطيب اجيبه
لكن وقاحه اقوله بتترك حركاتك يقول ماعليك تعالي وان شفتيني اغازل ازعلي قلت مقدر اجي على الاقل تعال
خذني عشان كرامتي عند اهلي وراافض قال ماتبين انا راح اتزوج وبكيفك اما اجيك لوتموتين ماجيتك

انا ماراح اهين كرامتي مو كفايه انه مافكر حتى يعتذر اوكي انا ندامانه اني دخلت اهله بالموضوع
لكن اقسم بالله احسبهم مثل اهلي اذ زعلت مرت اخوي يجلسون يهاوشون اخوي عشان يراضيها مادريت انهم ناس ماتخاف رب العالمين
هو الي اضطرني لذي الحاله من تصرفاته مالي سبع شهور من اول شهر طفش مني يبي يطبق معي وضعيات بالجنس
طيب انا توني بنت ماعرف شي شوي شوي مافي تفاهم لو انا قصرت او ماعطيته حقه انا توني احاول بالي اقدر عليه
لكن مايفهم يوجعني يالمني بس يرحمني ويكتم بقلبه طيب ليه الخيانه

اقسم لكم بالله شفت منه اشياء فضيعه من بداية زوجي سكنا بفندق
وطلع اليوم الثاني ومادفع حق الفندق ويوم ركبنا السياره وراعي
الفندق يدق عليه واخرتها ارسله رساله قلت اتقي الله يافلان رسالته تخوف
راعي الفندق كتب له برساله .
((قال الله لايوفقك بحياتك وجعلك ماتشوف السعاده)) قلت عطه فلوسه انت نمت يومين
ومادفعت حق الالليله وحده مايفهم يقعد يختلق اعتذار ومره كنا رايحين يقول بشتري بدله رياضيه
وربي قدام عيني ياخذ القبعه ويقطع السعر ويلبسها كانه شاريه ويحاسب بس قيمه البلوزه يوم زعلت
وهاوشته قال خير شايفتي سراق وربي اني شايفه بالكمبيوتر الي يحاسب المحاسب فيه قيمة البلوزه بس


هو طيب وحنون ومايقصر يشتري لي اي شي ابيه ودايم يحضني ويقولي كلام حلو بس هذي اشياء ماينسكت عليها
انا تربيت ببيئة دينه واحاول امسك ديني واقويه وهو يضعف ديني يارب حل مشكلتي
اخواني ساعدوني وربي اني احاسب نفسي مليون مره اقول يمكن انا السبب بخيانته
واعيد حساباتي واقول اذ رجعت راح اغير واغير لكن الحين هو يبي يهيني


يعني غلطان علي وكلااااااام جاراح زي السم وخيانه ويقول ارجعي من نفسك
مثل ماطلعتي من بيتك ارجعي له وانا راح اتغير بس اجيك تبطين مو بنت تتحكم فيني

وفوق هذا كله انا من يوم تجين بخليك تلبسن قفزات اصلا مره واحد من جماعتنا
يقول يافلان مرتك جريئه تخزني يقوول كلام فضييييييييييع وبغير رقم جوالك تنظفينه وتخلينه عند
اهلك وربي من يوم تزوجته اعطيه جوالي واقول ياابن الناس شوف اي رقم تشك دق عليه
وحتى لاب توبي ياخذه ويافاتح شات ولاافلام سكس واجي ااخذ منه الاب اقوله انا عمري مافتحت
شي يغضب ربي فيه رجاء مابي اخذ الذنب حرام عليك حنا بالليل وانت تتفرج على هالمناظر
واذ قلت له كذا يقلب علي وريني ايميلك ايميل ممنوع النت ماتفتحينه الاقدامي


ياعني ياخليني على راحتي ولابنكد عليك
قولو لي انا صح او خطاء انا مقدر ارجع له كرامتي راح تنداس كذا
وفوق كذا اهلي بنزل من عيونهم بقولون انتي تلعبين جايه رايحه خصوصا
ان ابوي واخوي قايلين لاتردين عليه يبي يجي يتفاهم معنا وهو مايبي يجي
كاره اخوي وامي لنهم يقولون له الحق يقول مفروض تهاوشونها وتقولون لها لاتتطلعين اسرار بيتك
بنتظار ارئكم ارجوكم ساعدوووني انا تعبت ابي اطلاق بس عشان ارتاح من هالكابوووس

استغفر الله العظيــم

اولا كان الله بعونك
انتي فعلا انسانة رزينة كملك الله بعقلك واسال الله لك الثبات شوفي حبيبتي اقولك ياها على بلاطة هذا خربان ولازم يتربى زين وانا من رائي لا ترجعين له لين يجي هو بنفسه ويعتذر لان الغلط راكبه من راسه لساسه خيانية وقلة حيا ومغازل الله يعين
لا حبيبتي اجلسي عند اهلك لين يتعلم اشلون يحافظ على بنات الناس وكرامتك محفوطة وتاكدي ان الله مراح يخليك ابد بس عليك بالصبر وادعي له وربي مدري وش اقول لكن فعلا انتي حكيمة واهنيك على صبرك عسى ربي يبارك فيك ويحفظك من كل شر ويصلح احواله وينزل خوف ربي بقلبه

اشكرك على كلامك الطيب الله يجزاك خير

الله كــريم مااقول الاحسبي الله ونعم والوكــيل

أعانك الله أختي الكريمة ..

يبدو أن زوجك لم يجد الراحة معك ..

لأن راحته لا تكون إلا مع الساقطات اللواتي على شاكلته ..

ولكنه في ذات الوقت لا يستطيع الزواج منهن لأنه لا يثق بهن ..

فيجد نفسه مجبرا على اختيار البنت الشريفة العفيفة زوجة له ..

لأنه يعلم أنها هي التي ستصون عرضه وتحفظ شرفه ..

لكن حين يتزوجها يشعر بالكبت .,

فالبنت الشريفة تختلف تمام الاختلاف عن كل من تعرف عليهن من الساقطات ..

وبما أنه تعود على نمط سلوكي منحط في الفتاة تمثل في علاقاته السابقة ..

فإنه يصعب عليه التأقلم مع فتاة ذات قيم وأخلاق وتربية فهو لم يعتد على ذلك ..

أكثر ما يحز في النفس أنك ما زلت عروسا ..

لا أملك إلا أن أدعو لك ..

أعانك الله ويسر أمرك ..

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

حسبي الله ونعم الوكيل

دائماً ماأتسائل لماذا منهم على شاكلة زوجك يتزوجون ؟؟؟

أسأل الله العلي القدير أن يفرج كربك ويشرح صدرك ويكتب لك الخير حيث كان

__________________
أشتقت لكم جداً 💔

عروس والله اني حتى شهر العسل ماعشته

اول اسبوع عزايم عند اهله وطلع مع اصحابه وخلاني وثاني اسبوع عند اهلي والاسبوعين الاخيرين عند اهله
وهو عند اصدقاه

جزاكم الله الف خير انا بحاجة الدعوه الصادقه

لا حول ولا قوة إلا بالله

في سبعة أشهر وكل هالشقى والعذاب .....

مثل هذا صعبة معه الحياة خاصة أنه في عز شبابه .....

أجل ليش أمثاله يـتزوج ويـدفع المصاريف ويلتزم بنوعية حياة هي لا تناسبه حتى يعتدل

شيء محير !!!!!!

تخيلي بعد سنوات ترزقين بأطفال منه

ويتربون بكنف أب هذه طباعه وتصرفاته

ولم يظهر أي حياء من الله أو على الأقل حياءه منك أو علم أهلك بحاله .....

لا نقول أن الله لن يهديه أو أنه لن يصلح حاله

لكن لست مسؤولة عن إصلاحه وتعديل سلوكه .....

إنما مناصحته في لحظة هدوء وتذكيره بأنك لو سكتت وصبرت فإن هناك رب سيحاسبك على أفعالك
سواء كنت متزوج أو غير متزوج .....


عموماً أنصحك بقراءه هذه الروابط لعل بعض النصائح تفيدك

http://www.66n.com/forums/showthread.php?t=204649


http://www.66n.com/forums/showthread.php?t=204470




الله يعينك ويكتب لك الخير ويهدي زوجك




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

هذا هو مشغل تفكيري ليل ونهار

مابي ارجع لني لورجعت مضطره اخذ حبوب منع الحمل

والحبوب مضره اخاف تسبب لي عقم والله احترت بحاله

اعانك الله يا اختي وفرج همك..

نصيحة لا عاد تكلميه انت خصوصا ولا تطلبي منه يجي، بينيله انك عايشة حياتك مبسوطة ولا هامك شي، هو حس انك بدك ترجعي بس بدك منه كلمه.. فصار يتعزز

لكن انت خلص ما تكلميه لين هو يجيك واخرته يجي، ولا تطلعي عن شور اهلك لأن زوجك مش من النوع اللي يتأمنله تتركي اهلك وتزعليهم عشانه..

لذلك عليك بالصبر والدعاء والله يفرج همك..