السلام عليكم ورحمة الله وبركاته
انا توي مسجلة بالمنتدى
وابي اجابه مقنعه الله يسعدكم اعتبروني اختكم
الموضوع اني مخطوبه من سنه يعني مو مملكة
والحين تحدد زواجي خلاص ومابقى عليه الا شهور قليلة
بس وين المشكله
خطيبي كان يبي يملك خلال الشهر هذا
بس ابوي رفض وقاله ماراح تصير الملكة الا بيوم الزواج ان شاء الله
الحين خطيبي يرسل لي ابي اكلمك
طبعا اخذ رقمي من جوال امة
وقال انه يبي يكلمني وانا راااافضة الشيء هذا من اساسه
بس اهو مو مقتنع
انا اقول له حرام واهو يقول انا مو مستوعب اني ماراح اكلمك الا يوم الزواج
اسالي اي شيخ و(انما الاعمل بالنيات ) اهو قصدة انه خلاص نيته يتزوجني
بس انا قاعدة ارسل له الحين
وقلت رسايل عادي بس مكالمات لا..
ردوا علي باجابة مقنعه الله يسعدكم
وادعوا لي ...

هلا وغلا

والله عارفه لخبطتك وحاسه فيك لاني كنت زيك تقريبا

كنت مخطوبه ومو مملكه وطوولت وطبعا اهلي رافضين الملكه واهله بعد حرص وخووف مااادري ليش عاد
وبيوم جتني اضافه ع الايميل ورساله بالجوال طبعا كانت من خطيبي
كلمته مسن وقلت حرام اكلمك مابينا شي قال والله حلال لان كلامنا بحدود ومابنتعداه قلت طيب اصبر بقول لابوي وارد عليك قال لااااااااااااااا اخااف تصير مشاكل
قلت اجل مابكلمك بدوون رضااه قال خلاص قوليله
ورحت قلت لابووي انا بنتك وماااابي اسوي شي غلط ومن ورى ظهرك ولما عرف ان خطيبي يبغى يكلمني
وافق وقالي انا ربيتك وعارف تصرفاتك تكلمو ماسنجر بس الكلام بحدود يعني في امور تخص ترتيبات الحيااه بس

والحمدلله ماندمت والله وابوووي كان متفااهم
وترى والله انتي تكبرين بعينه
اذا تقدرين تقولين لابوك قوليله بس لاتسوين شي بدووون علمه والله اكبر خطا
الله يوفقك ويسعدك ويجمعكم على خير

السلام عليكم

اتمنى انك تاخذين رايي في هذا الشان ..


لا تراسلينه مره ثانيه ... وترى يمكن يختبرك ,,,,


اتمنى لك التوفيق

__________________

مشكوريين الله يسعدكم على الردود
انا ابي استفيد منكم
خجل الورد ..انا ما اقدر اكلم ابوي ابد ...
سمو المشاعر.. انا متاكدة انه ما يختبرني لان رسايله لي من لما كنت مخطوبه ( كلام )
كان يرسل وانا مستحيل ارد
ولما خطبني رسمي قال يبي يكلم طبعا هذا الكلام قبل سنه وانا ما ارديت لا على رسايل ولا اتصالات
.. ماشاء الله علي ..
ولما قرب الزواج وتحدد رد على عادته يبي يكلم
ياااارب تهديه لي يارب وتبعدنا عن الحرام وتحفظنا من كل شر قولوا آمين ..

الله يوفقكم لما فيه الخير لكما و مبروك مسبقا لزواجك أختاه

الله يبارك فيك اخوي الرشاد مشكور
دعواتكم لي الله يسعد ايامكم يارب

اختي تفضلي هذا رد الشيخ ابو البراء الأحمدي


السلام عليكم ورحمة الله وبركاته
وبعـــــــــــــــــــــــد
اعلمى حمنى الله وإياك أن
الكلام فى الهاتف والجلوس على الإنترنت ومثيلهما يعتبر خلوة إما ن تكون شرعية وإما أن تكون غير شرعية .
فاحذرى ذلك ، فمن تكلميه مازال خاطبا ، فهو ليس زوجك ولا عاقدا عليك ، فإن فعلت ذلك فليكن بحضور محرم منك ، ولاتكلمي إلآ بالحسنى ، وأحذرك من الاندراج فى الكلمات التى يسمونها عواطف وهذا اسم خاطئ فهى مصائب كثيرا ماتكون سببا فى فك الارتباطات .
واعلمى أن العواطف حقا تكون بين الرجل وزوجته ولا تكون فى غير هذا
بارك الله فيك
__________________
ورايي طالما صبر سنة فيمكنه انه يصبر هالشهر لحتى تتزوجوا ان شاءالله واريد ان اقول لكي بارك الله لكما وبارك وعليكما وجمع بينكما في خير

واختي من واقع تجربة صدقيني فترة التعارف عند الزواج بتكون احلى وطعمها احلى
يعني انا تملكت سنة و7 شهور وطبعا كنت انا وخطيبي نحكي مع بعض وماضل شي ماحكينا في وصارت امور اكتر
بس لما تزوجت صرت حن لايام الملكة والشعور الحلو فيها صرت احكي لحالي ياريتنا ماحكينا مع بعض اكتر ايام الملكة ولا تطورت علاقتنا يعني كيف بدي وصل الفكرة انو الوحدة بتضل بذاكرتها اول كلمة واول لمسة وبيكون الها شعور حلو ولذيذ بس لو كان هالشعور وقت الزواج بيكون احلى بتمنى تكونوا فهمتوني

والله يوفقك وخطيبك يارب

لا تكلميه ابدااا .. وريح راسك
والله راح تكبري فنظره
قوليلو اذا تبغى تكلمني خذ راي ابويا .... خليه ينفجع ويتوووب .هههههههه.

والف مبرووووووووووووووووووووووووك
وربي يسعدكم

الليث الحنون
لسه في امل
مشكورييين الله لايحرمكم السعادة في الدارين يااارب
وكل من دعى لي يااااااارب العالمين

فترة الخطوبة ========> (لا) للمكالمة عُرفا وشرعا..

ومبروك ,, الزّواج ,, مُقدّما ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..