من فترة كنت كتبت مشكلتي مع زوجي وظنيت انها انحلت والناس باركتلي وحطوا موضوعي في المشاكل المحلولة
والحقيقة اني بعد اسبوعين من آخر رد لي على ذلك الموضوع رجع زوجي لشرب الخمر
وكل ما كنت اريد اكتب هنا اقول في نفسي خلني اقرا المواضيع الموجودة في المنتدى اول وبعدين اكتب
واللي صار اني كل ما قرأت مصايب غيري هانت علي مصيبتي واغير رائي وما اكتب مشكلتي
الحين صرت ما اهتم ابدا بمشكلتي
وزوجي قلت له لك رب يحاسبك وانا ما اقدر اساعدك اذا كنت رافض مساعدتي وانت وربك
المهم اني ارتحت نفسيا وصرت كل ما اشوفه شارب اقول كلها كم سنه نعيشها في الدنيا بصبر وبعدها الآخرة
واقول اللهم آجرني في مصيبتي واخلف لي خيرا منها
واحس براحة واستمر في حياتي
انا كتبت هذا الموضوع عشان اساعد اللي يعانوا مثلي واقول لهم خلاصة 11 سنة
انه في الآخر بتوصلين لنفس النتيجة فليش ما تختصري مسافة الألم
ربك ما بيحاسبك على ذنوب زوجك كل ما عليك هو النصيحة بين فترة وثانية وهو بكيفه
والهداية مو منك من الله ان اراد له الهداية
تعاملي مع الله ولا تتعاملي معه اقصد لا تظني انك اذا حاصرتيه وراقبتيه واصريتي عليه بيتوب
الله ما يتوب الا على اللي يريد لهم التوبة
ولا تنسي الدعاء