السلام عليكم ....

ياجماعة أخوكم زوجته والدة الحمد لله وهي الآن بتقضي الأربعين عند أهلها ...

عندي حساسية زيادة ....

ما أبغى أحد بتصرف في ولدي بشي...

مثال ولدي حطو له كحل ... وشفت ثلاث نقاط صغار في جبينه ...

سألت زوجتي ... قلت لها ايش هذا قالت بابا قال لماما تحطه لأن جدتي كانت تسويها في أخويا ...

أنا صراحة أنقهرت ... المفروض يعتبروا لي قيمة ويقولوا له أب ياخذه رأيه مو يتعاملوا معاه كأنه ولدهم ...

مع أنه علاقتي معهم ممتازة ...


واتعب واحيانا أتزاعل مع زوجتي ....

ايش رأيكم ...

__________________

معك حق

هذا ولدك تطبيق التقاليد او اي اشياء ثانيه عليه

بدون اذنك او اخذ مشورتك

مو منطق

وغير مقبووول

و من حقك تزعل

لازم تحط حد لهم و توضح لزوجتك

ان التصرفات هذي ما تبغاها تكرر

وهي راح توصل الصوره لهم

يا أخي ماتضيع علاقتك الطيبة مع أهل زوجتك هي فترة بسيطة تكون عندهم وهم معتبرين الولد ولدهم
ويحبوه أكثر من بنتهم ماسمعت المثل أعزمن الولد ولد الولد
وان شاءالله يرجعوا لبيتك وماحدبيتدخل

اكيد هاي ولدك الاول .. انا كنت في بداية زواجي مثلك وخاصة مع طفلي الاول .. كنت ما ابغي ام زوجي تعمل بعض الاشياء بولدي من غير رايي مثلا تلبسه لبس معين او تشربه شيء من غير اذني .. وكنت بعد مثلك في ان علاقتي معهم جدا طيبه ولا زالت ولله الحمد ..

انا اقولك ان هاي مرحله وتعدي .. خاصه لانه اول ولد لك .. والمسأله مافيها اهانه لك او انتقاص من حقك بالعكس فكر فيها انه من زود حبهم لك ولزوجتك هم يحبون ولدك ..

وايضا فكر فيها من ناحيه لو والد زوجتك هو والدك .. كنت بتتضايق ؟ ابد .. كنت بتفرح .. وبعدين هم اللي يسوونه ما يضره بشىء .. خلهم يفرحون بحفيدهم ..

وهو ما بيتربي إلا في عزك وفي حضنك .. وتعرف لمن يجيك ولد ثاني .. بكون الوضع عادي عندك حتى لو شو سووله ..

انت باين عليك طيب واهل زوجتك يحبونك .. لا تفسد علاقتك معهم على شىء ماله معنى ..

ان شاء الله يتربي بعزك وتشوف اولاده واولاد اولاده..

__________________

يا اخى دا جده واهله وانا عارف ان بتغيير على ابنك وخايف عليه لكن هما كمان بيحبوه جدا لان فى مثل مصرى بيقول ( ما اعز من الولد الا ولد الولد ) يعنى ابنك اعز عندهم من بنتهم فياسيدى بلاش تاخد كل الامور على صدرك واتحلى بشوية صبر وسماحة
ولما يبقى يكبر انت هتكون عنده الكل فى الكل

يا اخي بعد انت حساس بزياده
ممكن تتضايق لما يتصرفو على كيفهم اهل زوجتك
بس تتزاعل مع زوجتك قويه شوي ....

__________________
الحمد لله على نعمه وفضله وكرمه ..

لالالالالالالالا انت مررررررررره مكبر الموضوع عاااااادي جدا ومافيه شي...
جزاهم الله خير منتبهين له وماخذين بالهم منه والمفروض تنبسط انهم معتبرينه ولدهم وبعدين في اشياء مايفهموا فيها الرجال
يعني كلما بيعطوه يانسون او عسل او غيره لازم ياخذوا رايك؟؟

لا تزودها!!

احمد ربك انه اهل زوجتك كذا هذا من حبهم في الولد وبنتهم والله اعرف ناس مايحبون عيال بناتهم ويعتبرونهم عيال الناس ..

ابعد عنك الحساسيه الزايده ولاتكسر الفرحه في قلوبهم بالمولود الجديد

صح

صراحة أحسك تستهبل !!!
يعني تبيهم يكلمونك يستأذنون يكحلون الولد ولا لأ ؟؟؟؟؟!!!!!

اللي تمر فيه شي طبيعي أول ولد لك شكله وطفران فيه مررررررة الله يخليه لك ...

لاتكبر المواضيع وتزعل زوجتك على أشياء افهة !!! اللحين هي توريك الكحل فرحانة وأنت تزعل !!!!

خل الأمور تمشي بسلاسة لأن حساسيتك بتجيب لك المشاكل ...