السلام عليكم ورحمة الله وبركاته

حبيبتي مهره

أحتاج مساعدتك فيما كتب في العنوان
هل أجد لديك الوقت والجهد الكافي حتى أبدأ بشرح المشكلة ؟!

تحياتي غاليتي

__________________
الحمدلله الذي بنعمته تتم الصالحات

أوبس!

السالفة فيها شرح؟!! .. فكرت بنقضيها صياح وولولة .. وكنت مجهزة لج شوية أحضان وكم جرعة حنان




اشرحي فديتج .. والله يقدرني.

الجهد موجود بإذن الله .. بس إذا تأخرت حبتين فاعذريني لأن أبو الشباب موجود هالأسبوع واليهال إجازة.

__________________


اللهم طِيبَ الأثر .. وحُسْنَ الرحيل.

__________________
الحمدلله الذي بنعمته تتم الصالحات

تصدقين توترت وأنا أقرا


انتظريني فديتج.

أبا أضمن وقت كافي لج بدون مقاطعة من اللي عندي.

__________________


اللهم طِيبَ الأثر .. وحُسْنَ الرحيل.

ههههههههههه سبحان الله توقعت
لانه التنظيم احتياج الشرقيين
والعشوائية احتياج الغربيين

نفس احساسي لما اتقيد
اتوتر وابا اتحرك

بس بتغير باذن الله
لان النظام راحة حقيقية

خذي راحتج
متشوووقة ههه

__________________
الحمدلله الذي بنعمته تتم الصالحات

هلا مهره
دام بعدج ما رديتي علي فيعني في فرصة اوضح امور ثانية
بس اخاف تهربين من الموضوع هههههههه
علشان تكون الصورة اوضح
اكيد في جانب من الكسل بالذات بخصوص اعمال المنزل
واللي زاد الطين بلة
ان زوجي عنوان الفوضوية هههههه
يعني جدر ولقى غطاه ههههههههههههههههههههه
لا والله بس حسيت لو استمر الوضع
راح نصبح عائلة كارثية
زوجي عاد حدثي ولا حرج كونه جنوبي غربي
يعني انبساطي وتسويفي على الاخييييييييييييير
كل شي ملحوق في الحياة

اممم
العشوائية والفوضوية كلفتني ماديا الكثير
الطفل بطبيعة الحال يحب العبث بكل شي
وكوني ما اترك كل شي بمكانه الصحيح
فيعني المزيد من الخراب والتكسير
دائما يلعبون باغراضي المهمة ويخربونها
اصلح شاشة الاي باد
يرجعون يسطون عليها ويكسرونها

تهئ تهئ

مهره احس بتكفخيني
بس لازم اكون صريحة واراويج ابعاد المشكلة

من ايجابياتها ان الحياة راحة
كل شي عادي هههههه
مادري المنظمين مرتاحين ولا سترس
انا بصراحة عندي نموذج شرقي شمالي متطرف حرمة اخوي
دائما متوترة من ابسط الاشياء
وقوع طفل :: انصب عصير بالغلط :: بوجودها البيت بحالة استنفار
فكرهت عيشة المنظمين بزيادة
لانه اعتبرتها وسواسية لحد يطفش

بس انت مهره غير
احسج تسوين اللي تبينه وبالطريقة اللي تبينها وبهدوء

__________________
الحمدلله الذي بنعمته تتم الصالحات

مبدئياً ممكن تعرفيني على مرت أخوج؟
.
.
.
فوفو حبيبتي .. بصراحة مب عارفة إذا كنت فعلاً راح أقدر أساعدج او لا .. لأني فعلاً حسيت إني أبا اكفخج


لكن خلينا نسولف شوي ونشوف شو اللي ممكن تطلعين فيه من هالحوار.


لكن خليني أقول لج شي قبل .. البارحة وأنا أقرا كلامج ما كنت قادرة أرد عليج بروقان لأن بنتي الصغيرة كانت تعبانة .. وكل شوي تقوم من النوم تصيح .. لكني فكرت وقتها إني أصور لج جزء من روتيني عشان تعرفين الجريمة اللي ارتكبتيها في حق نفسج لما قررتي تشاوريني

عادةً لما زوجي يكون في الدوام أنا طبعاً اللي أقوم مع عيالي ونروح المطبخ وأجهز لهم الريوق .. لكن لما زوجي يكون موجود فهو أحياناً كثيرة يقوم مع اليهال قبلي وهو اللي يوديهم المطبخ ويسوي الشاي ويريقهم.

اليوم زوجي كان معاهم .. دخلت المطبخ عقب ما جهز لهم الريوق .. وهذا كان منظر المغسلة

[img]http://im65.***********/asIgnT.jpg[/img]

وصحنين زيادة فوق المواعين عقب ما خلص سلطان وأبوه ريوقهم

[img]http://im65.***********/04gqt3.jpg[/img]


عقب أضفت لمساتي على المواعين قبل الغسيل

[img]http://im65.***********/efUq9g.jpg[/img]


وبعدين ناديت الخدامة عشان تغسلهم


فعلاً أنا ما أتحمل منظر العفيسة أبداً .. حتى في الأشياء الوصخة أو اللي راح تنرمي مثلاً!!
.
.
.
لما قلتي إنج تتنقلين بين الغرف .. وتسوين كل شي في مكان .. ابتسمت بيني وبين نفسي وحسيتها حركة حلوة .. وتخيلتج مثل الفراشة أو النحلة اللي تتراقص وتتنقل بين الزهور

ولأن الحركة عجبتني فعلاً وحسيتها حيوية وفيها روح .. فما راح أطلبج تقرين في مكان واحد .. لكن تعرفين شو اللي خطر على بالي؟

الشنطة الصغيرة اللي تنربط حول الخصر.

حطي فيها الأشياء المهمة وصغيرة الحجم اللي ممكن ما تحصلينها بسهولة إذا اختفت .. وبالتالي تتنقل الفراشة بين الغرف مثل ما تحب وفي نفس الوقت أغراضها المهمة معها وفي الحفظ والصون.

__________________


اللهم طِيبَ الأثر .. وحُسْنَ الرحيل.

راجعة أكمل يا فوفو.

اترييني.

__________________


اللهم طِيبَ الأثر .. وحُسْنَ الرحيل.

بخصوص شغل الجامعة .. فبصراحة ما فهمت انتي ليش زعلانة؟

نتيجة شغلج مُرضية .. الدكاترة مبسوطين منج لدرجة إنهم يعتمدون عليج وواثقين في قدراتج.

هذا شي طيب جداً .. وبصراحة أشوف إنه الأهم.


لكن الملفت إنج قدرتي فعلاً تشتغلين بشكل متسلسل بعيد عن رقص النحلة والفراشة .. إن جاز لنا إسقاط هذا الوصف على الخلطبيطة الانتقالية بين المنتصف والمقدمة والخاتمة.

الشاهد إن بذرة النظام موجودة بداخلج ولو بقدر ما.

__________________


اللهم طِيبَ الأثر .. وحُسْنَ الرحيل.

يعني أفهم من هالكلام إن مطبخج وكبتات الغرف معفوسة؟!! bgh <----- حطيت الفيس العود عشان تقدرين حجم المصيبة في نظري

شوفي..

سبحان الله اليوم بالذات امي كانت عندنا .. وزوجي يلس معانا طبعاً .... سالفة ورا سالفة وكلام يجر كلام .. سألتها عن ولدها وزوجته لأنهم كانوا يبون يقدمون على خدامة .. وسألتها إذا كانوا قدموا والا بعدهم؟

هم ساكنين في شقة .. والشقق مثل ما تعرفين في الغالب صغيرة ومساحات غرفها ضيقة .. والشغل فيها مب قصة عويصة .. فزوجي استغرب من السالفة على اعتبار إن وضعهم الحالي مب محتاجين معاه خدامة.

فماما ردت عليه بكلام بما معناه: هذه مب مال تنظيف وترتيب!!!!! <------ تقصد زوجة ولدها.

وفعلاً في حوار سابق بين ماما ووحدة من بناتها كانت تنتقد فيه زوجة ولدها لأن بيتها معفوس وفيه أغراض مرمية من غير ترتيب .. وفي أماكن بارزة في البيت.

لاحظي ماما كانت تتكلم عن الترتيب فقط .. مب النظافة.


تتخيلين يا فوفو حد يدخل عندج ويكون هذا انطباعه عنج وعن بيتج؟!!!



أكيد الترتيب لا يعني إن كل شي يكون مصفوف مثل المسطرة .. لكن مهم يكون له مكان ثابت .. توفيراً للوقت على الأقل .. عشان لما تحتاجين شي تعرفين توصلين له دايركت بدون حوسة وعفيسة.

وعلى طاري المكان الثابت.

الأسبوع اللي طاف رحت الجمعية .. وطبعاً شفت شو النواقص .. وكان من ضمنها الفول .. فاشتريته ضمن المشتريات.

ثاني يوم اكتشفت إن عندي في خزانة المعلبات أربع قواطي فول!!!

ليش ما شفتهم؟

لأني متعودة أحطهم في زاوية معينة في الخزانة .. وخدامتي الله يصلحها لما اشتريت فول آخر مرة حطتهم في الزاوية المقابلة.

بس طوفتها للخدامة وما قلت لها شي




وعلى فكرة عن نفسي ما أوصل للتنظيم النهائي من أول مرة .. يعني أول ما سكنت بيتي في أشياء حطيتها بطريقة معينة أو في أماكن معينة .. وبعد فترة اكتشفت طريقة ثانية أو مكان ثاني أفضل.

يعني حتى المنطمين تعبانين والله

__________________


اللهم طِيبَ الأثر .. وحُسْنَ الرحيل.