ما قصرت والله وان شاء الله في ميزان حسناتك
كلامك وآيد مريح لذلك طبعت واحتفظت بالأوراق ~
بالنسبة للقرآن بكل صراحة أنا مارحت بكيفي يعني أمي دخلتني وقالت لي أذا ماحبيتي لا تكملين
كانت تجيني فترات خمووووول وما كنت أحب إسمع أي جزء من القرآن
بس قاومت وختمت والحين صار لي 6 شهور وأنا مأجله موضوع الاجازة ومب قادرة أفتح المصحف وآراجع حفظي مآدري شو مستوي بس هو نفس الخمول اللي ياني قبل سنوات
وبالنسبة لصورة والدي ما احتفظ بالصور بس محتفظة بـ ساعته ،تلفونه ،بدلة الدوام ماله ،مسبح المفضل ،راديو ،ساعته مال منبه ،كل شي عندي بس مآاتجرا واشوفهم لأن انهار
كل يوم ادعي له وبين فترة وفترة لإزم الصدقات هذا من وفاته أنا أكثر وحده أكون حريصة
إخواني كلهم لاهين بحياتهم أنا اللي ماقدرت استوعب وفاته
للحين ألومهم لأن هم ماخذوني معاهم يوم راحو يشوفونه عقب وفاته بحجة إني ياهل وبخاف
أنا الى ألان مب قادرة أصدق
وللحين المسيد اللي صلوا عليه فيه مآاروح له كارهه الفريج وكارهه كل شي
أكررره المستشفى اللي كان مرقد فيه أكرررره الدرب اللي كنا نروح للمستشفى أكررره السيارة اللي كنا نروح فيها
أنا إسفة وآيد كتبت ~ السموحة ~
__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم