فيه موضوع لي تقريبا شهر افكر فيه بيني وبين نفسي واحاول اشوفه من جميع النواحي
احنا ان شاء الله قريب ننقل للبيت الملك
البيت تصميمه تحت صاله وغرفتين ومطبخ ودورة مياه
ومجلس رجال ومقلط ومشب ودورة مياه
وفوق غرف نوم وصاله وسط
فانا جاء ببالي انو اقول لزوجي يجيب امه تسكن معنا
واجهز لها اكبر الغرف* اللي تحت تسكن فيها
وتاخذ راحتها بدور الارضي وهي مريضة من رجولها
وتجيها الآم بالمعده
والمستشفيات عندنا متقدمه وزوجي يراجع فيها من قريب
لانهم بمنطقه واحنا بمنطقه بعيده
وانا بنفس الوقت عندي خصوصيه لي ولزوجي بدور الثاني
*
انا احبها واعزها وهي مرتاحه لي وتحب اطفالي
وزوجي اخر اولادها بعد ماتوفو ولدها وبنتها الصغار وعندها اولاد كبار وبنات متزوجين وعمرها تقريبا نهاية الاربعين
وابو زوجي عنده زوجه ثانيه وعنده اطفال صغار وكبار
يعني ماحيكون لوحده
وهي بنفسها تقول اذا زوجة بنتي بروح مع عيالي
ومره قلتلها عمه ادعي ان ربنا يرزقنا بالبيت الملك
وان شاء الله انتي اول من يباركه
حسيتها انبسطة ودعتلنا

نفسي انها تجي تسكن عندنا بعد زواج بنتها اللي الباقيه عندها
بنتها مملكه

بتسالو ايش الاشكاليه
الاشكاليه

اخاف اخوان زوجي مايرضون امهم تجي عند اصغرهم
مع انه حريم اولادها مومره معاها واتوقع مايبغوها تجي عندهم لانهم مايشوفوها الى بالاعياد
واكيد امهم ماتبغا يصير بين عيالها زعل بسببها

ابغا اشوف وجهة نظركم قبل افاتح زوجي

مستجدات رد 33
http://www.66n.com/forums/showpost.p...1&postcount=33

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ما شاء الله تبارك الله .. ونعم الزوجة انت

ماشاء الله. حلوة العلاقة بينكم. الله يديمها
لكن لي تساؤل
كيف ستأخذينها من زوجها. اي عمك😳
يعني هل تتوقعين يوافق. او هو هاجرها؟
لان عمرها ليس كبيرا جدا. نهاية الأربعين.
لنقل انها نهائيا لا تحتاج زوج او ونيس.
هل بعد ملكة ابنتها سيظل بيتها خاليا؟

__________________

أنا ماعندي مشكلة نهائياً في سكن أم الزوج وابوه مع ولدهم
وبالعكس يباركون البيت ،، وأعادي وأحتقر اللي تعاديهم ويضايقها هالموضوع


لكن أشوف ان مثل هالقرارات ماتجي منك انتِ ولاتدخلين نفسك فيها ولاتحملين نفسك تبعاتها واحيانا الواحد يتحمس في فعل طيب بس يجي على راسه بعدين !،

متى ماحب ولدها ياخذها او هي حبت تجيكم حياها الله وغرفتها موجوده

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

لامو هاجرها بس ماينام عندها وهي اللي تنازلت من كم سنه
تقول اخاف اقصر بحقه هم نضامهم كل يوم الاكل عند وحده
بس لما بنتها تتزوج صعبه تقوم بيومها ماعندها احد يساعدها
والبيت راح يفضي عليها لان كل اولادها مووعندها بمناطق ثانيه
مع ان علاقتها بطبينتها حلوه
واللي يفصل بينهم بس باب
خالي ماراح يمانع

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

وليش مااعين زوجي على بر امه وربي انا المستفيده
اول شيء البركه لان لما قلت لزوجي يخصص لها مصروف
ماتدرين كيف انحلت امور كانت صعبه لاني احتسبت الاجر
ومادورة مقابل ودايم تدعيلي وماتناديني الى يابنتي
وهي راح تونسني بالبيت
وانا اصلا لما اجيهم انا الصباح اعمل لها القهوه ونجلس
مع بعض نسولف
وانا بنفس الوقت
عقلانيه ومااقدم على خطوه الى قدها ومقتنعه
بها وعامله لكل شيء حساب

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ماشاء الله ياتووتي اللي مثلك ومثل طيبة قلبك واحتسابك الاجر قليل هالزمان
انا اشوف دام نيتك تكسبين الاجر وتدورينه مايمنع انك تكلمين زوجك وراح
تكبر قيمتك عنده ويمكن عيالها مايوافقون فتكسبين الاجر بنيتك والسمعة الطيبة..
أسأل الله ان يوفقك بحياتك ويبارك بعيالك وزوجك ويرزقك من حيث لاتحتسبين
وييسر اموركم

__________________

طعنة العدو تدمي الجسد،وطعنة الحبيب تدمي القلب

اللهم امين جزاك الله خير
انا صراحه مادوي افتح معه الموضوع
الى اني ضامنه انها تجي عندي
وانا بنفس الوقت متاكده انها راح تنبسط لما تعرف اني
ابيها تسكن معانا وراح توافق
بس مااعرف ردة عيالها الثانين

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

جزاك الله خير

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

خطوة مباركة بإذن الله

ترى البر خير كبير لكم جميعا

فرحك الله بأولادك كما ستفرحين أم زوجك بولدها

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية