مساء النور عليكم ...
الصراحة مو عارفة من وين أبدأ ...وأيش أقوول ...بس راح أقوي قلبي وأتكلم
أبغاكم تساعدوني لاني تعبت ...
تفكيري وقلبي وروحي وجسمي كله تعب ...
أنا متزوجة لي خمس سنين وعندي طفلة صغيرة عمرها 4 سنين
مشكلتي هي مع زوجي ...
من يوم أتزوجتة وهو يشك فيني بكل شيء
ومايعاملني زين دايم...و يفتعل معاي مشاكل
ما كنت أعرف أرد عليه أو أدافع عن نفسي ...كل شيء يسويه أو يتهمني أبكي على طوول
حاولت أغير فيه كثير ...وأغير الشك اللي عنده
حاولت أساعده ...المشكله حتى في أمي يشك
حتى لو فاتحة الشباك عشان يدخل هواء أو يغير جو البيت وعلما اني كنت ساكنة
في الطابق الثالث ...كان يقوول لي ليش فاتحة الشباك ...في احد منتظرته يجيك ..
الصراحة هو لاقريبي ولا يعرفني ...ولا عمري شفتة ...تزوجنا عن طريق وحدة صديقة أمي
قالت لها عندي واحد قريبي يبغى يتزوج وأنا أخترت بنتك لانها تعجبني ...
وأبوي قال يسأل عنه ...قالو له لا تسأل هذا أنسان ماشاء الله عليه أنسان محترم
وخلووق وماراح تلاقي أحسن منه ...طبعا أبوي أكتفى من كلامهم ..وماسأل عنه
وتزوجنا بأقصى سرعة ....حتى أني ماتعرفت عليه ...وهو كان مستعجل بالزواج
بسرعة عشان أمه تعبانة ويبغى يفرحها بزواجه ...
والله العظيم من أول ليلة سوى معي مشكلة ...
لو أمي أتصلت علي ..يقوول لي وش تبغى منك ..وش قالت لك
لو صديقتي أتصلت علي ...يقول لي هذه البنت مو كويسة وتلاحق رجال
وهو أصلا مايعرفها ولا حصل شافها ...
أنا ما أبغى أطول عليكم لكن القصة طويلة جدا جدا وصراحة مأساه
وصل معي للضرب المبرح ...كان يضربني لين جسمي يصير فيه كدمات ويطلع دم
ويقوول لي والله ماسويت لك شيء ...والله أنا أحبك
طلبت الطلاق بعد ثلاث شهور من زواجنا ....
قال لي أحبك ومستحيل كنت أفكر أضرك ..وأستجبت له
وصرت حامل ... وضربني مرة وانا حامل بسبب أني لقيت صور خليعة
في التلفزيون وكلمته بهدوء جدا ...انه في صوور مو زينة في التلفاز
طبعا ...قال لي والله أنا ما أشوفها ولا حصل اني فتحتها
قلت له انا مااتهمك بس أبغاك تمسحها
وقام يضربني بأقوى ماعنده ...وربي لاعليت صوتي عليه ولا اتهمته
بس قلت له أمسح هالقناة ...
ولدت وجلست مع أهلي شهرين ...ماكان يسأل فيني ولا يتصل ولا حتى يسأل عن بنته
المهم أبوي أصر على طلاقي منه وكلم أعمامي
أعمامي قالو له لا تطلق عطوه فرصة ..أحتمال يتغير لو شاف بنته
أحتمال يصير أحسن ...واحد في أعمامي قاال خلااص نكتب عليه شروط
لو وافق عليها زوجته ترجع له ....لو ماوافق يطلقها ...وكلهم أتفقو على هذا الكلام
الا ابوي قاال ماابغى منه شيء الا انه يطلقها ....
ورحنا المحكمة ..وزوجي وافق على الشروط ...ورجعت له ...أول مادخلنا البيت
قام يضحك ...قال لي انتي مفكرة نفسك شنو ...ماراح أنفذ ولا شيء ..
وساعتها أبوي تخلى عني ...وزعل مني لاني ماسمعت كلامه
وقال لي والله لو لقيتة زبحك ماراح أسأل عنك
أنا بين نارين ...قلت أعطيه فرصه لزوجي أحتمال عشان بنته يتغير
وللاسف حياتي صارت أسوء وأسوء ...
تعذبت كثير ...حتى وانا نايمية يجي يمسكني ويقول لي انتي منو تكلمين
يفكر اني اتكلم بالجوال مع احد
وصاار يرووح لابوي ويقوول له...ترى بنتك ماتحبك ...تتكلم فيك كلام موزين
تحكي لي قصة حياتك كلها ...وللاسف أبوي يصدق وينقلب ضدي
وانا مالي حيلة ...مشكلتي أني حساسة جدا وما احب أضر أحد
بس أقوول الله يهديه
تفاقمت علي المشاكل وعملت مافي وسعي وتوكلت على الله
وصرت أقيم الليل وأدعي وأستغفر الله
ياربي وش سويت في حياتي عشان يحصل لي كل هذا
والله العظيم في الاسبوع نتهاوش كل يوووم وشوفو في الشهر كم مره
بنتي كبرت وصارت تشوف مشاكلنا ...والله لمن أبكي هي تبكي معي
صارت بنتي عصبية جدا ...ودايما تبكي ..
والمشكلة الكبيرة اني دايما أغفر له خطأه وأسامحه واقوول يلااا بكره بصير أحسن
وكل مرة أعطيه فرصة ...
وللاسف ماشي للاسوء ...وكانت المفاجاءة انه قال شافني مع واحد في شقة
واني أرووح بيوت رجاال ...وتخلوي عني كل أهلي ...
ماادري وشلون صدقوه ...طبعا ابوي ماله دخل فيني
وامي ماتقدر تسوي شيء
وهو كان يقوول لاولاد أخته وأخوانه وخرو عنها هذه وحدة مب زينة ..موكويسة
وخرو عنها أحتمااال تسوي فيكم شيء ... تخيلو موقفي
ما ادري وشلون صدقوه ...ووينه الاثبات
قلت لهم بالله عليكم هو لو شافني مع واحد ...كان يدخل علي ويمسكني
متلبسة ...بالله عليكم وشلون تصدقوون
راحو واسألوه وتكلمو معهم ...قالو له انت صدق شفتها اا
تدرون وش قالهم ...هي أصلا حركاتها خلتني أشك فيها
كان كل مايجي من الدوام يدخل يدور في البيت أحتماال في رجال موجود جوة
أو حتى لو دخلت أستحمى ...يقول لي ليش أستحميتي ...
خمس سنين عذاب ونار ...كنت مسكينة مااعرف في الدنيا اي شيء
سوى انك تحترمين زوجك وتطيعيه بس ...
انا الحين أبغاكم تساعدوني ...أنا أبغى اتطلق منه .. وهو موراضي
ويقوول لي أنا مستحيل أطلقك لاني أحبك ...
وخلاااص أنا تعبت وصرت اشوف الموت أرحم لي من عيشة معاه
وباشرت في الاجراءات من غير مايعرف
بس خايفة انه ياخذ بنتي مني وصراحة انا مااقدر أعيش من غير بنتي مستحيييل
السؤال اللي أبغاكم تجاوبونه ...هل اللي راح أسويه هذا صاااح
والله ماابغى اجرحه ...لكن هل استمر في الاجراءات هذه
اللي محيرني انه يقوول لي احبك وتصرفاته معي سيئة جدا جدا
خلاني اكره الدنيا اللي عايشة فيها ...
وكرهت نفسي ...
وانا عن نفسي أكرهه بشدة والله مااحبه بس خايفة
طلبتكم تساعدوني ,.
وانا جاهزة لو اي سؤال تسالوني اجاوبكم عنه ...بس ابغاكم تساعدوني
وتريحون ضميري ...
الاشراف: تم تعديل العنوان ليتضح المضمون