متعني الله بذاكره قويه
مشكلتي هي انني قليلة النسيان
الحمد لله مسيطره على مشاعري لما اتذكر المواقف
مااخليها تسيطر علي وتغير من نفسيتي بذات لاكانت سيئه
هذه نبذه عني

مشكلتي هي
اخر طفل انجبته كانت الولاده قيصري

طبعا صحيت بنصف العمليه
وكنت اشعر بالالم المميت اثناء التقطيع استحاله ان يوصف
واعادو التخدير مره ثانيه
وصحيت بعدها بنصف ساعه

الى الان يمر الموقف بكافة تفاصيله علي
وكانه لتو رغم مرور سنتين


الان زوجي يقولي اشتقت لطفل صغير
ولدنا كبر انا عندي طفلين 3سنوات وسنتين

بكيت لما قالي لان كنت اتناسا اللي صارلي
والان رجع كانو امس صاير
قلتله احتاج انسى اللي صارلي ادع لي
طبعا هو كان معاي وشاف كيف كنت اتالم وكان يخفف عني

ماحبيت اكثر النقاش معاه لانه بعيد
بس باين انه صادق مايمزح لانه مايتكلم الى بعد تفكير
قلتله اهم شيء الان ترجع لنا بسلامه



كيف انسى اللي صار لي
وامحيه من ذاكرتي لاني لما اتذكره ارتجف


تم تعديل العنوان ليتناسب مع الموضوع

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

لا حول ولا قوة الا بالله العلي العظيم ربي يكتب أجرك

بصراحة الله يلوم اللي يلومك شوفي أختي انتي عندك عقدة من الولادة و هذا طبيعي جدا

و المثل يقول اللي تقرصة الحيه يخاف من الحبل أنتي حل من الاثنين

الحل الاول مواجهة زوحك بكل صراحة و فهميه ان لازم يصبر عليك أكثر

الحل الثاني الاتجاه الى الطب النفسي و النفس تمرض مثلها مثل الجسد

توووتي ايش السبب انك صحيتي في العمله ومامسك البنج ؟؟؟؟ .. هل انت من النوع الي كنت تشربي قهوه كثييير ..
لان اسمع ان الوحده قبل الولاده بكم شهر لازم توقف القهوه عشان البنج يمسك ..


ربي يكتب اجرك .. الحل حبيبتي انه كل ماجا ببالك على طول افتكري شي ثاني على طوووووول افتكري موقف جميل حصل بحياتك افتكري لما شفتي طفلك لاول مرا افتكري اي شي .. راح تلاقي نفسك لاشغوريا تغير تفكيرك لشي ثاني ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

تحتاجين الى علاج نفسي ...
لانك اصبتي بصدمه

تصدقين انا مثلك بس كان نصفي وبدوا وانا ما تبنجت زين بس الحمد لله وطبعا للاسف خفت بس مش من الالم لان صار فيه شغله بجرحي القديم ضيقت خلقي و خفت تتكرر وتاخرت 4 سنوات و ندمت اني تاخرت
انتي الحمد لله مافيك الا العافية
احملي و من توكل على الله فهو حسبه .. تقدرين تاخذين نصفي و يعطونك منوم بوقتها بدل البنج الكامل

هو يعرف اللي صار لي من حاله نفسيه
يقول لي انتي قويه تقدري تتغلبي على خوفك

رحة اخصائيه قالت بعطيك دوا رفضة وطلعة

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ماادري عن السبب انا مااحب الشرب القهوه كثير حسب المزاج


هذي طريقتي اللي اسويها
بس انا ابغا انسى اللي صارلي مو اتجاهل

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

مستحيل اطلب بنج نصفي بولادتي الاولى كانت طبيعيه اعطوني ابرة ضهر ولاجابت نتيجه
جسمي مايتقبل البنج

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

انا كذلك حتى بنج الاسنان ما ينفع معي
و الحل انك تبعدين تماما عن التوتر
التوتر و الخوف له دخل اعتقاد شخصي طبعا
وفعلا خليك قوية و احتسبي الاجر من اللي صار لك قبل
وانا ترى كنت اشتكي كثير من اللي صار لي و حسيت انه غلط المفروض احتسبت الاجر
وسبحان الله اعرف وحدة تعسرت ولادتها جدا وعاشت رعب ومرت بظروف صعبة من بداية الحمل . وبعد الولادة حملت بسرعه وقالت وش يفيدني التوتر وتفاءلت و بردت على قلبها و لا اشتكت وكانت ريلاكس على الاخر و سبحان الله جات ايسر ولادة لها وايسر حمل
تفاءلوا بالخير تجدوه❤

الله يكون بعونك

العملية متعبة وتضيق الصدر ما ألومك 😭 .. ولادتي ثنتين كلهم عملية الثانية تعبت فيها ولا احب طاري الولادة من بعدها 😰

.
.
الحمد لله طالما ولادتك الاولى طبيعية ان شاء الله تكون المره الجاية طبيعي وتتيسر .