أفكار للعيد - منتدى عالم الأسرة والمجتمع

11-08-2012, 06:03 AM

أبو خليفه....

عضو مميز

تاريخ التسجيل: Sep 2011

المشاركات: 1,439

أفكار للعيد

بسم الله الرحمن الرحيم

السلام عليكم ورحمة الله وبركاته

موضوعي شنو هي أفكاركم للعيد ماحد يسير فكره لبعيد

أقصد هل أنتم من يفضلون سفر ليلة العيد مع حريمكم ؟؟ (( من غير يهال ))

أو قضاء ليلة العيد بفندق او أي مكان تحجزونه من باب تغيير ؟؟؟

أو في بيوتكم ويا اليهال ؟؟؟

عاد أنا بعلمكم عن اللي أشوفه ...

عن نفسي بصراحه ما حصلي شرف بعد وعيدت بيتي كانت الاعياد اللي طافت بين ثلاث أماكن أول عيد طرت ويا ربع سفريه ,, ثاني عيد قضيته بالمستشفى ,, ثالث العيد قضيته بروحي بالبيت والمدام بيت أبوها

عاد هذا العيد كلي أمل ورجاء انه يكون غير ,, ولا على أول طياره مغادر (( أتغشمر ))

بالنسبه لاخواني بحكم انه كلهم عندهم يهال الله يخليهم لهم ويبارك فيهم ,, والوالد معودنا ليلة العيد يحجز لكل واحد فيهم بفندق فقط له ولزوجته (( عيدية الوالد )) فيطلب منهم ترك يهالهم عنده بالبيت وهو عاد يجمع اليهال ويسير فيهم لاي مكان أكثر شيء لدبي ,,, عاد أنا المسكين كل مره يحجز لي ويكنسل حجزي بالنسبه للتغيرات التي تطرا علينا أنا وزوجتي

بالنسبه للربع بعضهم يقولون يفضلون أول ليله يتمون ببيوتهم وثاني يوم يطلعون ويا عيالهم ,,

والبعض منهم يكون مرتب اموره ليلة العيد يكون بطياره وما يرد الا ثالث او رابع العيد ,, وعقبها يرد ويمشي أهله (( أصبحت غير مؤيد لهذه الفكره ))

أبغي أعرف من باب الفضول شلون تقضون ليلة العيد ,, وهل بعضكم يرتب لها من قبل لعيد ؟؟؟ ولا كل شيء على الوكل ؟؟؟

ما عليه الموضوع متلخبط لاني اكتبه بنص عين ,, لكن قلت أبد مب راقد لين ما أكتب هالدرر

__________________
الحمد لله على كل حال

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 02:21 AM.

روابط سريعه