السلام عليكم ورحمة الله وبركاته
كيفكم بنات ؟
طبعاً عارفين إني ما لي تجارب بالطبخ الحلويات والكيكات ووو .. بس شغلي كبسات و وجبات رئيسية
لي صديقة غاليه عندي كثير تسوي بسبوسة جناااان ماشاء الله
وأخذت منها الطريقة وسويتها اليوم
بسبوسة سهلة جداً وان شاء الله تعجبكم ..
المقادير:
كأس ونص سميد
كأس جوز هند
نص كأس
سكر
ملعقة صغيرة باكنج بودر
نخلط هذي المقادير مع بعض إلى ان تنخلط كويس مع بعض
ثم نضيف المقادير التاليه :
بيضه
علبه قشطة
نص كأس زيت
نخلط كويس بالمضرب ونستمر بالخلط إلى ان تتجانس
نجيب صينية مدهونة بزيت ونحط فيها الخليط
ندخلها الفرن تقريبا ربع ساعة أو اكثر حسب حرارة فرنك .. إلى أن تتحمر الأطراف
بعدين نحمرها من فوق دقائق قليلة ..
نسوي الشيرة .. الكمية اللي تكفي للبسبوسه
أنا سويت ثلاثة فناجيل صغيرة سكر
وخليتها تبرد شوي وانا احمر البسبوسه
واول ما تطلعي البسبوسة وهي ساخنة حطي عليها الشيرة عشان تشربها
خليها شوي ثم قطعيها .. الأفضل تقطعيها ساخنة
وبالهنا والعافية
وهذي صورتها وقت التقديم ( أمي صايمة وحطيت لها مع فطورها )
اول مرة اعمل بسبوسة وان شاء الله تعجبكم
ياحلو الطبخ لما يضبط .. فلة ههههه