مقارنة أختي بي وغيرتها مني - منتدى عالم الأسرة والمجتمع

24-08-2011, 06:35 AM

غيركم

عضو نشيط

تاريخ التسجيل: Jul 2011

المشاركات: 190

مقارنة أختي بي وغيرتها مني

السلام عليكم ورحمة الله

اختي الله يهديها تقارن نفسها بي ولافيه اي وجه للمقارنه بيني وبينها هي متزوجه وانا لا , يعني لو
انا متزوجه كان اقول يمكن ..!
بكل شي تقارن نفسها بي واحيانا تغار مني وكانت قبل ماتتزوج اذا شريت شي او سويت اي شي تقول
يوم انا كبرك ما اخذت وش معنى انتي ؟
والمصيبه انها الحين تقول لزوجها اختي شرت وانا ماعندي اختي سوت وانا لا .. وعلى هالحاله
يعني مثلا طلعت انا قبل فترة رقم جوال جديد باسمي ويوم دريت انهبلت كيف طلعتي باسمك ؟ ووشلون قلت
وش فيها رحت مع اخوي وطلعته قالت ( باسم الله اللي تبينه تجيبينه ) طبعا هي قالت كذا لان زوجها اصلا
رافض يحط رقمها باسمها لانه شكاك وموسوس وطبعا راحت وقالت لزوجها عن الرقم انه باسمي وزعلت لما
جاب لها رقم وتقولي انه يوم جاب الرقم عطان اياه وقال - الحين صرتي أحسن من أختك - ؟؟!!!!!!!!

ومره كانت بطاقة الصراف حقتي اللي من الجامعه كانت مع ابوي وطلبتها منه وقلت له ابغى بطاقتي
واعطاني اياه لما دريت اختي قالت ماشاء الله وانا درست وتخرجت ولا مسكتها وشلون عطاك اياه قلت
عادي طلبته وعطاني اياه انتي ماطلبتيه كيف تبينه يعطيك اياه واسكتت ..

وقبل امس طلعت هي حساب بالانماء باسمه وطاااايره من الفرحه كانه مالكه الدنيا ومرسلت لي حضرته
بالواتس اب ومصوره الهديه اللي عطوها يعني تعلمني انا ماميزت الهديه ولا ادري وشي اصلا لان الصوره
كانت مو واضحه وهي كاتبه كم تبين احولك وانا سيدة اعمال ومن هالكلام وبما اني مافهمت وش السالفه
ماعلقت والله كنت اظن انه برودكاست ومشيته ويوم جت عندنا وجايبه معه الهديه وانا توي ادري انه فتحت
الحساب عقب ماشفت الهديه وسالتها المهم انه قالت ليش امس مارديتي قلت ما ادري وشي ماكانت واضحه
قالت ايه انه ابلشن يقول الا صوريه وارسلي له وطلعت منها غصب هالكلمه ( واقهريه ) تقهرن على
ايييييييييييييش .. وش انا شايفه عشان انقهر ياحسرتي حساب بدون رصييييد وش الفايده ههههههههه انا
بصراحه تضايقت وقلت لها تتفقون علي تراه كله مجرد حساب طبعا بمزح وقلت له الحمد لله ربي حافظن
ولا حقق لكم اللي انتم ناوينه وووو , قالت انه بلش كل شوي يسأل ردت عليك او لا وليش ماردت ..
وقلت لامي السالفه وانهبلت امي وعصبت وش هذي ماتفهم الرجل مايحب ان مرته تمدح احد عنده
ولو كانت اختها او اخوها وووو ..

انا صراحة متضايقه جداااا لييييش تسوي كذا .. وليش تقهرن او تفتخر انه احسن مني .. هو فيه مجال
تقارن نفسها بي والله انا كل اللي اجيبه واحصل عليه مو ببساطه اجي من هنا ومن هنا لما اخذ اللي اريده
وهي تدري بهذا الشي ..

والله ماتصدقون وشلون انا اراعيها ولا عمري جرحتها ابدا لاني افكر بالكلام مليون مره قبل اقوله ..
ولا عمري فكرت اني اتباهى حتى اني والله احاول اهون عليها لان حالة زوجها الماديه مو مره ..
واهون عليه اذا زوجها سوا لها شي مع اني اكرهه الا انه ماتسمح لي نفسي اني احرضها عليه مع اني
اقدررر لانها تاخذ بكلامي كثييييير ..

هي تقول اني اقول لزوجي كذا عشان يدري اني يوم انا ببيت اهلي موفر لي اللي ابغاه .. قلتله
وانا الضحيه هااا ؟

اللي ابغى افهمه وش سويييييييت لها انا ؟؟؟؟ طيب اذا بعدين تزوجت وش بيصير فيها ؟؟؟

انا قاهرن زوجه ابو عقل صغير وتاااافه وساااااذج , ومرييييض .. وش هالعقل له وشي اقهريه !!
والله اني دايما ادعي يالله يارب تزوجن باحسن واروع رجال بالدنيا عشان تعرف ان الله فوق كل شي ..

من وانا صغيره وهي ما ادري وش فيها علي حتى والله كانت تحرض اختي علي وانا اطننننش و كنت اكذب
نفسي اقول حنا خوات وما بيننا شي .. بس هالحين اشوفها زادت ..

والله اني معها عسسسسسل تخيلوا اذا بغت فلوس اسلفها ومره تبغى تحول فلوس وحولت لها انا من حسابي
وزوجها قايل لها اصبري علي ماعندي فلوس هالشهر واناااا اللي ساعدتها وقلت لها لاتنظغطين متى
مارجعتيه هذا غير اللي انا مسلفتها قبل يمكن سنه ولا عمري قلت لها عطين اياه مراعيتها لاني ادري
بظروف زوجها وما ابغاها تنحرج او شي ..

وش اسوي معها انا كنت اتجاهل كلامها بمثل هذي الاشياء مع اني ادري انها تخبي عني اشياااء وادري انها
تقول لزوجها عني ..
واتذكر باول زواجه تقول انه عقب ماطلعنا منكم قالي زوجي منهي اللي صوتها صغير ووو عاد هي تقول ما
ادري من يقصد وتكذذذب تدري انه اصلا بس انا وياها اللي كنا موجودين ما ادري يمكن عشان كذا حقدت
علي .. بس انا وش ذنبي اذا صار هو يتصنت هالمريض اللهم لا شماته ..

والله المواقف كثيره مثل يوم شريت جوال ووو ... وهي ترا ماتقول هالاشياء ع طول بس انا اجيبها من هنا
ومن هنا لما تطلع اللي عندها ..

والله كرهتهاااا ومالي خلق تجي عندنا او اشوفها واليوم اتصلت العصر وقالت تعالو افطروا عندي لان ابوي
مسافر وامي بتروح عند جدتي قلت لها لا مايمدينا ابسوي الفطور و اصلا اخوتي مااايحبون زوجها وادري
انهم بيرفضون بس صرفتها وقلت مايمدينا وانا مشغوله ..

وش افضل اسوي معها اطقها بوجهها عشان تتأدب امي تقول قولي لها لاتتكلمين عند زوجك عني ما اسمح
لك .. ولا اسكت وامشيها كالعاده مع انه طفح الكييييل ..

ادري طولت عليكم بس معليش استحملوني بس والله جد منقهره منها .. وشكرااا لقرائتكم فضفضتي واستماعكم لي ..

وشرفوني بارائكم ولا تقولون انتي حساسه تراي متعقده من هالكلمه .. وهذا شي مايمكن اسكت عنه ..

ودمتم بخييير

..

التعديل الأخير تم بواسطة روح المساء ; 25-08-2011 الساعة 09:30 AM

24-08-2011, 09:01 AM

زهـرة الـرمـان

قلب المنتدى النابض

تاريخ التسجيل: Jul 2011

المشاركات: 3,048

ياقلبي ترى انا حاسه بيكي ومو بس انتي يلي بتعاني من غيره اختك ..

أنا برضوو ماعندي غير أخت وحده ومتزوجه ..

أكبر من بـ8 سنوااات بس مادري حركاتها حركات غيره أو لآ ..

بس لمن تجي عندناا أحسها بس تبغا تضاارب معاياا تدوور حق المضاربات ..

رغم انو زوجها اسم الله عليه معيشها احلى حياه مو مقصر معاها بشي ماشاءلله تبارك الله ..

كنت مأمنتها على اسراري وحاجات خطيرا وحساسه بالنسبه ليا .. سار خلاف بيننا وفضحتني عند اهلي

الين دحين اسال نفسي ليش كدا تسووي ..!!؟

انا ماليا غيرهاا بس ماعمري حسيت انها تحبني وتشتااقلي ..

حتى مرره رحت بيتها .. واخدت قطعة شوكلاته .. الا قالتلي لالالالا اجلللسي في مكان واااحد

دحين الصراصير تتلم في بيتي .. وسمعت كلامها ..

ولمن زوجها جاا .. ابغا استر نفسي واتغطى .. الا تصررخ باقوى ماعندها تقول بسرررعه بسسسسرررررعه

والله لا اخليه يدخل ويشووفك ومدري ايش ... مافيها تصبر كم دقيقه بس ..

ومعاناه معاها ..

ولو دافعت عن نفسي بكلمة وحده تعالي شوفي اهلي ايش يقولو ..

أحتررمي نفسسك دي بنتنا وهي الداخله وانتي الخارجه .. ويسمعووني كلام كاني غلطانه ..

وانا اختك سرت اطنش واتسااير مع الموضووع عادي لو ايش ماسوت فيا خلاس اتحمل واصبر بس عشان ماما وبابا ..

وآآخر مررا تقوولي انتي معاكي انفصام في الشخصيه !!!

قمت سكت وبس ..

والله معليش كتبت حاجات مالها داعي في صحفتك والمفروض اني اواسيكي ..

بس انا للان مابلقى حل ..

وراح ادعيلك ان الله يرزقك بالزوج الصالح يلي يخاف الله فيكي ويوفقك دنيا وآآخره يارب العالمين ..

وراح اكوون متابعه لموضووعك عشان استفيد من ردود الاعضااء ليكي ..

دمتي بوووود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

24-08-2011, 12:14 PM

مفسر

عضو نشيط

تاريخ التسجيل: Apr 2011

المشاركات: 177

مرحبا فيكـ
مشكله إذا صارت أخت وتسوي كذا يعني مانقول أنه صديقة ممكن تتركينها وتركها غنيمه
لكن هذي مهما كان أختك وأكبر منك أستحمليها وياليت تتكلمين معاها بهدوء وبعيد عن العصبيه والنرفزه الزائده ,,
حلو لمن تطلعون مكان لوحدكم ويكون الجو هادئ يبدأ النقاش من غير تجريح وذكر أمور سابقه ,
أفتحي صفحه جديده مع أختك وأنسى كل الماضي وباين انك شايله بقلبك صح مالومك بس هذي أختك يعني متمغطين برحم واحد ولابد تحصل مناوشات لكن مستحيل أنها تكرهك أو ماتبيلك الخير ,
الله يرزقك بالزوج الصالح اللي يحبك ويقدرك ويعزك ويرزك وتكوني قلبه وعيونه وحياته ..

__________________
يارب ترحم أبيي وتشافي اميمتي

24-08-2011, 01:42 PM

شغموم الشغاميم

عضو نشيط جدا

تاريخ التسجيل: Mar 2008

المشاركات: 848

الغيرة وما تصنع
لا تسوين شي الحقرااااااااااان وبس
طنشيهااااااااا ولا تجاااااااادلينها ابدا
واستري اموررررك لا تدري عنها وهي وزوجها

24-08-2011, 03:44 PM

غيركم

عضو نشيط

تاريخ التسجيل: Jul 2011

المشاركات: 190

اقتباس:

المشاركة الأصلية كتبت بواسطة زهـرة الـرمـان

ياحبيلك يازهره يكفي انك شاركتين فضفضتي واشوف احد مثلي ..
انا اختي ماتجي بطريقه مباشره لاني اعرف انها تخاف مني أرد لها بأكبر منها يعني كل شي من تحت لتحت ..

الله يحفظك من كل شر وسوء .. ويعطيك ماتتمنين وزياده ..

24-08-2011, 04:01 PM

غيركم

عضو نشيط

تاريخ التسجيل: Jul 2011

المشاركات: 190

اقتباس:

المشاركة الأصلية كتبت بواسطة مفسر

انا ما اهتميت اصلا تكرهني او تحبني مستغنيه عنها اصلا .. بس ليش هالحركات مو صغار حنا على هالتصرفات لو تجي مني انا هالمواقف كان اقول مو مستغرب اما تصير العكس شي محير الصراحه ..
لو اواجهها عادي تبكي وتقول مو قصدي وما ادري شو .. انا ما الومها لان هالشي يحصل غصب عنها بس تقدر تحكم بنفسها .. و اللي قاهرن انه زوجها ما ادري كيف يفكر ماادري وش شايفنا اعداء مثلا .. وهو الحمد لله والشكر دايم مشاكل مع اخوانه وابوه ما ادري يحسبنا مثلهم ..

والله يعافيك ماقصرت والله يعطيك ماتتمنى وزياده .. ومشكوور على الدعوات الحلوه ,

24-08-2011, 04:15 PM

غيركم

عضو نشيط

تاريخ التسجيل: Jul 2011

المشاركات: 190

اقتباس:

المشاركة الأصلية كتبت بواسطة شغموم الشغاميم

هذا وانا اطننننش و ما اعطيها اي اهتمام طايبة نفسي منها من زمااان
والله اموري ماكد قلت له عنها ابدددا ولا شي .. بس تدري من امي او من اخوتي وتجي تقولي ليش
ماعلمتين وانتي تجحدين ..
انا جتني فترة وجودها كعدمه ما اهتم لها اذا جت وتهاوشني ليش ماجيتي وتعالي خلينا نسولف بس ما
اهضمها اجاملها كثييير والله اغصب نفسي احيانا .. يعني وشوله اسولف وينقلب كل شي علي احسن لي
اصير ساكته صح ؟
والله مع انها اختي الا ان سواليفها تافهه وما تعجبني .. دايما اذا تكلمت احس فيها تنتبهلي قووووه واذا
سكت او احد قطع السالفه تقول ايه كملي ما ادري وش هالحماس ؟!!!

والله يعافيك فعلا هو الحل الان الحقراااان .. بس انا ما ابغى اتأذى منها يعني مثلا تحسدني او شي ..

وشكرااا على تواجدك .. والله يبعد عنكم كل شر ..

24-08-2011, 11:24 PM

شغموم الشغاميم

عضو نشيط جدا

تاريخ التسجيل: Mar 2008

المشاركات: 848

تحملي حتى يجي نصيبك وتروحين وتفتكين منهاااااااا

شكلك ما شاء الله عليك راكدة وفاهمها

24-08-2011, 11:58 PM

سيدة الموقف

كبار شخصيات المنتدى

تاريخ التسجيل: Apr 2011

المشاركات: 5,061

::
أختي هذه هي أختك وأنيسة دنيتك
هذه التي إذا يوم صار لك شيء بتقولين آخ وبتدورين عنها حواليك
حبيبتي مافي خوات مايختلفون ويزعلون ويتناقرون بس ترجع قلوبهم
تتصافى

غاليتي بعد عمر طويل إذا أمك وأبوك غابوا عن الدنيا
من لك غير أختك..؟!
محد راح ينفعك قد أختك وشقيقتك إلي من لحمك ودمك

::
أكسبيها ياغالية
خليكِ أنتِ العاقلة وأحتويها
لاتحسسيها بالنقص أو أنك أفضل أو أفهم منها
أختك يصلها هالشعور لهذا تشوفين ردات فعلها غريبة

تغار لأنك أعطيتيها أسباب للغيره

أختي مافي أجمل من أنكم تحبون بعض
وتكون قلوبكم على بعض

تقربي منها
خليها تتعلم منك وتكون أخت تفخرين بها

::
هداكم الله وألف بين قلوبكم

::

25-08-2011, 04:24 AM

#10

ام الغالي11

عضو نشيط

تاريخ التسجيل: Aug 2011

المشاركات: 134

اختج هذي..مو رفيجتج
اذا هي تؤذيج بأفعالها فأكييييد مو بقصد..واضح انها تحبج والدليل لما ذكرت انها تحب تسمع سوالفج وتحس بحمااااس
اذا سوالفها ماتعجبج..راح يبان هالشي بملامح وجهج..وهي اكييييد راح تتضايق وتحس انج ماتحبينها
اكسبيها..والمثل يقول عمر الظفر مايطلع من اللحم
مهما صار بينكم من حساسيات وغيرة..بترجعون لبعض وتحنون لبعض
مايصير تطنشينها وماتقبلين دعوتها على الفطور...واضح انها تبيكم بس انتي فيج سوء ظن وبعد ماتغفرين وتسامحين

الله يهديكم بس..موضوعج زعلني صراحة

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه