اكتب لكم اسباب فشل وانهيار زواجي بعد 10 سنوات و 3 اطفال.. يمكن الاخوات الزوجات يستفيدون من اخطائي لتفاديها.. وانا صراحة كنت اعتبرها مميزات لكن لما راجعت نفسي عرفت انها اخطاء كبيييرة.. ولازم اعترف واراجع نفسي بدون مكابره..

1-كان يرفض يعطيني مصروف بحجة اني اذا احتجت شي اطلب منه.. وانا وافقت وبعدها صار بكل خلاف مايصرف ريال واحد لمدة اشهر.. بعدها صرنا حتى وقت الصفاء يرفض يصرف ريال.. ويقول زي ماعشتي ذيك الفترة كملي.. وفلوسه يرميها عاللي يسوى واللي مايسوى ويقول انهم اهم مني.. نصيحة لاتتنازلي عن حقك بالنفقة..
2- كان يسبني ويشتمني بأتفه الامور وانا اعمل نفسي راقيه ومؤدبة واسكت.. واذا ماصالحني اروح اصالحه بحجة اني عاقلة ومحافظة على بيتي.. وهذا غلط غلط غلط..
3- كنت اقدم له نفس الخدمات (بالطبخ والتنظيف والدلع) سواء كان مزعلني او لا.. وللاسف هذي نصيحة غبية من امهاتنا.. فصار مايفرق زعلت او رضيت..
4- لما فقت بعد سنوات وصرت اطلب الاحترام والنفقة صار يشوفني انانيه واقارن نفسي بغيري ويقول احمدي ربك متحملك.. نصيحة لا تكبتوا بداخلكم سنيييين وسنييين..
5- كان يمدح ويتغزل بالبنات قدامي وانا اسكت واظهر عدم الاهتمام حتى ماتصير بينا مشاكل وكنت احسب هذي ثقة بالنفس.. لقيته يتمادى ولا يعمل لي اي حساب..
6- اذا مد يده كنت ابكي واكتم بخاطري.. فهو يعتقد اني ما سكت الا لاني استحق الضرب والاهانه.. نصيحة الضرب بالذات خذي فيه موقف كبير ولا تعديه بالساهل..
7- كان يسافر ويروح رحلات ويقفل علي باب البيت وانا ارتب له الشنطة بنفس حلوه واقول اذا هو انبسط اكيد راح انبسط.. القاه راجع بنفس شينه ويقول كنت مبسوط ورجعت شفتك وراحت الوناسه.. نصيحة لا تعطي احد اكبر من حجمه..

الله يفرج همك ويرزقك من حيث لاتحتسبين

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

حسبي الله ونعم الوكيل في كل ظالم ..

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

انت ما اخطأت

بس هو ما كان يستاهل

وصدقيني ربي ما يغفل عن الظالم

وراح يجي السوم اللي يعض فيه اصابع الندم

كم صار لك منفصلة ؟

وشنو وضعك ووضعه الحين ؟

__________________

انتي زوجة مثالية ولكن هو كان اناني ولايقرك ولكن اجرك لن يضيع عند ربنا سبحانه وفقك الله واسعدك ورزقك الله حياة سعيدة وبر ابناءك بك

__________________
اللهم اصلح قلبي وقلب ابنائي

الله يصلح الاحوال و يرزقك

لي تعليق، كيف فقت بعد سنوات لتطلبي النفقة؟ نفقة ماذا؟ اكان يقصر بمصروف البيت او بكسو الاسرة؟

اريد ان افهم امرين.
١- من اين اتى موضوع النفقة المفاجئ؟
٢- من ثم نفقة ماذا تطلبين؟ مصروف لشو تحتاجين؟ هو قال لو تحتاجين شي احكيلي. فما المشكلة؟ لو كان موفر الاساسيات للبيت لماذا تطلبين مصروف؟ و تجعلين هذا المصروف الذي هو من كماليات الحياة سببا ليربى الخلاف؟

هذا كله بغض النظر عن كونه شتمك و ضربك و افترى عليك. طبعا لا مبرر لذلك. انما لفتني انك تكلمت عن المال و النفقة في اول نقطة من اسباب الفشل. كم تمنيت لو كانت آخر نقطة.
الا يكفي الرجل التكفل بالمسكن و الملبس و المأكول و الترفيه بل و نحمله نفقة للزوجة لأن الجارة هكذا تقبض و هكذا كلمتني بعد زواج دام 10 سنوات؟

هل هناك حكم شرعي يفرض عليه تقبيضك نفقة شهرية مثلا؟ عدا عن النفقة للبيت و العائلة؟

اخوي حبيب الحق صار يفتعل المشاكل حتى مايصرف.. وحتى لما احاول اصالحه يرفض يصرف علي ويروح يصرف على غيري.. اقصد ملابسي واغراضي الخاصة من صيدليه وحتى فواتيري وكل مصاريفي.. المرأة تتحمل احيانا اهانه ومرمطة وتقول معليش بما انه شايلني وقايم فيني.. لكن هذا يهين ومايصرف ولا يودي ولايجيب.. انا اتكلم عن الضروريات اما المقارنات والكماليات فماتذكرها الا قليلة العقل

عفوا اختي. انت قلت برقم أربعة في بداية الموضوع انك انت فقت بعد سنوات و طلبت نفقة. هذه اللي أريدك ان تعلقي عليها و ليس احتياجاتك. ما علقت على طلبك للنفقة و من أين أتى و لماذا كان؟

اخوي مافي شي يجي فجأه كل شي بالتدريج.. قبل سنه بدا يساوم على اغراض البقاله ويرفض يشتريها وبنفس الوقت يشتري لنفسه ساعات ونظارات ويسافر الخ.. سكت وتمادى (اهلي يلوموني عالسكوت) وصار جوالي يفصل ويقول ماتستاهلي اسدد فاروح انا اسدده.. يعني زودها وصرت اطلب منه نفقه واضحة لكذا وكذا.. يقول لي انا كارهك وما ابيك