السلام علبكم
ماتوقعت اني نهايتها اكتب و اشتكي 😁
بصراحة عندي زوج جدا غيور من كل شي
لدرجة ممنوع اكلم الطبيب و اعلمه وش فيني
اصلا ماروح الا لطبيباات لكن احيانا اضطر
وغصب اضطر اكلمه ويتحمل للضرورة القصوى
ما اكلم بائعي المحلات
اولاد خالتي اللي ربوا معي و اصغر مني بكثير يعني عمرهم
الحين 15 سنة تخيلوا يبيني امر من قدامهم من غير ماقول السلام مثل الصنم
لما اشتري شغلة واطلبها بالواتس ممنوع اكتب لاي بائع
بديت مشروع و احتاج لمندوب ، ممنوع اتواصل بالواتس معه
يعني تضيييق تام
واذا قلت حلال ترى
يقول حتى التعدد حلال
وش اسوي فيه بالله
لي 12 سنة زواج و بدأت اضيق ذرعا
لانه مش فاضي و يتضايق من طلباتي ودوامه طويل
عاد احيانا ما اطيعه ، المصيبة يقوم الدنيا لو درى😡
اذا احتجت لبقالة او مطعم لاززززم اكلمه ويصير وسيط لي في كل شي، حتى ببيت اهلي . ويكلم لي البقالة وهو بالدوام واحيانا يطفش او ما يكون فاضيً باختصار معطلني من اي تصرف يحتاج لو طيف راجل 🙄
ودي يتزوج ويخليني في حالي بس من يفكني من السنة الناس☹

استمتعي بغيرته هذا دليل انه يحبك معليش حتى لو زودها حبتين

مو لهذي الدرجة 😔
شكرا لمشاركتك التي شجعتني بصراحة

اهلا اختي استنكار...مهما بلغ الانسان فهو محتاج للتذكير والنصيحة...هذا النموذج موجود بكثرة في المجتمع العربي والخليجي خصوصا..اسمع الكثيرات يشتكين الغيرة الزائدة حتى غير الملتزمين.. وزوجي منهم فيه هالطبع يقيم الدنيا اذا كلمت راعي المطعم وكنت أتضايق كثيرا من طبعه....بس لأنه كثير السفر اضطر في سفره اسد مكانه واقضي حاجات البيت واشتري واسأل...بصراحة بعد المقارنة افضل غيرته ويكفيني حاجاتي على خروجي..فيا أختي ارضي بما قسم الله لك ما في حياة كاملة.

__________________
《 فلولا أنه كان من المسبحين * للبث في بطنه إلى يوم يبعثون》

الله يعين،، قبل راضية الان صرت احسه اوفر
الله يرضيني بما قسمه الله لي

اعانك الله

......

__________________
أشهد أن لا إله إلا الله و أشهد أن محمدا رسول الله صلى الله عليه و سلم

استنكار لا أراها مشكلة مادري يمكن أقول كذا لاني افقد شعور غيرة الرجل فأرى أنه شي جميل

كذا بسطية و افضل من أي تصرف آخر كإهانة او غيره


الله يسعدكم و يخف عنك

__________________

عكسك سبحان الله
زوجي مايبين غيرته ابدا
و لو كلمت احد يكتم غيرته و يقول عشان لا اضايقك

الغريب انه 12 سنه ماتغير

وينك طول هالسنييين توك مليتي من غيرته ام الحياة المدنية طغت عليكم ....

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي