السلام عليكم ورحمة الله وبركاته

صديقي العزيز يقول :
الزوجه الله يسلمك تتهمني تهمه خطيره جداً جداً جداً
تقول اني ( اقز - ابصبص ) أو اركز بالنظر على إذا ذهبنا للأسواق
المشكله اني مظلوم
طبعاً نفيت هذا الشيء نفياً قاطعاً
وتقول انها متأكدة
قلت لها يمكن تكون النظرة الاولى
فمعقوله أنا ابصبص وأنا مدري

وكيف اقنعها؟

انتظر ردكم على صديقي العزيز

وشكراً

مافي انسان رجل او امرأة
يذهب للسوق
او اي مكان
وماينظر ويبصبص خاصة مع
مستجدات العصر الا الاعمى
لكن طبعا المسلم يحاول غض بصرة
ولا يتبع النظرة النظرة...

يبصبص مرادفها يقز ويوجد رجال ونساء لايبصبصو ولا يقزو مجرد نظره أولى او عابره 🙂
مايصحش نعمم

__________________
اللهم صَل وسلم على نبينا محمد

يمكن؟!!!!

يعني هو مب عارف إذا هي نظرة أولى أو لا؟!

__________________


اللهم طِيبَ الأثر .. وحُسْنَ الرحيل.

قد لا يكون الانسان يبصبص

لكنه يطلق العنان لنظره

بمعنى مسموح لي لانه مكشوف.. لذلك مافي شي يمنع اشوف 😊

والدليل تبريره بالنظرة الاولى.. في ناس برضو تستغل النظرة الاولى اشد الاستغلال

عموما صديقك مش باين انه مصدوم من التهمة.. كانه بيبعدها عنه وينفيها وخلاص 😂

__________________

اختلافي عنك لا يعني اختلافي معك

الحل
لما يروحوا للسوق يقوللها دوقيني لما تشوفيني ابصبص على قولتلك حتى اعرف وقتها هي نظره أولى او بصبصه وان شاء الله يتفاهمو

__________________
اللهم صَل وسلم على نبينا محمد

البعض عباله ان النظرة الاولى يعني ساعة من غير ما ترف عينه...

والبعض من كثر ما اهو متعود يقز .. ما يدري انه يقز

__________________

حاجة الناس إليكم من نعم الله عليكم ، فـ لا تملوا النِعم ☁✨

تذكرت واحد متزوج جارة بيت اهلي
لما يشوف خيااال بنت مو بس يقزها
يفر راسه معاها
مثلا اذا تمشي وراه يلف راسه يناظرها لحددد ما تختفي عن عينه
وابوه بعد مثله
واااي .. كل ما الاقيهم بالشارع اظل اردد في خاطري : عمى بعينك عمى بعينك
اخت مرته تصير صديقتي
تقول كلمته زوجته قال لها ما اناظر! يمكن تقصدين النظرة الاولى !!!
حتى اذا زوجته تمشي معاه يظل يناظر الحرمة لين تختفي عن عينه

__________________

حاجة الناس إليكم من نعم الله عليكم ، فـ لا تملوا النِعم ☁✨

كلامك صحيح 100%
بارك الله فيك

ومايصحش نسيء الظن في نظرات الناس
بالعقل يعني واحد ومعه زوجته كيف يفكر يبصبص ؟
شكراً