بعد التحية والسلام
انا عندي جاره اقلقتني بمعنى الكلمة تبغى تجيني بأي وقت تكون هي فاضية وهي طبعا فاضية بكل الاوقات اولادها كبار وزوجها سامحلها بالخرجات على كيفها
انا زوجة ثانية وعندي نظامي اللي رسمته لنفسي وماشيه عليه اللي هو اليوم اللي يكون زوجي في بيته الثاني اغسل واكنس وامسح واتفرغ لتعليم اولادي واليوم اللي يكون عندي زوجي اتفرغ له مااستقبل مكالمات غير ضرورية ولااخرج ولااعزم احد لكن سكنت بجنبي هذي الجاره وادوشتني كل شوي اتصال او ماادري اللي هي ترن الجرس اما وقت ظهريه اونص الليل لاوالشكله السواليف كلام فاضي وسخيف طبعا انا جلست معها كذا مره وعرفت انها انسانة سلوكها تعبان وغير محترمه حاولت المح لها اني مشغولة وماعندي وقت للزيارات قالت بكل تفاهة انا اساعدك تبيني اخليها تغسل ثياب زوجي واولادي انا بصراحه انسانة احب احافظ على خصوصياتي وهي تتدخل باللي مالها فيه ومايردها الا اخر البيت ومره زارتني وانا عندي ضيوف طبعا بدون مااعزمها شمت الريحة وجات تتعرف انشغلت شوي بالمطبخ طلعت لقيتها متسمره قدام الشباك يعني بتجيب لي الشبهه انا بصراحه متورطه فيها ليتني مادخلتها بيتي من الاساس احيانا اقول بطردها لكن محترمه حق الجيره واقول ماهي حلوه بحق نفسي تصورو اذا اتصلت مارديت تجي تدق الباب وتسبني في بيتي يعني تمزح الحين
والله لو الاغراض اللي اطلبها من السوبر ماركت حافظتها واي شي يشتريه زوجي تعرفة قبل ماتدخل علي شكلها طول الوقت جالسة تتلصص علي ماعندها شغله الا الجيران طبعا احنا بعماره وكل الشقق يعرفونها وانا اعرف كم وحدة من الجارات وكلهم مايبونها تزورهم لكن انا اللي تورطت فيها لان بابها لازق في بابها
الله يرحم والديكم شيرو علي اللي مثل هالاشكال كيف الواحد يتعامل معهم

__________________

بصراحه جارتك هذي ماتطمن خلي علاقتك معاها رسميه
وإذا دقت عالتلفون او الباب وانتي موفاضيه لاتردي الله
يكفيكي شرها

والله انا شاكه انه من ورى تلصقها شيء وانتي شككتيني زيادة يعني بصراحة كل شيء له حدود والا انا غلطانه

__________________

لاحبيبتي منتي غلطانه كل شي وله حدود
والشي إذا زاد عن حده ينقلب ضده بعدين
شكلها موبس تراقبك إلا تراقب الداخل والخارج
إذا كانت شقتها قبالك فالله يعينك احذري منها

اقطعي علاقتك فيها نهائي

لاتردي على تلفون ولا تفتحي لها الباب مهما سوت

ومع الزمن راح تمل وتتعب وتتركك وتروح لغيرك وهذي طريقه انا مجربتها

النوعيه اللي مثل كذا ماينفع معاها الا هالاسلوب

في البدايه راح تستصعبي هالتصرف معاها بس ماعليك منها

هي اللي بدأت معاك

قبل تسوي كذا معاها حاولي تناقشيها وتوضحي لها كل اللي

تبغين واذا نفع النقاش تمام واذا لا ماعليك الا بالطريقه السابقه

تحياتي لك وبالتوفيق

انصحك انك ترحلين من عندها هذا احسن حل لانها ممكن تعمل لك مشاكل لكن ان رحلتي خلص يخلص الموضوع من جذوره

__________________
سبحانك اني كنت من الظالمين

اشكركم على المرور والتفاعل المصيبة اني سويت كذا طنشتها وكنت في بداية الحمل وتعذرت بالوحم وقلت انا مااطيق الناس ماادري وشفيني وارتحت منها كم شهر وفرحت قلت يمكن الحرمه فهمت ماخلصت الاربعين الا وهي جايه تدق الباب تقولي هاه خلص الوحم والحمل ماعاد لك عذر بالله شفتو لصاقة اكثر من كذا

__________________

إذا اتصلت خلي الأطفال يردون عليها .. و يقولون لها ماما مشغوله

و إذا طقت الباب .. لا تفتحيلها أبدا أبدا أبدا.. حتى لو جلست عند الباب مليون سنه..

أو جيبي ورقه و حطيها على الباب من برا .. (يرجى عدم الإزعاج) .. عادي لو مكانج والله لسويها..

و إذا شفتيها و انت و طالعه و كلمتج لا تردين عليها أبدا .. بس السلام .. حتى لو تكلمت مثلي انج ما تسمعين أو تتكلمين في الجوال ...

يعني ابتكري طرق .. بخي بف بااااااااااف عند باب بيتكم <<<< يا ساااااتر

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

ياختي هذي مو جارة

إلا جااااسوس

قولي لها بالصراحة والمختصر المفيد

عطيها كلام يهزها ويردعها

لا تتهربين منها بالأعذار

اخاااف تسوي لك مصيييبة

اصلا خلالالالاص لاتدخل بيتك

كل شيء له حدوووود00

فكرة بر الأمان حلوة

اكتبي بورقة

الى ...... (فلانة ) واكتبي اسمها

ارجو عدم الازعاج واطبعي عشر حطي عند باب بيتك وعطيها نسخة

وحطي على باب بيتها 00000

ماينفع معها الا كذا حتى تتخلصين من حماقتها

والله يستر عليك

الحمدلله والشكر

الحمدلله الذي عافانا مما ابتلا ها به وفضلنا على كثير ممن خلق تفضيلا 00













صرااااحة ضحكتيني الله يسعدك

__________________
... لم تخلق المرأة من رأس الرجل لتتكبر عليه ... !! ولا من رجله ليحتقرها ..!!
وإنما خلقت من ضلعه لتكون تحت جناحيه فيحميها ..!!

مرحبا بر الامان واهلين مجرد رومانسية
اشكركم على المرور والله ماتتصورون قد ايه حجم معاناتي من تصرفاتها يعني لو احد قالي عنده جاره بهذي المواصفات مااصدق معقولة فيه ناس ماعندها دم لذي الدرجة المشكلة كل ماقامت وقعدت قالت الجارللجار (كانها اللي مع برنامج الاطفال دمتم سالمين) كأن مو من حق الجار على جاره انه يريح دماغه صدق اللي قال عيش كثير تشوف كثير

__________________