السلام عليكم ورحمة الله وبركاته
انا اختكم مجروحه سبق وان طرحت لي عدة مشاكل مع زوجي منذ فتره طويله ...
اخر موضوع كتبته لكم ... اثناء ماكنت حامل وكنت موجوده في بيت اهلي . .. صاري سنه واربع شهور عند اهلي ..
و ولدت ولله الحمد وانجبت مولود ذكر الله يحفظه ويخيله لي ولاخواته الثنتين يارب ويرزقني برهم وسعادتهم يارب ..
صارو اولادي ثلاثه.. الحمدلله على نعمك وعلى مارزقتني يارب
طبعاً كنت عند اهلي وكنت ارغب بالطلاق وبشده و لاكن هناك من الأخوان من نصحني بالصبر الى مابعد الولاده.. وصبرت وكنت ماني حابه اشوف زوجي نهائي ولاكن عند ولادتي وعندما علم بأنه رزق بمولود جاء ودخل علي فجأه. فلم يكن مني غير البكاء.. فكنت تعبانه جدآ ولا استطيع الكلام ... غير اني كنت اشعر بظلم كبيرلطفلي لاني حاولت كثيرا اجهاظه وانزاله وعند الولاده واثناء خروجه صابتني نوبة بكاااااء ... فغلبني الصمت طوال الوقت ..
طبعاً توالت زيارته لي في بيت اهلي .. فلم يفتح اي موضوع وكأن لا شي حدث ... قلت لأهلي انا ماراح ارجع له لين تكلمونه بكل جديه انا خلصت مشاكل ماعاد اتحمل ...
لو يرجع لنفس طبعه قبل انا بهج واخليه لو اعيش بالشارع ..
طبعاً وافقو وقالو حنا نكلمه و نقوله ... وقالو يقول انشاءالله وانا الي تبيه يصير وخلصنا مشاكل وتبشر بالي تبي .. ومن هذا الكلام
ولاكن معي لم يقول لي حرف واحد او يعتذر ..
وكان يقول خليك مرأه عاقل واعرفي حقوقي وجنونك خليه على جنب ... فكان مع اهلي شي و معي شي آخر ..
طبعاً رحت مراجعه عند دكتوره .. في فترة النفاس وكنت مظطره وشي ضروري واحدث مشكله وقال مافيك شي انتي مثل الحصان لاكن زياده مصاريف بس وكنا في مستوصف وكان معصب علي والناس تناظر لنا ...
وبعدها بفتره ذهب الى محل لاشتري لي قطعه قماش تكلفتها 100 ريال و بدأ يصارخ علي و يقول وين الهدايا حقت المولود الي جتك ادفعي منها .. و انا اصلا كانت زياراتي قليلة جدا وحتى اهله مازاروني ..
ومشاكل كثير وانا فترة نفاس عند اهلي و ماكملت شهر معاه وكان يقولي "انتي طيحتي وجهي قدام الناس لاكن اعرف شلون ادبك"" قلت ليش طيحتك وجهك .. وشو الجرم الي عملته.. ؟
فخرج وتركني ..
المهم قلت لوالدي هذا الرجل ماراح يتعدل ... قلت له يابوي انا خلصت منه اجل اذا رجعت للبيت معاه ايش يسوي ..
قال لما تطلعين معاه للبيت انا اكلمه ...
ولا كن والدي ماقاله شي... وامي كانت فرحانه لرجوعي له رغم عدم رغبتي ...
لاكن رجعت له انسانه جديده والله على ما اقول شهيد. .
رجعت ببدايه جديده مايسمع مني الا الكلام الحلو وابشر ومن عيوني وتأمر امر اطبخ الذ الأكل و لاكن يرفض الاكل معنا ويروح عند أمه وكنت اقوله بحفظ الرحمن الي يريحك وبسلامتك ياروحي كان يدخل معبس أحيانا ومايلاقي شي يحدث منه مشكله فيقول وش مجلسك هناء والا تهجين عني ...
فأقوم واحضنه واقوله لي اهج حنا نفرح بدخلتك علينا .. ومن بكرى يدخل علي المطبخ وانا اطبخ ويقول انا اذاكلمتك تناظرين لي ... واحيانا لما احط الغداء يقول بتغداء عند أمي احسن من مقابل وجهك...
والله عادي عندي وكنت اتغدا انا وبناتي ... وكان كل يوم يجي لازم يفتش المطبخ والثلاجه وحتى الزباله وانتو بكرامه ويبدأ موال ليش ماحطيتو لي من الاكل الفلاني و ليش تكبين النعمه وانا ماحب اكب اي حاجه وحاطه لي حاويه للخبز وحاويه للرز والاكل ... !!!
طبعآ الاشياء الي ذكرتها هاذي حياتي ليوميه العاديه ..
اما الماشاكل شي ثاني فهي صراخ و دفع واشياء تسبب لأولادي الخوف .... ومن المشاكل الكثير ولا يسعني ذكرها ...
انا الان ابني عمره 7شهور ...
اخر مشكلة حدثت جعلتني ارغب بالطلاق بجديه وبشده. .
طبعاً من رجوعي حارمنا من الخروج والطلعه ولا يبي يوديني ولا يجيبني وبيتي قريب من بيت اهلي واروح واجي على رجولي .. والحمدلله قربي لبيت اهلي هذا بحد ذاتها نعمه ..
المهم ذاك اليوم اول مره يجلس عندنا وهو جالس ويناظر لي بستحقار بدون سبب لما اذان العشاء قال بطلع فقلت لبناتي يله حبيباتي البسو جزمتكم بنروح خوالكم فجاه فز من مكانه وقال بأخذ العيال عند امي ...
قلت بسلامتكم ..
اخذ هم وطلع ورحت بيت اهلي .. اتصل علي وقال بنروح السوبر ماركت نشتري اغراض للبيت طبعاً مو من عادته وافقت ومرني في بيت اهلي ورحنا وواشترى للبيت اغراض مع احداث مشاكل داخل السوبرماركت تعودت طبعاً لازم مشكلة. ..
وحنا في السوبر ماركت مسكني وقال شوفي انا اشتريت سمك ابي غداي بكرى سمك قلت انشاالله طيب وكل شوي يزود حاجه يقول اي معاه السلطة الفلانية قلت ابشر قال وابغى الصينيه الفلانية قلت طيب قال وبعد الصلاة القاه والم قلت انشاالله. ..
طلعنا من السوبر ماركت قال وين تبي العشاء..
استغربت واستانست وقلت بنفسي الله الهادي ..
واخترت مطعم وبالعاده مايسوي الشي الي ابيه الا يعكسه...
و وداني وهو ساكت وماقال شي دخلنا المطعم و طول الوقت ساكت و انا مستانسه و ادور سالفه اسولف له فيها ابي يتكلم معاي وياله يقول كلمه كلمتين والله طول ماحنا نأكل ما اسمع غير ازعاج المطعم وصوت اكله ....!!!
خلاص اكل وقال انا بروح اغسل غسل وجاء قلت انا بغسل ورحت غسلت رجعت مالقيته عرفت انه بالسياره ولقيته بالسيارة ركبت ورحت للبيت. .. طبعاً هو مايجي الا بعد الفجر ..
جاء ونام ... قومني فترة الضحى عشان الجماع واعتذر عن هذا الكلام ... طبعاً الجماع مايكلف نفسه في شي انا من اجامعه بكل شي .... وكان وقت الجماع يحذرني من العصبيه وعدم الاحترام و حقوقه وبااسلوب احس نفسي رخيصه ... فقلت له شايف ان هذا وقت محاظره ... المهم ابتغي رضى الله و ليس رضاه...
والله العظيم اول ما انتهى جلس وقال اسمعي الغداء اليوم ابي تحطين لأمي منه غداء سمك ...
قلت له بس تر مايسوى الي انت جايبه سمكه صغيره ... قال ليش تقولين لا قلت انا ماقلت لا ولا عيت ويبدأ يصارخ علي صراخ فصيع وقامو البنات والولد يصيح من قوت الصوت ..
قلت وشفيه وش تبي خذ السمكه كله واعطه امك حنا مانبي شي قال اسكتي ويصرخ اسكتي وسكتت وجلست اهز بولدي الصغير خايف ويصيح ويطرش وهو مسرسل بالخناق... وانا ساكته
جلست اغير لولدي ويجلس يخانق يقول ناظريني اتركي الوالد انا اكلمك ... قلت له مو انت تقولي اسكتي سكتت وش تبي..
قال لا تطولين صوتك. قلت انا ماطولته انتي مطول صوتك علي قال اتصلي بأبوك خليه يجي قلت ليش يجي قال خيه يشوف بنته الي ماتستحي... ابوي كان مسافر ورفضت اتصل على احد ..
ووكان مسترسل بالخناق قلت له لو سمحت ممكن تخليني اروح الحمام قال لااااااا ويسكر بابالغرفه وياقف قدامي قال اذا كلمتك ماتمشين انا ماخلص كلامي .. قلت طيب يله انا بسمعك لين تخلص... واقف وهو يصرخ ويعيد الكلام الف مره وتعبت وانتظر قلت طيب خلاص بطلع ويصارخ علي ماتطلعين ماخلص كلامي قلت له متى يخلص كلامك تعبت انا وبعدين وش تبي انت قال انا رجل ابي حقوقي قلت وشو حقوقك قال انتي تكرهين امي مالك دخل انا بودي له غداء قلت له ود لها الي تبي و ش تبي مني وهالغداء الي لجيتن به ترن ماصلحته ولا شي ووتجي تخانق قال انتي ماينفع فيك معروف انا موديك سوبر ماركت و معشيك بمطعم وتقلين ادبك علي وترفضين تصلحين لي غداء ...
فأنا كنت ماسكه اعصابي على الآخر و قلت له خلاص ابعد عني بطلع قال لاااا قلت وخر قال لاااا اعلىمابخيلك سويه صرررررررررررررررررخت قلت ابعد ويدفعني على ورى قال وش بتسوين يعني قلت وخر عن وجهي قال ماني موخر مسكت الباب بفتحه ويمسك يدي بقوه ويلويها صرخت قلت وخركسر يكسر يدك قال مانيه... وكل ماقربت للباب دفعن بقوه هنا خلاص تعبت ودفعته بقوه وقلت ابعد عني لا تلمسن طلقن مابيك مابييييك ومسكني من الخلف ورماني برى الغرفه وبقوه جلست ابكييييي
دخلت الحمام ابكي واتحسب عليه اتصل على طول على امي وقال تعالي شوفي بنتك انجنت علينا تصيح بالحمام وانا ماسويت لها شي بس عشاني قلت لها حطي لأمي غداء سمك .وقالت لا ماني حاطه لها شي امك ماتستاهل....وكلام كثير طبعاً. .و انا ماقلت هالكلام يكذب علي ...
طبعاً امي جات بسرعه وركض على رجولها . ودخل هو وياه بالمجلس ويتكلم على امي وبنتك وبنتك وبنتك واغلبه كذب يقول شفتي بنتك انا حليل امس موديها المطعم والسوبر ماركت بس بنتك ماتستاهل. .. امي كأنه صدقته شوي ... طبعاً انا تركتهم لحلهم ولا دخلت عليهم. .. جاتني امي لحالي وقالت كم مره حنا نتكلم ونقول سوي الي يبي كنت معصبه قلت لامي رجأ يمه خلاص اذا انت مصدقته روحي وخليني كم مره يكذب وتصدقونه ارجوك قالت امي ليش تقولين لا..قلت يكذب ماقلت لا وجلست ابكي واسكتت قلت يمه ارجوك روحي كم مره يسوي هالحركه ويتصل عليكم تعالو ويشكي بنتكم وبنتكم وكله كذب ... اساسا المفروض ماجيتي وعطيتيه وجه عشان يخجل على نفسه ... المهم راحت امي للبيت ولما عرف اخوي الكبير عصب وقال لامي ليش تر وحين خليه هذا فعلا شكله مريض ..
مرسل لأمي رسالة بالواتس اب انه لاترجون مني خير بعد اليوم و مرسل لي خلاص لاتنتظرين مني خير و كلام كثير ... قلت لأمي وش يسوي بيتزوج عااااااادي بيطلق ابرك الساعات انا مليت منه وابي طلاقي ...
انا فعلا ابي الطلاق لاكن مادري كيف اهلي يستوعبون هذا لشي..
انا افكر بالطلاق وابي افاتح والدي بهذا الموضوع انشاءالله
انا صممت وقررت .... الصبر صبرت وكافحت من اجل اولادي تحملت اشياء كثيرة الى متى الين ما أمرض واتعب ... الى متى يالي قلتو لي اصبري بيتغير ... راح عمري معه على مشاكل. .
انا مابطلب الطلاق عشان اتزوج رجل آخر .. انا بتطلق عشان نفسية اولادي ... اصلا وضعهم لما كنت في بيت اهلي كان يسألون عن ابوهم دايم نفس الشي بالبيت يسألني ليش بابا مايجلس معنا وين بابا متى يجي .... ايش الي تغير ...
لاكن هذا غير المشاكل الي اجي باليل اغطيهن يصيحن بفرشهن ... ماهي حياة الحمدلله على كل حال. .
اعتذر عن الاطالة والأخطاء الإملائية. ..
دعواتكم لي .. رايكم .? متى الوحده يكون الطلاق لها مناسب لكن تنجن وتنمرض وتنتحر

كيف وضعه كأب ؟ يعني يستاهل انك تضحين عشان اطفالك ؟
بشكل عام المشاكل بين الزوجين ممكن الواحد يتحمل ويصبر ويصبر لحتى اخر يوم بحياته .. لكن اذا الاستمرار بياثر سلبا بالأطفال فالطلاق راحة .

.
حاولي تتصوري حياتك بعد الطلاق خصوصا من الناحية المادية والاستقلالية وشوفي الأنسب لوضعك ..

الله يفرج همك وييسر أمرك

استمري بالدعاء عسى الله يفرج همك ولاتنسين الصدقه مفعولها عظيم


واهله الله يعينك عليهم

الله يكون معك اختي
قرأت معاناتك في بيت اهلك
رأيي اصبري على زوجك احسن على الاقل انت في مملكتك واولادك بيناتكم وسايسيه وادعي له بالهداية
مش كل البيوت سعيدة لكن في ناس صابرة لعل الله يصلح الحال
اما امه اختي لا تعارضين على شي يخصها كل الرجال عندهم حساسية على امهاتهم حتى لما يتكلمون عنهم لازم ما تتغير ملامحك وتفرحين بسيرتها بعد والا تدخلين في مشاكل

كان الله بعونك اكثري من قول لاحول ولاقوة الا بالله

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

اسأل الله لك الفرج العاجل القريب

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الدعاء يغير القدر فأكثري منه و من الحوقلة
و باذن الله يتغير حالك الى افضل

هو من زمان اسلوبه كذا ؟؟
..

اما سؤالك متى يكون الطلاق للوحده مناسب لما تنتحر وتتجن ؟؟ لا حبيبتي الطلاق مو لهدي الدرجه ..
الموضوع بيختلف من ازواج الى ازواج .. الاحداث الي ذكرتيها مانقدر نقولك ايوا اتطلقي او لا ..
انت نفسك عارفه مستوى حياتك وعارفه نفسية اولادك وعارفه نفسيتك وقدرتكم على تحمل الوضع وان كان في امل يتغير او لا .. وفي الاخير الطلاق قرار شخصي او اتفاق بين الزوجين على الطلاق في حال حسو ان الطريق بينهم مغلق .. ( لكن دا الشي انت وهو الي تقدرو تحددوه ) ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

الله يعينك على ما انتي فيه حاولي تتقربي من أمه وتزورينها وتعطيها هديه وتكوني مبادره له من جهة امه
وعليكي بالدعاء والتقرب من الله
إلجأي إلى الله في سجودك

بالتوفيق

__________________
أرجوك
لا تحاسبني على ردة فعلي
وتنسى أفعالك الحمقاء

مانقدر نقول تطلقي لانا ما نعرف الا شيء بسيط جدا وهو اللي كتبتيه هنا
بس هو يجي منه وداك تتقضين ووداك المطعم و بعد التمشية لما قال بودي لامي كان قلتي ابشر
او عطيتيه السمك كلها بعد
يعني انتي دارية اسلوبه انه بيزعل كان اختصرتي على نفسك و لا حطيتي قدامه السبب