السلام عليكم
حطيته هنا لانه يخص المتزوجين
الموضوع ما يخصني لكن تساؤل من انسانه عزيزه
اذا زوجك وعدك بسفره وتجهزتي ماديا ومعنويت
طلبتي اجازه اجلتي بعض الامور تسوقتي للسفره البحث واعداد جدول السفر
وبعدها وقبل موعد السفر يخبرك زوجك بتاجيل السفره لاسباب غير مقنعه
او يقول خليها وقت ثاني احسن وانتي عارفه هالوقت الثاني مابيجي
او يسافر مع اصدقائه بنفس الوقت الي وعدك

كيف بيكون تصرفك
وكيف بيكون احساسك
اذا تكرر الموقف اكثر من مره
باختصار زوج يوعد ويخلف

حدث لي في الصيف تجهزت بعدين جاه ظرف وهو سفر اخوانه ولم يرد ان تبقى امه وحيدة لانها في العدة
احساسي مت بالقهر لكن ما بينت و عزمتني اختي و رحت عندها كانت مستاجرة احد الشاليات على البحر انبسطت وانبسط الاولاد ونسيته هو وسفرته
لكن لو ما سمحلي وبقيت عنده كنا تخاصمنا لاني ابوز وما يعجبه لانه لازم افرح في كل الاحوال

تصرف سيء ويدل على عدم الاهتمام واللامبالاة ويمكن صراحة يشوفها من النوع الضعيف اللي ماتتخذ موقف فمايشيل هم لاكنسل مواعيدها وخصوصا زي ماقلت مافيه أسباب مقنعة

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

تصرف جدا مستفز ولو سواها زوجي مارح اتناقش معاه خصوصا انو كررها اكثر من مرة ..
بتمسخر منه قدام اهلي
واتطنز ع اللي مايتممون كلامهم
وارمي عليه كلام بين فترة والثانية بسخريه وتطنز عن كثرة وعوده ولاسوا شيء منهم

واحجز لي مع اهلي اسافر معاهم دام الفلوس والاجازة موجودين 😄

__________________
سبحان الله وبحمده ، سبحان الله العظيم

اذا اجلها عشان بيروح مع اصحابه اكيد شي يزعل
بس اذا صارت له ظروف عادي تصير لنا دايم و لا ازعل بالنسبة لي السفر من الكماليات مش ضرورة

فعلا صعبه اذا اجلها وسافر لوحده
واحيانا اسبابه مجرد تسويف

صعب تتمسخرين عليه قدام اهلك
ومو دايم الاهل مستعدين للسفر
صعبه الوحده تسافر مع اخوانها خاصه اذا متزوجين

يعني من رايك انها تكبر الموضوع وتسوي قصه
هل بيحط بعين الاعتبار مستقبلا رده فعلها

كويس انك عوضتيها بوقت حلو
فعلا اشوفه سلوك جدا بشع انك توعد وتخلف
خاصه اذا الواحد محب للسفر وكان ناطر ومتحمس ومرتب اموره

لا وين تتهاوش عشان سفرة !
المشكلة اننا انجرفنا وانا اعترف اني منهم نحو الكماليات
ونسينا ان الحياة زائلة
قبل الناس ماكانت تسافر حدهم الحرمين الشريفين و الطايف ويازينها من وجهه
الحين الناس تتاثر ببعضها للاسف و صارت تكاليف السفر من الواجبات
امر لا يستحق الزعل و مو واجب عليه يسفرها فما بالك تجي تتهاوش
للاسف الناس صارت تسافر عشان تقول انا سافرت وتصور
ياليت نرجع و ترجع للدين و تعرف حقوقها وايش اللي لها و عليها عشان ما تزعل على الفاضي