السلام عليكم

انا ببالي منشغل بسالفة قلت اخبركم بها وتقولون ايش رايكم يمكن انا مكبرة الموضوع

رحنا اليوم انا وزوجي السوق لاغير حذاء كان قد اخذه لي من قبل

واحنا ببلد اروبي كنت جالسة اقيس الحذاء اللي ناوية اخذو وهو واقف مقابل معي ناخذ ونعطي في الكلام وكان الجو بيننا لطيف

بعد شوي مرت احد النساء من جنسيتنا واضعة حجاب عادي على راسها وانا في هذه الوقت كنت بحكي مع زوجي سئلتو حاجة استناه يرد عليا وكنت عاطية لهذه المراة بالظهر يعني لا تظهر لي من الامام ولكنها تظهر لزوجي والمكان اللي مرت عليه هو مكان تواجدنا وقياسي للحذاء وهو طريق ضيق

في هذه الاوقات كنت بنتظر زوجي يرد عليا الا وانا اشوفو يناظر للمراة والمشكل اللي صدمني انو طول النظرة والله حسيت بسكين اختلج صدري

بعدها شاف عندي زوجي الا وانا مستااااءة جدا ومجرووحة ما قال شي قمت غيرت المكاان قبل ما اتصرف تصرف جنوني

تمشيت شوي وانا مجروحة ونظرته اليها لا تكااد تفارقني لحد الان

بعدها جيت عندو قلت له يا الله نروح قام يسالني ايش فيك اول انا عجزت اتكلم لاني كنت وايد غضبانة ومستاءة وبدا يستدرجني في الكلام هو طبعا عارف اللي مزعلني ولكنه يتجاهل وهذه مو اول مرة

احسست به يستفزني باسئلته فقلت اللي عندي قلت له حراام علييك انت واايد جرحتني الخ من كلام احسست به وقتها

قام مثل العاادة يبرر قال تبيني اسوي نظارات ما اشوف يمين ولا شمال قلت له مو هييك طبعا انا كم من مرة تغاضيت عن نظراتك وما اهتميت بس ها المرة طولت الشوفة وزودتها كثيير قام يقوللي انا المراة هذه شفتها تنااظر لك بطريقة ملفتة عشان كذا شفت عندها

والمشكل هي كانت جاية من ورايا يعني ما قدرت اشوف اذا كانت بتناظرني او اذا كان كلام زوجي صحيح

المهم قلت له كيف ما كان السبب ما كان لازم تشوف وتطول الشوفة وجلست اخاصم عليه واعااتبو

وبدا يتقرب عندي بطريقتو في السوق تاكلي شي تشربي شي
واخذ بعض الاغراض من السوق ويكلمني عاادي انا اجوبو عادي على قدر السؤال لكن الاستياء يبدو عليا

والله ما ادري ايش اسوي دحين احسو وايد جرحني وهو طبعا شااف معايا حق عشان كذا بدا يتقرب مني
لو اني ظلمتو او اتهمتو ما يهتم فيني لان هو طبعو اذا اتهتمتو بشي مو صحيح يبعد عني

وسالفة اخرى انو فيه طبع واايد يزعجني في الاسواق والاماكن العمومية هو طبع انساني لكن انا يزعجي وهو انو وايد لطيف ومؤدب مع الناس والنساء خصوصا يعني اذا كان يقود السيارة مع انو نكون بعيدين على المارين لاء هو يوقف السيااارة ويخللي النسوة تقطع الطريق وانتو بكرامة عارفين اللباس اللي يلبسون هنا وحركاتهم كيف
او اذا دخل محل صاحبتو امراة اشوفو وايد لطيف معها ومبتسم
هذا طبعو مع الكل بس مرات احسو يزودها ومافي داعي لكل ذلك

شغلاات كثير بباالي عليه بس اكثر حاجة ضايقتني اليوم هي نظرتو المطولة ولحد الان ما قدرت انساها

بليييز ايش رايكم وكيف اتصرف لاني عجزت انسا

وذهبت المرأة في حال سبيلها
وانتي نكدتي على نفسك وعلى زوجك عشان نظرة!إ
تطمني عزيزتي كل امرأه هنا مرت عليها نفس الموقف

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

معليش ياختي ثقتك بنفسك مهزووزه
لهدرجه نظره من زوجك لامراه عابره تنكد عليك يومك ...
!!!!!!

كما قلن لك الأخوات امرأه عابره ذهبت في حال سبيلها
واحساسك طبيعي جدا ولكن الغلط هو انك بينتي احساسك
وبحت له به
لأنه هو اكييييييييد ناظر فيها وسينسى الموقف لمجرد مرور دقائق
ولكن استيائك وبوحك بما شعرت به يجعل الموقف والمرأه في باله

وتعامله اللطيف مع النساء طبيعي اذا كان يعاملك انتي واخواته وامه بنفس الطريقه والاحترام واللطف
معناها هو متربي على احترام النسوه
هذا كل مافي الموضوع
ونظراته للنسوه وتلطفه معهن لابد منه بما انكم بسوق
كما انك انتي بالتئاكيد تنظرين وترين الرجل الوسيم و هناك منهم من يعاملك بلطف
ولكن هل تعيرين من يتوقف من الرجال ليجعلك تعبرين الشارع اهتمام ؟
او هل تتوقعين انه يريد منك شبء لذلك يعاملك بلطف ويتوقف ويجعلك تعبرين ؟
كذلك النسوه اللاتي يلاقين الاحترام من زوجك هن لا يعرنه اهتمام ولا هو يريد منهن شيء

اتمنى فهمتي قصدي من المثال الاخير كل ماقصدته ان تضعي نفسك بمكان احدى هؤلاء النسوه وتتخيلن لو رجل فسح لك المجال للعبور كيف سيكون شعورك ؟ اتوقع انه لا يتعدى انه رجل احترمك لا لذلتك انما لأن اخلاقه تحتم عليه احترام اي امرأه كبيره صغيره . ايا كانت

موضوعك بسيط جدا ولا يحتاج لأن تفكري به او يشغلك او حتى تجعلي منه مشكله تعكر يومك

لاحول ولاقوة إلا بالله ..
المحاسب هو الله سبحانه ..
إن لم يغض بصره عن النساء في وجودكِ خوفا من الله ، فتأكدي أنه سيطلق نظره بكل حرية
حين لاتكوني معه .
أنتِ الآن هدئي من روعكِ ولا تخربي بيتكِ بنفسكِ .. أنا لا أبرر تصرفات زوجكِ فالأكيد والصحيح أن
إطلاق النظر للأجنبيات مفسدة عظيمه ..
لكن احتجاجكِ عليه وحديثكِ الغاضب له هو من باب غيرتكِ فقط ، في حين كان الأولى أن تذكريه بالله
وبعظم التعدي على محارم الله ..
انصحي زوجكِ وتوكلي على الله فقط لا أن تتوكلي على متابعتكِ له في كل حركاته وسكناته ونظراته ..
وفقكِ الله لما يحب ويرضى ..

__________________
كيف اقاوم الهم والألم. بالسجود راحة واطمئنان.

نهاية نوال..!

ودخيلك جيبلي رجل ما بصبص الا من رحم الله
اقرئي عن عقدة البصبصة عند الرجل لانه بصري
ومرة ثانية اذا ناوية تروحي السوق خليه يجلس بكافيه احسن لك
اقصد اذا رحتي المول خليه يجلس بمقهى لين تخلصي لانه الرجال يكرهوا التسوق

__________________
انا لله وانا اليه راجعون

يا اخواني ويا اخواتي هو عارف في امور الدين وعارف ان الله امرنا بغض البصر ولما اواجهو واذكرو بكلام الله

حجتو ان نيته صافية وينظر دونما قصد ولابد من نظره ان يلتفت ولا ينظر بادنى شهوة مجرد نظرات عفوية

هذا هو كلامو وهذه هي تبريراتو التي لا تقنعني خصوصا هذه المرة لاني وكما قلت طول النظر اليها وحجته في ذلك قال انه كاانت تنظر اليك بطريقة ملفتة قربت تاكلك عشان شذي شفت لها

ولكن الله اعلم فكما قلت كنت مستديرة ولم اتمكن من رؤية اذا ما كان صحيح انها كانت تنظر اليا
لم اعد اثق في كل كلامه حصلت عدة مواقف وخلافات جعلت ثقتي تقل

والله العظيم يا اخواني اني البارحة احسست باحساس وايد صعب اترجاكم ان تبعدو هذه العادة السيئة ولا تجرحوو زوجااتكم ولو دون قصد كما جرحني انا زوجي الله يسامحو واهم شي لاتغصبو ربكم

يا ناس انا خربتها على حالي

زوجي رجع من الشغل مبسوط قام يحضني ورغم اني ثقيلة يحاول يحملني ويقول شفتي انا حملتك

جهزت الاكل وقعدنا ناكل انا في الاول بدوت عادية الا انني لا اتكلم حتى يكلمني هو وكلامي مختصر ودون ضحك

طبعا ملاحظ هذا الشي لكن يتعامل معي كاني عاادي
المهم اكلنا وقمت جمعت السفرة بعدها جلست على الكنبة جاء استلقى امامي ويطلع على الموبايل الجديد والبرامج اللي فيه ومن حين لاخر يعرفني على البرامج اللي فيه بس انا مو مهتمة

قمت اغسل الصحون هو راح استرخى في الغرفة على السرير يمكن يستناني استرخي جنبو لكن هو ما نداني انا غسلت الصحون وجلست على النيت بعد شوي قام يقوللي الجو ساخن قلت له لاء انا مو حاسة عجبني الجو
ثم استرخا في الصالة على الارضية سئلني اذا فيه كافي قلت له لاء بس اذا تبغاه انا اقوم اسويه لك قالي غيرو ثيابك نطلع واشرب الكافي برا قلت له يعني الجو برا احسن من الجو بالبيت اذا تبي كافي اقوم اسويه لك قال انا تعبان وفيا نومة والله قلت نطلع على شانك قلت لا انا ما طلبت منك امبارح خرجنا...

قمت سويت له الكافي شرب اذن المغرب قمنا صللينا بعدها جلس بشرفة البيت انا رحت جلست جنبو تكلمن شوي كلام عادي بعدها اخذ الموبايل وخلاص ما عااد حكاا معايا كل تركيزو وعينو في الموبايل
انا ايضا لما شفتو ساكت سكتت وما رضيت احكيه جلست كثير انتظر يحط الموبايل الا وهو زاد تمسكو فيه خلاص قمت اسوي العشاء
جهزت بعد اللحم المفروم عشان اشويه وكل شوي استنااه يجي وراي لاااء طبعا قعد بعدي شي ساعة كل مرة اطل عليه اشوفو مشغوول بالموبايل وما ادري على ايه يتفرج ولا ايش يسوي رحت الغرفة التف لي وكانه كان بيشوف شي على الموبايل قمت اشوف عند موبايلو دون ما يحس كانو كان يشوف شي فيديو تسنيتو يغير الصفحة وهو كانو استغرب وتفاجئ من تواجدي المهم حركة شككتني فيه ما فهمتها ومااني متاكدة منها

بهدا جيت للمطبخ معصبة وموسوسة من انو كان يتفرج في شي سيء قمت كل مرة اروح الغرفة بلا مايحس بي اشوف عندو ولكن القاه يبحث ويتعرف على الموبايل بس

خلاص رجعت المطبخ
بعد ما قربت اخلص العشا اجا بكل برود قام يقول شميت ريحة الاكل قلت له يعني الريحة هي اللي جابتك
وقف بالمطبخ كانو يساعدني يمسح شوي وانا في داخلي معصبة من امس ومن حركاتو المستفزة قلت له ايش تسوي يعني انت تساعدني سكت قلت اذا تبي تساعدني اغسل الصحون اللي بالمجلا قال هيك وخلاص وزدت قلت وقوم تسوي العشا انت عارفني تعبت طول اليوم انا واقفة سويت الخبز ونظفت البيت وجهزت الاكل,,,الخ يعني مو غرضي ابين له اللي سويتو بس كنت معصبة ابي افضفض

قام يشكرني ما ادري ايش قلت له جاوبني قال الظاهر ان قلبك مليااان وكان هذا الكلام الذي افاض الكاس عندي
وقتها كان اخذ المكنسة يكنس المطبخ ما حسيت بحالي ابدا قمت اخذ منو المكنسة وهو متمسك فيها وانا اجرها لعندي بالغصب قلت له ايه قلبي مليان معك حق اعطيني المكنسة وما طلبت منك تساعدني ولا شي الى ان تكسر يد المكنسة بالوسط هو ساكت وانا اتكلم واتكلم وذكرتو اني زعلانة من امس وهو جرحني ويزيد يزعلني بتصرفاتو وتجاهلو واني كنت جالسة بالشرفة جنبو ماا عبرني كل اهتمامو بالموبايل ومسكتو من يدو بقوة عشان يسمعني ونبرة صوتي تحولت لبكاء هو ظل سااكت ما قال شي غير انه قال تبين ثاني تبدئين في الهم,,,
المهم حطيت العشا تعشينا ومن وقت ما صار بينا شذي ما تكلمنا وهو الحين نايم

ايش رايكم ربما تقولون اني زودتها بس هو اللي دفعني من حركاتو البايخة حركة امس وحركات اليوم من تركيز على الموبايل وبرودو ولا مبالاتو

انا الحين بعد ما كنت في موقف المظلومة يعني كان هو يتقرب مني ويكلمي قبل ما يصير شذي ويقعد عند الموبايل صرت انا الحين الظالمة وهو البريئ الزعلان من تصرفي معو

ايش رايكم لا تقولون روحي اعتذري لاني مووو ناااوية اعتذر ولا شي

زوجك حس انك زعلانه عليه من امس فحب يعتذر منك :
1- رجع من الشغل وحضنك وحاول يشيلك.. ومسوية ثقيلة
2- طلع جواله وجالس يشرح لك البرامج .. ومو مهتمه
3- قالك خلينا نطلع برا ونشرب كـآفي علشانك .. ورفضتي
4- جا لعندك بالمطبخ وحب يلطف الجو ويساعدك .. وعصبتي عليه
ويوم جلس على موبايله زعلتي ليش طنشك!!؟؟
معليش قلوب حـآئرة حركاتك تنرفز مررة ^_^
حطي في بالك عزيزتي الرجل بطبيعته لا يقول كلمة آسف
إنما اعتذاره عبارة عن افعال
كل محاولاته كانت اعتذار ومآقبلتي اعتذاره ورفضتي إلا تزعليه وتزعلي حالك
نصيييحة لك من قلبي
خففي حسسسسآسية شيلي الحسآسية الزآيدة هادي اخاف يجي يوم وتندمي
خلآص الي في قلبك طلعتيه فضفضتي وارتحتي..
بكرة الصبـآح خليكي رآيقة ودلعي حالك وزوجك الله يسعدك ^_^

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

حبيبتي معك حق في كلامك بينما كان الموقف في صالحي الحين صار الموقف لصالحو هو شفتي
تماسكت وصبرت ولما طول القعدة لحالو مع الموبايل وما عبرني عصبت وانفجرت وصدقيني ما ارتحت غير لما انفجرت عليه

المشكلة الحين انو اذا زعل زعلو يطوول مرة خصوصا اذا شافني لسة زعلاانة رح يعند
وبكرا بيت اخوه جايين يتعشوا عندنا رح حاول اقوم بضيافة حلوة وانبسط بوجودهم عساه يبطل زعل ويطيح اللي براسو
وبصراحة كل ما تفكرت كيف بدا الموضوع ما اهتم بزعلو يعني هو اللي غلط امس وهو اللي جابها لحالو خلليه يتحمل