السلام عليكم ورحمة الله و بركاته

بنتي بتكمل سنة ونص يعد كم من يوم
واريد اعلمها انها تجلس و تاكل .
ماترضى تاكل الا لو مثلا هي تلعب ومندمجة ااكلها وتفتح قمها
و وجباتها استوى وقتها عشوائي لانها تاكل لقمتين و تقوم تكمل اللعب و اضطر بعدها اني اعطيها اي شي بايدها تاكله وهي تلعب

اريدها تاكل بوقت واحد .. واكون ارتحت نفسيا انها اكلتظ

بالليل لما تنام تشرب حليب .. والاحظ لانها ما قامت تاكل الا لو قطع فواكه وهي تلعب .. فاستوت تشرب حليب وهي نايمة اكثر .

افيدوني كيف انظم وجباتها .. و ادربها على وقت للاكل

و الشيء الثاني .. الاسنان
حاليا خذت لها فرشاة و افرش لها قبل النوم والصبح

بس هي تشرب حليب و هي نايمة

كيف احافظ على اسنانها ؟؟

عيالي في هالسن ما ياكلون إلا في كرسيهم الخاص .. أبو حزام.

يتمون يستخدمونه لين ثلاث سنوات أو ثلاث ونص تقريباً .. على حسب التزامهم بالجلوس في مكانهم وقت الأكل.

لكن طول ما الطفل مطلوق ويروح ويجي ما راح ياكل وجبته بالكامل .. بالإضافة إلى إني ضد إني ألاحقه عشان ياكل .. فلو ما جلس في مكانه مافي أكل حتى لو بيموت من الجوع.


بخصوص الأسنان .. مضطرة أتساهل شوي وقت المسا قبل بلوغ السنتين .. لأن النوم لما يغلبهم ما يقومون بسهولة .. ولو وعّيتيهم يكون مزاجهم متعكر ولا بتقدرين تنظفين أسنانهم عدل.

أنا كنت أفرّش أسنانهم قبل الحليب .. ولو تمّوا واعين أفرشها مرة ثانية قبل النوم .. وإذا راحت عليهم نومة أشرّبهم شوية ماي وعقب يكملون نومهم.

لكن الأضمن إنج تبدين تعلمين بنتج تشرب حليبها في كوب .. لأن المرضاعة هي اللي تخليها تنام.

__________________


اللهم طِيبَ الأثر .. وحُسْنَ الرحيل.

بسم الله الرحمن الرحيم.
السلام قبل الكلام.
والسلام عليكم ورحمة الله وبركاته.
في البداية لتعويد الطفل على الاعتناء بنفسه والمحافظه على تنظيف اسنانه والاكل بشكل جيد يجب على الام ان تقسم اوقات لعب الطفل مثال: مدة لعب الطفل من الساعة5 عصرا الى الساعة6 مساء يعني مدة لعب الطفل ساعتان فهذا يكفي. ويجب على الام ايضا ان تقوم بإنشاء جدول لتنظيف الاسنان مثال: يجب على الام ان تنصح ابنها ان الجراثيم ستقضي علينا اذا ما حافظنا على اسنانا وايضا يجب ان نفرش اسنانا مرتين في اليوم صباحا ومساء. ولكي يأكل الطفل الطعام بشكل جيد يجب على الام ان تعد طبقا مفضلا عند الطفل مثال: مثلا يحب طفلك طبقا من البطاطا المقليه مع السلطه يمكنك ان تعدي الطعام حسب شهية الطفل.
وشكرااااااا تمنى ان يعجبك...

جميل كلام مهره انا كمان استفدت منها

__________________
اللهم اهديني وعافني واعفو عني واحفظ لي بنتي وولدي ووفقني في دراستي وحقق لي مااتمناه

وجبته ياكلها مع اهل البيت والا بروحه؟
تقصدين الكرسي نفس اللي بالمطاعم .

و التفريش .. بمعجون والا بدون ؟

مشكووورة واايد عالنصايح

وعليكم السلام ورحمة الله وبركاته

حلوة نصايحك .. لكن تنفع لعمر اكبر
بنتي بعدها سنة ونص .. ما بتفهم سالفة الجدول الا لما تكبر شوي

في عمر السنة ونص بتكون محتاجة وجبات أكثر على مدار اليوم .. لكن الوجبات الرئيسية خليها تتعود تشارككم فيها .. ومنها تتعود على نمطكم في الأكل وعلى فكرة اللمة الأسرية.


بخصوص الكرسي .. هيه هو مثل اللي في المطاعم .. أحياناً يكون معاه طاولة صغيرة وأحياناً لا.

بالنسبة لكرسي بنتي فهو من غير طاولة .. لأنها تقعد معانا على طاولة الطعام .... المهم إنها مربوطة.

خذته من ايكيا .. وميزته إنه خشب ويعيش.


بخصوص الأسنان فأفرّش لهم بالماي فقط لين يكملون السنتين .. وعقب آخذ لهم أي نوع من معاجين الأطفال .. على حسب النكهة اللي يحبونها.

لكن طبعاً أحط كمية قليلة في البداية .. لأنهم بعدهم ما يكونون مستوعبين وغالباً يبلعون المعجون خلال عملية التفريش .. ومع الوقت لما أحس إنهم استوعبوا الموضوع وفهموا إنه ما ينفع يبلعون المعجون أبدأ أزيد كمية المعجون شوي.

بنتي طافت الثلاث سنوات ولا تزال تبلغ المعجون أحيانا ...... تقول طعمه حلو.


لكن عموماً كمية المعجون في المرحلة النهائية ما تتجاوز حجم حبة البازلاء أو أصغر شوي.

__________________


اللهم طِيبَ الأثر .. وحُسْنَ الرحيل.