حياتي الزوجية كانت في قمة السعادة و التوافق مع زوجي ..
احب زوجي الى درجة العشق و زوجي بعد يبادلني الشعور
أوضاعنا المادية بتحسن الحمدلله ..

ما ينغص حياتي الا عدم انجابي مع محاولاتنا الجهيده أنا و زوجي
و من طبيب لآخر لكن النتيجة وحده وهي مني و كلهم اجمعوا ان
الإنجاب بيد الله في حالتي و كل العلاج ما هو الا محاولات قد تنجح
بنسبة لا تتعدي 15٪ فقط ..

طبعا هذا اكبر الم يعترض حياتي و خاصة مع معرفتي ان وضعي
ميؤس منه و لكن يبقي أملنا بالله ..
رحت اشتكي لأمي اللي فاجأتني بانبسااااطها التام و قالت لي
انها تدعي الله ليل و نهار ان لا يرزقني بذرية من زوجي ...!!!
و قالت انها تدور لي عريس ....!!!
كانت صدمة كبيرة لي ،، يعني كل هذا بسبب دعاء أمي ( مع ان ما فيه
احد من عائلتي أمي و أخواتي و خالاتي و عماتي بعد عانت من اللي أعاني
منه من عدم انجاب ) ... فقالت لي أمي انها واثقة ان هذا عدم رضاها عني ...

و فوق هذا تعرضني لزواج و أنا متزوجة ؟؟؟
من ابن صديقتها و قالت لهم أني على وشك طلاق و اعتبر شبه مطلقة ...
و بتأكيد من اخوي لهم ...

ام زوجي سمعت الكلام من مجالس الحريم ..
و ثارت لابنها و اتهمتني بشرفي و نقلت الكلام لعمي و زوجي ..
زوجي عرف ان هذا من أمي و بمساندة من اخوي ..
و منعني من اهلي نهايياً ...
و ثار كالمجنون و راح لاخوي و تجادلوا و صارت بينهم مضاربة
و حاول زوجي بعدها قتل اخوي .. ينتظره الى ما يطلع من البيت
وحاول دعسه بالسيارة اكثر من مرة و بسرعة مجنونة ..
كبر الموضوع و راح اخوي يبلغ عليه و سجن زوجي كم يوم
و جاء جدي و حل الموضوع ...

أمي و ابوي جوني ببيتي عشان ياخذوني معهم ..
أنا رفضت اروح او اطلع من بيتي لان زوجي ما كان موجود
و اصلا أنا ما ابغي اطلق و لا ابغي الموضوع يكبر ..
ابوي احترم رغبتي و سكت .. لكن أمي انفجرت تسب و تشتم
و تدعي علي و تقسم انها ما راح تتركني مع زوجي لو كان اخر يوم بحياتها
على حد قولها ...!
و تقول انها راح تزوجني افضل من زوجي و ان العريس جاهز ...!!!
و راح يعيشني بترف ...
مادري ويش هالعريس اللي تارك البنات العزاب و جاي يخطب متزوجة
و ينتظر طلاقها ؟!!!

زوجي الان يعيش بضغط كبير و ثائرة عنده الغيرة و الشك
يفتح معي تحقيق كل ما طلع و رجع مين جا و ايش سويت و هو
مو موجود ووووو ...
و يقول أنا بوديك افضل طبيب و تتعالجي و أنا معك الي ما تحملي
بس أني اصبري و راح احسن و ضغنا المادي و أريحك بس اصبري
و كل يوم علي هالقضية ...
الأمان بينا انعدم و زوجي صاير صعب جداً و أنا تعبت من الضغط
حريتي صارت معدومة حتي بالنوم ما يرتاح ينام و أنا صاحية
لازم اكون معه و لازم أنام عشان يهدا ...
احس نفسيتي تنهاااار و مو عارفة احل الموضوع و ارجع حياتنا
مثل ما كانت ..
احيانا و الله افكر بالطلاق فعلا ..
عشان أتخلص من كل هالضغوط و لا أتزوج بعدها ..

امك غريبه الله يهديها!
طيب انتي ياخيه وشلون تزوجتي زوجك؟ اكيد امك كانت راضيه ولا لا
وليه امك تتصرف كذا بعد زواجك؟
ممكن زوجك قام بتصرف ماهو حلو اتجاه امك لذلك هي شنة عليه كل هالهجوم!
ياليت تجاوبين عشان على الاقل تكون الحلول المطروحه لك هنا تماشي وضعك ككل


عموما ماحد له طاعه حاليا غير زوجك
اما امك ادعي الله انه يهديها ويردها لرشدها

ومن ناحية ضغوط زوجك ماعليه تحمليه هالفتره هو حاس انه بيفقدك بأي لحظه
فلا تزيدين النار اللي بقلبه وحاولي تحتوينه بكل ماتقدرين

وادعي الله كثيــــــــــــــــــــر ان ييسر امورك

ان شاء الله الاخوان هنا مايقصرون معاك
والله يكتب لك الخير يااااارب ويبعد عنك كل شر

أتذكر قضيتك ياغزلان وظروف زواجك وانت تعلمين شدة كراهية أمك لزوجك وللسبب الذي تزوجتيه وارغم أمك على الموافقة لذلك لاأتوقع أن تتركك أمك حتى تتطلقي لكن أما من سبيل للتفاهم مع أبيك أن يوقف المسخرة التي تفعلها أمك ـ عذرا على الكلمة ـ من عرضك على ابن صديقتها وانت في ذمة رجل!! أما من دين وخوف من الله يردعها لابد أن يقف أبوك أمام هذا الجنون وزوجك لاألومه فما يحصل فوق تحمل أي رجل لديه كرامة .. وانا بصراحة أرى في زوجك صفات كثيرة تدل على رجولته من موضوعك السابق لذلك حاولي إحتواءه فالمسكين يقع تحت ضغط هائل ولن يخف إلا برؤية نقيض مايسمعه .. أسأل الله أن يفرج همك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

الله يعينك ويهدي أمك
تصرفها فعلا مجنون
تحملي زوجك شوي يا غزلان ... يستاهل توقفي معاه .. تذكري أنه الوضع مؤقت وخوفه هذا مؤقت ... غيرك عايشين بحياة الشك والغيرة على طول ومالها حل ولا يشوفولها نهاية ...

استعيني بالقرءان والدعاء والاستغفار حتى تتحملي ظروفك

أتذكر اخر موضوع لك كنتِ حاسه بضيقة بصدرك وعندك شعور أنه راح يصير مشاكل .. سبحان الله

__________________

الغلط راكب أمك من راسها لساسها
الله يهديها ويصلحها ماتدري إنه اللي تسويه حرام ولا الكراهية أعمت عيونها
لازم تكلمين أبوك يوقف أمك عند حدها ولا هذي مو عيشة بالله
كيف تخطبك لشخص غريب وإنتي على ذمة واحد ؟؟! لا والزود أخوك مشارك بالسالفة
بصراحة ماألوم زوجك باللي يسويه ؟ اجل يسمعون بمجالس الحريم إنك بتنخطبين عيييب والله
وبالنسبة لزوجك وقفي معاه وحسسيه بالأمان و انتبهي تعصين أوامره او تطلعين من بيتك حتى لو غصبوك أهلك
واكثري من الإستغفار عزيزتي والصدقة وربي يفرج همك ويرزقك الذرية الصالحة

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

حياك الله اخت غزلان...اشتقنالك

...اول شي اكبر غلط انك رحتي واشتكيتي لامك من البدايه المفروض هذا الشي ماتطلعينه برا ويبقى سر بينك وبين زوجك خصوصا انك عارفه بالتوترات الي بينكم وبين اهلك..

ثانيا انا استغرب من تصرف امك واشك ان حكاية العريس هذي تاليف من راسها ولا من هذا الي امك تعزمه عليك وانتي متزوجه وهو عارف...

وبالنسبه للحمل...ياعزيزتي الطب الحين تطور ومافي شي اسمه مستحيل...انتي بس روحي لاكبر وافضل مستشفى وان شاء الله تنحل مشكلتك من بعد الله..

وسالفة عدم رضا امك عنك وبسببها مارزقك الله ذريه...يااختي انتي متزوجه على سنة الله ورسوله وحتى لو امك مو راضيه في الشخص الي اخترتيه وماهي راضيه عنك لانك تزوجتيه هذا الشي ماله علاقه ابدا في الانجاب ولايمكن يكون عقاب من الله لانك تزوجتي واحد ماتبيه امك... بس هي جاتك من هذا الباب عشان تخوفك وتقنعك بالطلاق..
في ناس والديهم راضين عنهم تمام الرضا ومع ذلك لم ينجبوا...

خليك بعيد عن اهلك واهله هذي الفتره واهم شي طاعة زوجك ورضاه عنك وماتسوين شي الا برضاه هو دامك متزوجته واهلك مالهم حق ابدا في تحديد حياتك على كيفهم ..
ونصيحه مني اذا انتي سعيده مع زوجك ومرتاحين وهو يحبك لاتسمحين لاي كائن كان يعكر صفوكم ويخرب حياتك...الحين صعب جدا الوحده تلقى رجل يحميها ويثمنها ويحترمها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

لاتطلبين الطلاق ابدا مهما كانت الضغوط والمشاكل وتذكري ان زوجك متمسك فيك لاخر لحظه رغم الي سووه فيه اهلك ورغم الضغوط الي عليه من كل جهه .ومع ان الطلاق بيده .وكان ممكن ينتقم منهم فيك وهو رجال مايعيبه شي..لكن لانه يحبك ويحترمك وعارف الصح من الغلط مافكر هالتفكير..فلا تصدمينه فيك وتطلبين الطلاق منه وتجرحينه.خصوصا انه الطلاق مستحيل يتم مهما هددت امك به الا اذا انتي طلبتيه بنفسك امام القاضي .وهذا انتي بديتي تفكرين في الطلاق للاسف..على بالك بترتاحين..

الضغوط والمشاكل الي انتوا فيها حلها بيدكم انتي وزوجك تقدرون تبعدونها عنكم باي طريقه حتى لو استدعى منكم الامر الى الانتقال من منزلكم لمنزل اخر او الانتقال الى منظقه اخرى وتغيير العنوان ..حتى لايتهجم عليكم احد وبكذاترتاحون ويرجع لكم الامان مثل اول..زوجك مايشك في هو يتصرف كذا لانه خايف عليك يجون ياخذونك وهو مايدري واذا اخذوك صعب يطلعك من عندهم..بيحطونك في سجن

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

وابل الندى ..
أمي مو راضية عن زواجي كله ..
و أنا ما ابغاها تزعل بصراحه و لا ابغي زوجي بعد يزعل
لأني متضررة في كلا الحالتين ..

بنت طيبة ..
ابوي تااابع لامي بكل شي ..
ما راح يسوي شي هي مو راضية عليه ..
و زوجي مو مقصرة معه لكن أنا بعد تحت ضغط شديد
و لازم يراعيني و يعرف هالشي مو يزيدني ضغط ..
صاير عصبي كثير ..

خالة بيتا ...
أنا متحمله كثييير و صابرة لكن تعبت ...
و معك حق كانت حاستي شغاله و استعجلت النكد و إحساس
الضيقة قبل تصير المشكلة ...
و الان خلاص تعبيت جدا ..

روح المسا..

ادري انها غلطانة بس ويش نسوي معها ..
ما تسمع لاحد و لازم كلامها يمشي باي طريقة
و ابوي ما يقدر يخالفها ..

مممم بعد ماقريت قصة زواجك
رجعت اقول لك طنشي الجميع
وتقربي اكثر من زوجك وقولي له امر طلاقي بيدك انت وحدك زماحد يقدر يتصرف اي تصرف بمصيري
كل اللي يسوونه مهاترات لاتودي ولا تجيب
وياليت هالفترة ماتروحين لأهلك يكفي اطمئنانك عليهم عن طريق التلفون
وكمان حاولي تتقربين من اخوك وتشرحين له ان ماله حق يسوي هالتصرفات
ولازم يخاف الله في اللي يسويه هو وامك


ومن ناحية تأخر انجابك لاتيأسين ياخيه
محدثتك لي ست سنوات ما انجبت
صار حمل مرتين عن طريق مشوار علاج متعب نفسيا وجسديا
وفكل المرتين صار اجهاض
وبعدها بثلاث سنوات فجأة طلعت حامل مع ان نسبة الحمل تكاد معدومه لولا فضل الله وكرمه
بس الفرحه ماتمت وطاح الجنين وبعدها بشهر مباشره صار حمل رابع ونفس الكلام طاااااح
ماكذب عليك النفسيه فالحضيض بس الحمدلله على كل حال لازم الواحد يتقرب من الله اكثر
وسبحان الله كل ماصارت مصيبه استشعر حلاوة الايمان اكثر
اسأل الله ان يرزقنا جميعا بالذريه الصالحه ويقر اعيننا بهم

وياليت تطرحين مشكلة تأخر الانجاب فالقسم المخصص له عشان لو نقدر نفيدك بأي شي ماراح نقصر ان شاء الله
وهناك ايضا دكتور او دكتورة تجيب على تساؤلاتك اذا حبيتي

ليه الغرور .. يا هلا فيك و أنتم بعد واحشيني ..

أنا كنت أتكلم مع أمي افضفض لها لانها هي سألتني
عن الحمل و عارفة هي أني عندي مشكلة فيه ..
و هي لو تسمعي كيف تدعي علي اعوووذ بالله دعا فضيع
و صراحة احس ان الله يستجيب لها ..
لان كل خواتي حملوا بدون مشاكل و خالاتي الا انااا
مرات احس بيأس من الحمل و احس مستحيل احمل ...
و صح الطب تطور لكن ربنا مو رايد ..
كل دكتور اروح له نفس كلام اللي قبله ، بعضهم يعطينا
امل و بعضهم يقول نجرب و بعضهم ما يدري ايش السالفة

و صعب جدا ننقل أنا و زوجي عشان شغل زوجي ..
و العريس لا و الله أمي صادقة فيه ، و اعرفه أنا هو ابن
صديقتها و زميل اخوي ..
و أمي قايله لهم أني شبه مطلقه و اعتبر مطلقه ،.
الله يسامحها حطتني بموقف بااايخ مع بيت عمي و زوجي
و عطت ام زوجي فرصة تتكلم في و تألف القصص على كيفها
أمي مو معتبره زوجي و لاهي معتبرتني متزوجة اصلا