سوريا كتير حلوة طبيعة خلابة ومتنوعة فيها الجبال والغابات والبحر وكلها حلوة
اللادقية وطرطوس على الساحل ودمشق فيها مطاعم جديدة وحلوة في مطاعم بمنطقة طريق المطار كل واحد أحلى من التاني
وبدمشق القديمة متل ما قلتب في المطاعم المبنية بالبيوت القديمة كمان روعة
وبلودان والزبداني مصايف في دمشق والجو فيهم بيكون كتير حلو وكمان فيها مطاعم حلوة
وكسب والصلنفة كمان مصايف بمحافظة اللاذقية مرتفعة والطقس فيها بيكون حلو
وحماه ايضا فيها مطاعم جديدة وحلوة
بالفترة الاخيرة كتير سورية اهتمت بموضوع السياحة
والشعب السوري مو ناقم ع الخليجيين بالعكس بيحبوهن بس بيطمعو فيهن شوي بيني وبينك يعني ما تحكي قدام حدا يعني حتى نحن لما ننزل اجازة ويعرفو انو جايين من الخليج بيطمعو فينا مع انو ولاد بلد وحدة
وميزة سورية بالنسبة للخليجيين انو رخيصة بسبب فرق العملة يعني السوريين بيشوفو السياحة غالية داخل سوريا بس اللي جاية من الخليج بيشوفها رخيصة بسبب فرق العملة
وان شاء الله يا قمر بتنبسطو بالاجازة وين ما رحتو
__________________
الكيس من دان نفسه وعمل لما بعد الموت/والعاجز من أتبع نفسه هواها وتمنى على الله الأماني