أبكي اضحك لا ادري يوم اعيش اسعد انسانة واحب زوجي لدرجة الجنون ويوم اعيش اتعس انسانه واكرهه لدرجة العن اليوم الذي قبلت فيه ... لا ادري ست سنين ونحن دائم في صراع لا يعجبه راي ولا فكرة اطرحها وياتيني بافكار واطباع اهله ويقول اريدك كذا بعمل كذا قال لي فلان كذا حياته اهله لدرجة اني كرهتم لا اطيقهم دائما يستجيب ما يقولون ويرفض ما اقول .... يحب اهله لدرجة الجنون ويحس بالنقص اذا رآني اعلى منهم بشي دائما يقول هذه الفكرة لا تعجبني لا لا لا كلمة اسمعها كثيرا عندما اطلب حاجة لا تقولون لي اختاري الوقت المناسب الاسلوب لا اقصر معه لكنه بخيل اذا ذهبنا بيت اهله يقوم باحتضانهم ويبوسهم دائما يجلس بجنبهم ينادي عليهم ليتكلمو من دون ان اسمع يمدح في ملابسهم كل هذا يفعله يريدني ان اغار اتكلم لكني انا الان صرت قويه لا احدث وكان شي لم يكن لكنه..... كثر ما يحب خواته بدات أشك فيه لا يريد ان يراهم نائمين او ان يراهم لابسين بانطلون يصرخ عليهم ما ادري ليش هل يعني يحس بشيء بس هم خواته ....والمصيبة الكبرى امه تغار مني كثير شسوي بيها الكل يسافر ما تقول شي يوم احنا سافرنا زعلت وما جت الينا وحتى يوم جينا وانا امرضت كان عين منها تريد تجي معانا وين مانروح تبغي كل شي يشتريه لي يشتري ليها تبغي تطلع معانا وين ما نروح وكانه زوجها انا مليت صرت ما اشتهيم واذا تكلمت صرخ علي لا يريدني انا انتقد احد من اهله ويصرخ علي بصوت عالي شكلي ما بشوف واحد يحب اهله كذا .....
شسوي مليت ما احب اهله اغار منهم لدرجة الجنون لا اريد\ ان يكلمهم لااريد ان يروح لهم ... طبعا لم اخبره ولكن هذا شعوري ليس هم احلى او اجمل مني لا كلنا بنفس المستوى تقريبا لكن من كثر ما يحبهم انا اغار



احبه ساعات واكره ايام شسوي يوم افكر اهديه ويوم اقول ما يستاهل لانه دايم يصرخ علي حتى اذا كنت اتكلم بهدوء يصرخ على اشياء تافه هو عصبي القهر بسسسسس معي هذه العصبية ما اشوفها بر هو يحبني كثير وانا مو مقصره معاه في المطبخ والغسيل وتربية الاولاد وابوسه واحظنه واسمعه كلام حلو ادز اليه مسجات حلوة اتعدل اليه يقول لي جميلة يحبني بس دايم يصرخ بوجهي ما عند رد حلو ........

المشكلة الاكبر ما احب اعطيه حقه بالجنس اعطيه بس اوقات ارفض لاني دايم اشك فيه انه يجيني وبباله احد غيري وبالاخص خواته احس مرض فيني لان لما نروح بيت اهله ويشوفهم بلباسهم يقول ليهم روحي غيري ملابسش لا ن مفصلين ومن نجي البيت يطلب على طول وكانه ينظر خواته جننني الشك والاحساس افيدوني

بسم الله عليك ياحبيبتي
اهدي ياروحي
سمي بالرحمان
شوفي قلبي اول حاجة اذا تاكد شعورك من نايحة خواته فهذا حيوان
انتي ابعدي هالشى تماما من تفكيرك لان الي تشكي فيه مصيبة تدرين شنو مصيبة
فسري كل تصرف مع خواته انه معجب فيهم ويحبهم في حدود انهم خواته
لا تحللي وتناقشي كثير ترى كارثة الي تفكري فيه الله لا يوريك مكروه بمشاعرك
مساله حبه لاهله بهالطريقة وانه يرفض منك اي راي وتدخل يمكن يحس بنقص منك ويبغى يوريك ان اهله في القمة
حبيبتي غيرة العمة من زوجات اولادها يعني مب شى جديد
انتي حاولي تكسسبي قلبها بتعاملك الزين واهديها الهدايا تجلب المحبة وتسلك القلوب
ارجوك ياروحي ابعدي عنك تماما انه يشتهي خواته وبعدها يجيك..حتى لو ايش ماتشوفي عليه
لين تتاكدين واذا تاكدتي فعلى الدنيا السلام
بس اهم شى ريحي اعصابك وطنشي قدام اهله يمكن لمن يشوفك مطنشة يخف حبه لاهله
تعوذي من ابليس ياحبيتي ترى الشيطان شاطر بذا الامور يهيئ لك انه يبي بس يجيك عشان شاف خواته
لا تحرمينه من حقه الشرعي خير شر
واذا طالبك اعطيه واكشخي انتي بعد وخلك بقمة اناقتك عطوووراتك خليها تجذبه
اذا تحسي فيك شى مثلا زي الوزن عدلي من نفسك
قوووولي انا ابي اصير قمة في الاناقة والكشخة والانوثة الطاغية
خليه يدووخ فيك
ابعدي ابعدي عنك الوساويس وانتبهي تنهارين قدامه ولا قدام اهله او يستفزك موقف
ولا قدر الله شكك في محله شنو بتسوين؟؟ تفلين بوجهه ونو كرامة ولا على مثله حسوف
ولا يستحق منك ذرة زعل
اهم شى اضبطي اعصابك الحين ورددي
"اللهم أرنا الحق حقاً، وارزقنا اتباعه، وأرنا الباطل باطلاً، وارزقنا اجتنابه،
الله يريح بالك حبيبتي

__________________

انتبهي اختي لايجوز سب الدهر

ما حكم سب الدهر مثل اليوم والساعة والليلة؟

الجواب: في الحديث: {لا تسبوا الدهر فإني أنا الدهر أقلب الليل والنهار } فالله سُبْحَانَهُ وَتَعَالَى هو الذي يدبر الليل والنهار:

__________________

لا اله الا انت سبحانك اني كنت من الظالمين

اشكركم خواتي على ردكم والله ريحتوني

براءة حبيبتي قومي ارمي عليك هالوساويس وخلك طبيعية
قوووووومي الحين ضبطي نفسك وتعطري واكشخي عليه
انسي هذا الشيطان لعنه الله يبي يكدر عليك
وبالنسبة لرفع صوته قولي له حبيبتي تراني اكلمك بهدووء ليش تصارخ
قوليها وعبري عنها بظرة من عيونك تخليه يحتار
لابد ان تكوني حكيمة وتطلبي من الله يرزقك الصبر
انتبهي تضعفي وتنهاري ارجوووك

__________________

أختي أنا مافهمت عليك كيف ماوده يشوف أخواته نايمين أو لابسات بناطيل وكيف تحسينه يفكر في أخواته أختي ترى هاذا شئ كبير إللي تقولينه إذا كان زوجك يحس بإحساس تجاه أخواته كان ما أمرهم بمعروف ولانهاهم عن منكر وكان لبسهم للبنطلون والضيق والشفاف كان وسيلة للي قاعد يفكر فيه تجاه أخواته لاكن زوجك أشوفه العكس يعصب ويصرخ عليهم لو شافهم لابسين
بناطيل وشئ طبيعي إن الأخ يغار على أخواته وأتوقع إن غيرتك الزايده وكرهك لأهله ستوردك إلى حوض المهالك أولا ذولي أهله وربوه وتعبوا عليه ولهم فضل عليه أكثر منك بالذات أمه إللي تعبت عليه وأنا أتوقع لو تغيري طريقة تعاملك مع أهله وتحترمينهم وتبينين محبتك لهم وتحسسين زوجك بحبك لأهله وإحترامك لهم أتوقع إن وضعك وحياتك بتصير ناجحه أما إذا جلستي تقارنين وتحاسبين وأمك وأختك واهلك فعلوا كذا وقالوا كذا وليش تعطيهم كذا وتجيب لهم وأنا لا وأنت أهلك كل شئ بحياتك وأنا ولاشئ عندك ترى يا أختي الرجل يحس ويفهم ويحطها في باله لك وبيقول في نفسه
إذا ماصرح لك هاذي تحب نفسها وبس وتكره أهلي وماتبغاني أوصل أهلي أو أبر والديه وتبغاني أقاطعهم مثلا إذا زوجك قال لك أنا ما أحب أهلك لأنه فيهم كذا وكذا وش بتكون ردة فعلك تجاهه إذاقال أمك غيوره وتحشر نفسها بللي مايخصها وش بيكون ردة فعلك وإيش تحسين في نفسيتك من الداخل تجاه زوجك حبيبتي الزوج يمكن يقبل كل المساومات ويتنازل إلا المساومات على أهله هاذي صعبه ومستحيله وأنا في وجهة نظري إللي مافيه خير لأهله مافيه خير لغيره هل أنت ترضين زوجت ولدك تعاملكم بهاذي الطريقه أنت وبناتك في المستقبل بتقولي أنا ماراح أسوي مثل أم زوجي لا يحبيبتي مجرد ما إبنك يكبر وتشوفينه صار شاب وعريش وتزوج بتحسين بهاذا الإحساس مثل كل أم وشوفي ترى إذا عاملتي زوجك بماتمليه عليك الهواجس والأفكار المريبه تراك بتخربي بيتك وتدمري حياتك إكسبي أهل زوجك تكسبي زوجك لأن إذا أهتميتي بلأساس والجذور راح يصلح الساق والفروع ويصير لك مثل ماتبغين وأحسن وأهله كذلك بعد مايلاحظوا ويحسوا محبتك لهم وإهتمامك فيهم راح يتركونك بحالك أنت حاولي مجاراتهم في بعض الأمور وحاولي تراسلينهم بالهدايا وخلي لسانك ينقط عسل في مدحهم والثناء عليهم سمعيهم أحلى الكلام بالذات أمه وأبوه غيري نظرتهم تجاهك أكسبي ثقتهم فيك خلي كلامك مع أم زوجك دائما يبتدي با الله يحفظك ياخاله الله يخليك لنا والله يطول بعمرك ياسعد أولادي عندهم جده مثلك وبذوقك وبطيبتك الله لايحرمني ما هالوجه الصبوح إللي أنجبت خيرة الرجال وتعبت وربت لي هالزوج الطيب والخلوق طبعا قدام زوجك وأهم شئ إنك تقولين هلكلام بصدق مشاعر وإخلاص في القول أما إذا تصنعتي هالسوالف فمصير التزيف يظهر والقناع ينكشف لازم نكون صادقين مع الله ومع أنفسنا حتى يصدقنا من حولنا أختي أسأل الله لك التوفيق والسداد وصلاح أمورك
كلها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

أختي الكريمة:
إن بلغ بك الوسواس هذا مبلغه فإني أحذرك من مغبة التمادي فيه، ووالله إنه وسواس شيطاني خبيث مزج بغيرة النساء ووساوسهن وشكوكهن...
يا أمة الله إن الفطرة السليمة ثم الرضاعة والحليب والبطن الواحد تجعل من الرجل لا يفكر في محارمه تفكيراً شهوانياً وأن الله قد فطر الناس هكذا ذكوراً وإناثاً، وهناك الشواذ القليل جداً من انتكست فطرته وخاب دينه...
أقول لك قفي هنا قفي هنا ولاتجنحي مع خيالك المدمر...
ونصحه لأخواته دليل غيرته عليهن، وخوفه عليهن، وليس رغبة (اتقي الله في نفسك)
تجملي به بكل ماتستطيعين، ودعيه يراك في أكمل حلة وأبهى حلة، وقومي بمداراته...
إن رفع صوته عليك وأزبد وأرعد لوذي بالصمت وعدم الكلام...
بالنسبة لأمه فمن الطبيعي حدوث ذلك فإنه ابنها وهي من أتت به وهي من أرضعت وهي من حملت ونفست وربت وأكبرت (سيأتيك يوم تحسين بهذا إن كبروا أبنائك حفظهم الله) ولهذا عليك احترامها وتقبيل رأسها وتقديم الهدايا لها من وقت لآخر والسؤال عنها والتودد لها حتى تكسبي قلب ولدها يعني زوجك...
أما حقها الشرعي فسواءاً كنت متعبة أو سليمة فلا بد أن تعطيه حقه وهذا الشرع

بصراحة .. في نظري ممكن الزوجة تغار على زوجها من اي شي..
( من دوامه- من اصحابه- من اهتماماته - من الناس الغرب)

لكن ((أهله)) معليش راجعي نفسك.. احسك انتي مو طبيعية..!!!!!!!
وغيرتك هي اللي خلتك تتوهمين وتفسرين التصرفات تفسير شيطاني..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

لا حول ولاقوة إلا بالله
الله يعينك أختي
ألجأي لله بقيام الليل والدعاء
أقري البقرة كل ثلاث ليال
خلي همك هذي الأيام بعلاقتك مع ربك
وأنسي التفكير بزوجك وبأهله
وصدقيني بيتغير حالك بسسسرعه خلال أيام وتهدأ نفسك وراح تبشرينا

لا حول ولا قوة الا بالله

كيف يعني تشكين في من ناحية خواااته !

الحين مافي رجل فيه غيرة يرضى ان اخته تلبس بنطلون حتى قدااامه !
وانت فسرتيها على انه يشتهيـــهم !!

من صدقك أنتِ

وخواته مع احترامي لهم ما يستحووون هو رجال واستحى انه يشوفهم بهاللبس وهن نساء ولا حيااااء !!!!

والله مادري يا انت كيف تفكرين والبمصيبة باللي يجاريك في شكوكك ...

حبيبتي اللي فيك مرض لدرجة قمتي تمنعين زوجك من حقه بحجة ايييش انه يشتهي خواته , وكيف يمكن لانسان ان يصل بتفكيره الى هذه الدرجة !!

راجعي نفسك عزيزتي