السلام عليكم ورحمة الله وبركاته


كيف حالكم جميعا

اخواني واخواتي من اشد المتابعين لهذا المنتدى واقتنع بااغلب اراء اعضائه وتعجبني عقلانيتكم وارائكم

انا في مشكله عظيمه ومصيبه (أبي اتوب)

دلوني ع الطريق من كثر الضياع ماعاد اشوفه

حاسه بالذنب ولا انتظر الملامه انتظر حلول احد يعطيني حل او يفتح قدامي الابواب المسكره وله دعوه مني في ظهر الغيب


ترتبيت في اسره متشتته مشاكل حقد حسد غيره فقر كنت من طبقه جداا بسيطه كل هذا مااثر علي مره لما دخلت الجامعه كبر الموضوع وصارت السالفه لبس ودلع وماركات وانا ماعندي شي اهلي يحاولون بس ماافيه بيدهم شي طلباتي تزيد اهلي تعبو وانا تعبت ليش احنا كذا

قله الايمان هي الاساس والطيش والمراهقه لعبت دور في حياتي تعرفت على بنات كثير وكلهم نفس مستواي ورافضين الواقع اللي احنا فيه

وصلنا لحل انا نتعرف على شباب عشان الفلوس بس وتعرفنا بالبدايه مكالمات وهدايا ولبس بدون مقابله وصرت البس مثلي مثل غيري امي كانت تشك فيني بس ماشافت علي شي صارت تخاف علي تبي تزوجني بااي طريقه وانا رافضه كل اللي خطبوني اقل مستوى من اهلي او بنفس الحدود

كنت مااشوف شي غير الفلوس ابي البس واكشخ وانقهر لما اشوف بنت مو حلوه ولابسه اقول في نفسي لو لبسها علي كان انا استاهله وبدت قصه الغيره والقهر تعبت وزاد الوضع سوء صرت ادور اي واحد كبير في السن ومتزوج عشان تكون العلاقه سريه ولايطلب يشوفني ويعطيني فلوس

وطول هالفتره وانا احس بالذنب اكلم شهر واقطع خمس شهور كان وضعي كويس واقدر اطلع واكلم طول الوقت بس كان هدفي ماده مابي جنس ولاشي كنت احاول في اهلي اتوظف بالاجازات ويرفضون والله كنت ابي اي وظيفه لو زباله تكرمون بس اغطي حبي للبس والكشخه واصير زي البنات اللي بعمري

اقلها كنت احلم يكون لي غرفه كنا ننام كلنا بالصاله لاغرفه لاسرير لاراحه ولاشي الفقر يدمر كل شي

احساسي بالذنب كان عالي جداا وكنت كل ماكلمت كل مااكره نفسي بعد سنتين من هالضياع بالجامعه تقدم لي رجال كبير ووافق ابوي بشكل مبدئي طبعا انا انصدمت صدمة عمري ان اهلي راضين يزوجوني من واحد اكبر مني ب 35 سنه او اكثر رفضت وبكيت وانهرت وكرهتهم كلهم

جلسو يظغطون علي بشكل عجيب وانتي شايفه وضعنا وبيدلعك وبتسافرين وبتشوفين اشياء احنا ماقدرنا نجيبها لك ويشتري لنا بيت وتحلين مشاكلنا

هنا عرفت قيمتي عند اهلي وزاد كرهي لنفسي حسيت اني بضاعه وافقت تحت الظغط الشديد قبل مااتزوج قلت هذا عقاب لي من ربي ستر علي وعاقبني بالزواج هذا ولازم احط حد ل نفسي واتوب كسرت شريحتي وتركت كل صديقاتي وقلت لهم انا بتزوج وببطل هالطريق وخلاص كنت ابي ماده والحين تحقق حلمي ولاعاد ابي شي

تزوجت زواج الضيم والقهر كنت احسب الدعوه سهله زواج وبس وفلوس ودلع ماكنت اعرف شي ابد ماحسبت حساب اي شي
جلست سنه اتجرع انواع القهر اهانات الناس نظراتهم السخريه ظغط اهلي وبخل زوجي وقرفه
عدت السنه الاولى وجبت طفل حاولت اشغل نفسي فيه بس ماظبط الوضع فراغ عاطفي لايمكن احد يتخيله زوجي كاانه ابوي بس ينام معاي اذا هو بغى

مافيه اي شعور اني زوجه مالي حقوق يعاملني نفس بناته بالظبط الفرق الواحد الفراش اهانات هواش بخل قرف اهل من جهه وزوج من جهه كرهوني بعيشتي لاطلاق ينفع ولازواج ينفع

فكرت انتحر ويمنعني ايماني واطفالي مده هالزواج خمس سنين مااستفدت منها غير الضياع والاهمال اهلي ينتظرون فلوس زوجي شكيت عليهم حالي صرحت وتكلمت ع البلاطه قلت زوجي مهمل قالو اصبري بعد مازانت التفاحه تخلينها بكره يموت وتعيشين ملكه ونعيش حنا معك

قلت لهم ع البلاطه محتاجه رجال قالو وش نصلح لك مالك الا الصبر احتياجي يوميا يزيد انا ماهمني احد همني الحين بس نفسي ضايعه واكره نفسي كل يوم تزوجت لان اهلي ظلموني صغيره وطايشه وباعوني بتراب عشان الماده وليتها حصلت عشان ارتاح

طبعا بعد زواجي بسنه رجعت لنفس طريقي طلعت رقم ثاني ورجعت للي كنت اعرفهم والهدف كان ماده +تلبيه حاجاتي مشاوير طلبات اي شي استمريت سنتين على هالحال اكلم نفس اول بين فتره وفتره واطلب فلوس زوجي يعطيني مصروفي بعد ذل واهانه

السنه ذي الموضوع تطور لعلاقه محرمه مع شخص واحد ولااحبه اكرهه كره العمى بس عشان يرضي رغباتي

حاسه بحجم مصيبتي وانها حرام وزنا بس احساسي بالذنب مو كافي انا ابي حل

فعلا محتاجه ماديا نفسيا جنسياا اقسم بالله اتمنى الموت كل لحظه

مابي اخون ربي اهلي زوجي يستحقون مني اكثر من الخيانه بكيت عند زوجي قلت له عطني حقوقي حرام عليك انا بنت ومحتاجتك قال والله اتوقع قبل تاخذيني عارفه كم عمري هذا االي عندي لك

تكفون ويرحم والديكم ابي حل ترى ماكتبت هنا لاني خايفه من اهلي او زوجي اقسم بالله لو يتكلم احد فيهم ل اذبحه ارخصوني بشكل هم سبب بلاوي وضياعي زوجي مده زواجنا كلها عمري مارحت معاه مكان كل مشاويري مع السواقين ولايدري عني ولايسال علي ان ارسلت له كلام حلو قال استحي على وجهك تراي كبر ابوك ان دقيت عليه اسال عنه قال تراك حرمة مو بزر وش تبين ان لبست وكشخت قال كل ذا عشان السرير

اهانات ذل ضياع مابي اموت كذا ابي اتوب عشان ربي وعشان الجنه بس مو عارفه كيف نفسي اتطلق بس ماهو حل لي عندي اطفال اهلي ماتحملو وجودي يتحملوني مع اطفالي


انتظر ردودكم واي استفسار برد عليه

لو كان الفقر رجلا لقتلته



علي ابن ابي طالب

__________________
..

والله ثم والله انا اول وحده ضد ضعفي ومبرراتي ماتبيح لي الحرام بس اقسم بالذي رفع السماء بلا عمد اني مريت بظروف ربي العالم فيها

انحطيت تحت ظغط نفسي شديد خوف وحده الم فقر زوج ظالم لا ابعد درجه
اخاف على اهلي بس من ذنبي صلحو فيني شي مايتصلح يشوفون ظلم زوجي لي ويصبروني عشان الفلوس

اكره الفلوس كثر كرهي للموت

قلت لزوجي لو انك فقير بعيش معاك وخلاص ماتهمني الماده وصرت ماعاد اطلبه وبطلت احضر مناسباتي واطنش اهلي وكل ذا تحملته بس ابيك تهتم فيني ولاكاني اكلم احد

زوجي يتابع افلام جنسيه شايب ومراهق يتغزل في الحريم قدامي بدون خجل زعلت سويت كل شي مانفع في جواله مسجات قذره يحب اذا طلعت معاه ان كل الرجال تطالعني عشان يوصل لهم رساله ان ذي حقتي مايغار علي ابداا

من المواقف الحقيره اللي مريت فيها معاه طلعت معاه مره في مكان عام منتزه وكنا جالسين نتقهوى وفي وسط عالم وزحمه وسحب غطاي قال اكشفي عادي انا مااعلي من الناس انا متحرر

الحين يحاول يخلص اوراقي عشان اطلع بعثه برى السعوديه يقول لو المحرم مو ضروري اطلعي لحالك واذا ضروري روحي مع ولدي وولده شاب اصغر مني وضايع وزنى بشغاله قلت ماتخاف علي منه مستحيل اروح معاه قال انتي زوجه ابوه وش يبي فيك لايصير تفكيرك وصخه

افكر اروح برى ولاعاد ارجع انتحر اهج اصلح اي شي بعمري

مايغار مايحس مافيه اي رجوله

تعبت ياعالم

__________________

اقسم بالعزيز الجبار ان هدفي من البدايه كان ماده وان اشغالي تتخلص كل مشاويري يرفض يصلحها لي

زوجي فيه من الحقاره مالله به عليم وانا مو اني مو لاقيه اكل او عريانه لا

عشان اكون صادقه مثلا فيه مناسبه عيد حفله زواج ملكه هديه لوحده تقرب لي اطلبه فلوس يرفض نهائي بدون سبب
وهو غني جداااااااااااااا املاك وراتب وكل شي الله يجعل فقره بين عيونه

اذا رفض هو طبعا تضيق بوجهي واحنا بمجتمع يحب الحكي احاول اصرف نفسي مااحضر يبدا ظغط اهلي اقولهم رفض يعطيني يبدون بجلد الذات يلعب فيك الرجال انتي ماتسوين عنده شي تكلمي ارفعي صوتك ماخذك بس فراش كيف منظرك قدام الناس اقوم اظطر اطلب من احد يعطيني واحضر المناسبه يجي الظغط الثالث من الناس نظراتهم لشكلي لبسي يبدون يقيسون سعادتي من كل هذا

تبدا الدقات والنغزات لحد ماحس بالموت ويبدون يسالون وين تروحين وايش شريتي ومن هالكلام يعني بالعربي انا فاهمين هدفك من الزواج ايش النتيجه يبون ؟

كل هذا حاولت اتجاوزه ان تجنبت الناس مرضت واقلقوني ليش وايش في وان دخلت معاهم تعبت منهم

تطورت المرحله من ماده ل احتياج عاطفي وجنسي ماعاد يلبي رغباتي او بالاصح يكرهني فيها يختار وقت مره تعبانه ويطلبني يااكل ثووم وبصل عشان اتقرف منه هو حاس اني اعلى منه مستوى وانه مايقدر يلبي طلباتي بس يحاول مايبين بطريقه ماتضره

مرضت وتعبت وانهد حيلي وين اروح ياعالم مابي احد يرحمني ابي توجيه امسحو فيني الارض لو حبيتم بس ابي حل

تخيل خلاني اداوم في مكان عمل مختلط ماخاف علي ولاشال همي كله عشان اصرف على نفسي انا وافقت لاني فعلا مابي الحرام بس كذا بعد تعب علي طلبته اداوم بمكان نسائي رفض عشان الراتب اقل قلت له ابي اشتغل مع بنات قال ترى الرجال مااياكلون
قلت ل اهلي قالو والله اللي بتحافظ على نفسها ماعليها من الرجال انتي تتحججين خليك ولاهوبضارك شي

اولع بنفسي عشان يفهمون كل ماشفت واحد مع زوجته اقسم بالله اموت بكى كل ماطلعت عيالي العبهم اتحسر على حالي ان رحت حديقه بلحالي ان رحت مستشفى بلحالي

ماعمره راح معاي مكان مطلقه بس بالاسم زوجه

الشكوى لله رب العالمين

لا حةل ولا قوة إلا بالله... مررت بنفس ظروفك.. الحرمان والقهر.. والفقر في صغري... لكن ولا مرة فكرت أعمل علاقات نع شباب.. أنتي غير قنوعة.. أعلم أن ضغوطك كبيرة.. لكن في داخلك لست قنوعة... وتنظرين دائما لمن هم أحسن.. تمنيت أن يدخلني والدي الجامعة.. لو بثياب ممزقة.. وقد كنت متفوقة... لكنها إرادة الله.. ما زلت حانقة عليهم... لكن لم أفكر في مصاحبة شباب ليصرفوا علي... صحيح أنني رميت نفسي بزواجة تقهر.. وزواجة بالاسم تقريبا... فأشعر بك... مثلك كنت.. ننام كلنا في صالة.. حولي الكثير من البنات الفاسدات
أكملي تعليمك.. التحقي بعمل واطلبي الطلاق منه.. تدلعي عليه ليعطيكي فلوس التعليم

لا الفقر ولا الحرمان ولاالجوع حتى مبرر لضياعي ضعف ايماني مشاني بالطريق ذا مو قلة قناعه

بنت زي زي كل البنات ابي البس واكشخ هذا بحدود الطبيعي الغير طبيعي الظروف اللي انحطيت فيه
ماتمنيت اخذ متزوج وماكنت فاهمه الحياه تزوجت وعمري 22 سنه مااعرف ان الزواج اكبر مما تصورت

حاولت مره اثنين ثلاثه احل مشكلتي بس يد وحده ماتصفق قلت ل امي يتابع مقاطع وصخه يحكي لي عن علاقته بزوجته يلمسها قدامي دمرني نفسيا وجسديا قالت اصبري

يسبني ويتطنز على فقري ويعايرني في ابوي وانه فقير يقول اخذتك من بيئه وصرتي في مكان ماتحلمين فيه
شكيت الحال ل اخوي بس بالتلميح قال اصبري مالك حل غير الصبر وش تبغينا نسوي لك خلاص تبين طلاق تحملي انتي نتيجته

الدراسه متعلمه معاي بكالوريوس وجالسه اقدم ع الماستر ابي حل لي انا انسانه لي حقوق غير الماده خلاص الماده وانحلت راتب وانتهى الاشكال ماعاد تهمني فلوسه ولافلوس غيره الحين طحت في مصيبه اكبر من الماده احتياجي العاطفي دمرني

لااقدر االبي رغبتي معاه ولااتحمل البي حاجتي من غيره مابي الحرام نفسي اكون مستوره اكره شعوري ان فيه احد يمسكني بالحرام

اخاف اموت ع الذنب مااحد بيتحاسب معاي حتى اهلي اللي ظلموني ماراح يشيلون ذنبي انا خايفه من غضب ربي علي
شعوري بالذنب ارهقني

كيف اتخلص من الحرام؟

اختي قومي الآن. لاتكتبي شيئا. اغتسلي. بنية النوبه وصلي لله واطلبي منه العفو
واقرئي سورة التوبه والايه 15 -19 من سورة النساء





اطمئني

لاتثريب عليكم. اليوم يغفر الله لكم وهو ار ح الراحمين


ثم عودي هنا

__________________
..

اسمحوا لي
هي قالت انها مو جوعانة وانها تعمل هالشي عشان مادة فقط

عشان تحضر عرس ولا عشا نترضي عيون الناس

همها ارضاء المخلوقات الي مستحيل ترضى بشي
ونست الخالق
الي بكرة نوقف كلنا امامه نتحاسب على الصغيرة قبل الكبيرة

كيف تجيك نفسك تنامي وانتي تعملي الحرام عشان الناس ترضى عليك

فيها مجال افهمك لو كنتي مو متزوجة واقول محرومة من حقوقها ونفسها بشي ومو قادرة
فيها مجال لو انك من عائلة معدومة وووووو ومجتاجة رغيف عيش يابس

لكن انتي لك بيت اهلك يضفك
وبيت زوجك لامك وصاينك وتقدري تشبعي نفسك فيه ولو غصب عنه


ما عليه لا تقولوا الي يده بالنار مو مثل الي يده بالماء البارد
ابي اسالكم وين النار الي تقولون عنهااااااااااااا

تخون ربها وزوجها واهلها وتربتها عشان رصيد وعشان لبسه وحضور عرس

الله يهديك بس الله يهديك

توبي لربك واقضي عمرك صوم وعباده تشبعي وترضي

الي ما يقدر يوصل لشي رب العباد امره بالصوم والصيام حتى يعف نفسه
مو يفتح الابواب على مصراعيها وويقول مجبور ولا مغصوب
انتي تعرفي الزوج الي رضيتي فيه ولو كنتي مغصوبة
فاحمدي ربك واشتغلي على زوجك بالحلال
بدل ما تشتغلي بخلق الله بالحرام
بالاول بتفوزي دنيا واخرة
وبالثاني بتخسري دنيا واخرة واهلك بعد
فشو تختاري


ان قصر رزقك بشي الجاي لرب العباد بالدعاء والاستغفار والصيام
مو تروحي تدوري رضا الناس وبالحرام بعد ----- الله يهديك ويصلحك


مشكلك مو مادة ولا اهل غصبوك ولا زوج ظلمك

مشكلتك اكبر من كذا بكثير
مشكلتك ما عندك ايمان يردعك ولا دين يمسك ويدلك على الطريق الصحيح



توبي لله واخلص التوبة وكسري الشريحة الثانية ولا كل شريحة عندك وتخلصي من كل عامل يلهيك ويفتح ابواب المعصية لك وصلي وصومي كل ما اشتهت نفس كالمعصية وتزينت لك

قاطعي الناس كلها ان كان في مقاطعتهم لك نجاة من معاصيك
مو تبيعي اخرتك عشانهم وعسان عروسهم وحفلاتهم وكيف ترضيهم

ارضي ربك اولا
يوم الحساب كلهم بيتبروا منك ويقولوا ما نصحنها تروح تزني عشاناااااااا
يوم الحساب قريب ما تعرفي باي ساعة و اي حال روحك تقبض
فاعملي لساعتك تنجي

انجي بحياتك انجي باخرتك وانسي نواقصك وانظري لعيالك واهلك واصلحي حالك


ربي يهديك
ربي يهديك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

السلام عليكم والرحمه
حسبي الله ونعم الوكيل
انسفي الماضي وراء ظهرك..ومن تاب تاب الله عليه
هناك نقاط كثيره لدي لكن اشعربالتشتت لاان لااريد ان تسير وفق نهج وتكون نتيجه عكسيه وبالتالي تحملين مسؤليه
لكن ابتكلم ولك كامل الصلاحيه بالقيام باللي تريدين,,,وسارد ع المعطيات اللي لديك وفق ردودك

الزمي هالاشياء كانها اكل او شرب/الزمي الاستغفاروالتهليل والتسبيح..ديمومه الوضوء كلماانقض جددي وضوئك...ارقي نفسك بالفاتحه واقري سوره البقره يوميا او شغليهابالبيت//الزمي سجادتك كلماضاقت قومي وتوضي والحي لربك بالسجود الدعاء لنفسك والاستخاره باكمال الزواج او لا!!/الزمي حسبي الله ونعم الوكيل..اللهم اجرني في مصيبتي واخلف لي خيرا منها
كل طلعاتك اللي تطلعيها تصدقي باللي تقدري عليه وهناك اوجه فيه..ابتسامك ..كاس ماء لعامل ..الخ"ان رغبت باقتراحات للصدقه ابشري""

الماستركامليها وان كنت ترغبي باكمالها للخارج وهناك قدره خذي معك احد محارمك اخوك واعرض عليه او احدابناء اخوانك او عمك او خالك,,,وترى بالخارج اسرع بالكثير من هنا ف السنوات وان كنت تملكين لغه فالله يوفقك ستقطعي نص المشوار...
ان كان عنده ولد غير اللي زنى الله يهديه روحي معه وخذي ابنائك
لاتبحثي عن معنى الغيره منه بل ابحث عن تحقيق طموحك واعتبريه محطه تحقيق واستفيدي منه ..لاتجادليه بمسئله الحرام والحلال لانه هو اصلا لم يتق الله هل تشرحي له معنى ""انت اي طريق تقدري تسلكيه ف الطريق الصحيح اسلكيه بدون تردد

3/ان كان مشاوير الخروج مسموح لك فيها استغليها ويكون بالسر لاتعطي لااحد خططك زوري الجمعيات الخيريه واشرحي اوضاعك وهل هناك لك مخرج او توفير او حل..زوري الضمان الاجتماعي والشؤؤن الاجتماعيه وشوفي هل هناك احتمال اعطائك معونه المطلقه او اي برنامج هناك ممكن يخدمك,,انت اللي عليك اسعي وابحثي

4/اخوك ان كان كبير تكلمي معه خوفك ع عرضك وشرفك وزودي بداخله شعور الاسم اللي يحمله وانت تحمل نفس اسمه وان سمعك منه وانه سيحاسب ع عدم تقديم مساعدته..ماذايقصد تتحملي النتيجه هل يقصد الماده او عدم زواجك مستقبلا او ايش بالضبط؟؟
ان كان يقصد ماده قولي له انا راح ابحث عن وظيفه وانت ماشاء الله بكاليورس وهناك اوجه جديده ..اطلبي منه قربه معك فقط وانه ترجعي له باحتياجات بسيطه والبقيه عيك

5/تقدري ترمي عيالك ع ابوهم ماانت ملزمه تتحمل مسؤليه تربيه لوحدك لان بالنهايه يحملوا اسم ابوهم...ابوهم معتبرك كنوع يستلذ بتعذيبه ومعتبرك اداه يضرك فيها..لاتسمحي له بهالشي وتقدري ...لان مع احترام لك اللي ملك لك قلب الخيانه والمكالمات وليس المعنى اني اتشمت او احتقرك بل احيي فيك الصحوه من السبات والحمدلله انها وصلت لهالشي,,,تقدري بااذن الله انك تثبتي له يالبنت الفقير والجامعيه من انتي!!!زوجك نسى قدره الله عليه ..نسى سهوم الليل ودعوات اخراللليل ,,نسى ان الله بلحظه سيسقط وتاتيه الدنيا بصوره بشعه ...

6/اهلك ان تكلموا وقالوا خذي منه فلوس وهالكلام قولي تعرفوه روحوا واطلبوا منه!!ولاتفكري كثير../ان كنت تقفدري تاخذي منه مال بدون علمه تجدي حيله خذي منه وخبيهم بدون علمهم واركنيهم وهذا يالشرع يحق لك لان مايعطيك احتياجك
اطلبي منه ان يكتب لك باسم عياله شي حتى يضمن وان رفض قولي لااهلك انه رافض يسجل شي باسم يعني بقادم الايام و مات ياعزيزتي مايكون لك نصيب ممكن يكون الان مقسم ارثه دون علمك او انه يقدر احد عياله ان يوقعه ع ورقه طلاقك خوفا ان يكون ك نصيب وهناك نماذج سيئه,,,

7/ ان كان عندك نت مفتوح او تطلبي من احد جيرانك يخلي حريه الاتصال مسموحه لك لو تشاركينهم بميه او خمسين ريال ..طوري نفسك بدورات ع النت مجانيه بالحاسب او الغه او نزلي لك برنامج معين وطوري نفسك فيه,,سجلي بالتحفيظ وادخليه واعرضي ع المديره ان كان هناك عمل مستخدمه او مشرفه انشطه او اي شي انت تملكين قدره ع هالشي واشتغلي بدون علمه//وان انكشف وتشعري ان الراتب قليل لاتخبريه كم..قوليه بوجه مادامك ماراح تعطيني لاتدخل كم اخذ!!خلي لك خصوصيه ايطلع عليها مدام انه يستحق ردائه فعله
تقدري تلتحقي بالمستشفيات اللي يكون فيها قسم نسائي
8/هناك وظايف ف مشاغل او اي مكان لساعات خذيه كنوع تخرجي من جوك وتسوي تحقيق مواهبك..من الان احذفي رقم جوالك وكل هدايا العلاقات المحرمه وكل شي يقربك بالماضي+اهلك زوريهم رسمي اذا بحثتي عن مساعدتهم ف ذهاب احدهم معك محرم للسفر وتثقي فيه ووجدتيهم وجودهم سلبي اتركيهم+زوري المنتزهات و المستشفيات صديقاتك التحفيظ هناك اماكن كثيره تقدري تزوريها كثير+احمدي الله واشكريه دائما وتلاقي نتيجه مرضيه

حطي ببالك ان الله رزقك ابناء هناك من وصل عمرك وتعرضت لعظل من اهلها وتقريبا وصلوا اربعين!!هناك من هم بعمرك مصابات بالسرطان والامراض الجنسيه ..كل تصرفات زوجك طبيعيه جدا لانك صغيره وانت ممكن تثيريه ومايملك قوه تكفيك فتلاقيه يختصر الوقت ويبحث عن مواطن يضعفك فيها وانت ماشاء الله مكتشفته !!

هدي اعصابك كثير ولاتفكري بالماضي..//اعذريني كلامي ملخبط لكن لاني بالمره متضايقه من اوضاع ان ابوك مادام ليس قادر ع تربيه ابناء وحياه طيبه ليه يجيب عيال كثير..ابوك واخوانك رجال يقدروا لو يفكروا ان يجدوا مال بطرق كثيره...زوجك لايحبك لايشبعك لانه اصلا عمره يلزم المسجد ويسئل حسن الخاتمه واخذك لهدف معين وطيح مابراسه ..لم يتحمل قراراه ولم يحط بباله هناك حساب وعقاب اين حقك كزوجه ولاابنائك الحياه المريحه بعد عينه !!!حسبي الله ونعم الوكيل


نسئل الله لك الحياه الكريمه والتوفيق من عنده...ننتظر اخبارساره بقادم الايام لان هناك نقاط قوه تملكيه لكن الاحتياج العاطفي عندك عالي اذن ابعدي عن متابعه الاشياء اللي تثيرك ولاتطالعي الغير وغضي بصرك ترى مو كل رجال مع حرمه هم اهل بيته::هناك نماذج اما اصدقاء او اقارب او اخ واخته او اب وابنته او او وتلاقي منهم ماعندهم عيال او هناك لهم ظروف وتلاقي انهم بناظروك ويقولوا ياهناها مبسوطه تلاعب عيالها //لاانسى ابقي ع مانت عليه وعيشي انوثك باللي تقدري عليه داخل بيتك ولاعليك من كلامه ان كان تفكري ومادري ايش بل انبسطي واضحكي ..
شفتيه يدلع زوجته وهالحركات الاطفال اضحكي وانبسطي او غادري المكان بدون جدال ولاتضايقي خلقك ..هناك خروجات من المواقف كثيره اخرج منها بالاضافه لماينتهي الموقف واي كان واتملكين القدره ع اخذ حقك منها عليك ان تنسيه لاتعيشي حاظرك من خلاله





عذرا صاحبه المشكله ان خرجت عن الموضوع ان كنت تبحث عن ابدء راي ضع نفسك بمكان المعاني وممكن مايكون سبب اللي اقدمت عليه لكن لابد تعرفي شي هناك خفايا لايعلم بها غير ربك لم تذكرها وهناك صحبه سيئه تقابليها كل يوم وتوجهك ..لو كان كلامك ليه وليه فهي انثى لماذا هناك رجال عصاه وكبائر الذنوب ارتكبوها وهناك سجون ومجمع امل للصحه النفسيه وهم رجال يعني بعد الله كل شي متوفر لهم لانهم سمعتهم يحملوها لوحدها ومهما فعل المجتمع معه ...البنت و تتاخر بالزواج او يوقف معها شاب مساعدا بدوا يشككوا في امرها وشوهوا سمعتها


صاحبه الموضوع هنا كثير اعضاء سيقدمون مالديهم من اراء فاللي عليك ناقشي في حدود رغبك لحل بعيدا عن التبرير لان الماضي انتهى لايمكن تعيديه بل صحيحه بطريقه صحيحه ..وستجدي وقفه من كافه الاعضاء الاهم اصدقي بحديثك وكل خطوه سويتيها اخبريهم وطبقي اللي ينفعك ولايضرك ..ولاانسى ك اللي مريتي فيه وبتمري فيها لاتخبر من لك علاقه بواقعك عنه انهم اول طريق لضررك ..!!
[/SIZE]