السلام عليكم ورحمة الله وبركاته
باعرض عليكم مشكلتي وأتمنى ألقى لها حل
انا متزوجة لي سنتين وشيء وللأسف الشديد في مشكله منغصة علي حياتي !
زوجي شخص حنون وكريم ولو اطلب لبن العصفور يجيبه لي ،، بس للاسف وللاسف مليون مره خاين، خاين ونسونجي من الدرجة الاولى
من اول ماتزوجته وهو يخون سواءً علاقات من قبل الزواج او بعده، اول خيانه اكتشفتها بالضبط بعد زواجي بشهر
زعلت واعتذر، وللامانه كان يعتذر ويخاف اني اتركه
اكتشفت خيانات كثير بعدها بس كنت افوت كثير بدون لايحس اني ادري، خاصة لما ينهي العلاقه بدري خلاص احب اتغاضى عنها بس طبعاً هو مايدري اني دريت
عمل زوجي بالمستشفى ، يعني يمرون عليه حريم اشكال والوان
قبل كم يوم كنت اكلمه اساله عن شيء وهو يكلمني كان يكلم كل شوي مريض، وفجأه سمعته يقول لحرمه اديني اسمك ياماما !!
انا استغربت وشلون يقول لحرمه غريبة كذا؟؟ لو طفله اكيد عادي لو حرمة كبيره بابلعها
سكت شوي ولما استانفنا حديثنا قلت يافلان انت دوبك قلت ماما لمين؟
شكت شوي قال لرجال، قلت رجال وتقوله ياماما، قال فلبيني، قلت لاتكذب !!
قال ايه قلتها لحرمه
وفجأه قلب علي الرجال ميه وثمانين درجة، صار يقول كلام كل شتم وسب واشياء كثير ماقدرت استوعبها
واني اقعده له الحبه
اوكيه، انا غلطانه واقعد على الحبه، طيب مين السبب؟؟
هو اللي ماخلى بيننا ثقه واخلاص
بعدين حتى ولو ،، مو عادي يقول لحرمه غريبه يا ماما
احنا ناس متشددين ومو متحررين ولو يسمعني اقول لرجال يا بابا كان وراني نجوم الليل
انا حامل بالشهر الثامن، انهرت بكاء مو ضعف بطبعي انا مو ضعيفه، بس كنت تعبانه نفسياً ولو كلمه ممكن تبكيني
شلت اغراضي ورحت غرفه ثانيه، لنا الان 5 ايام مانكلم بعض
في مشكلتي عدة نقاط وهي اللي ابي استشيركم فيها
،،،،،،
ايش الحل مع خياناته، علاقاته اللي ماتنتهي؟
انا انسانه ما احب الغلط واتحمل اي شيء من الرجال الا الخيانه
قبل فتره خانني مع وحده قبل لا احمل، انا انهرت
ومع اني عمري ماكلمت احد عن مشاكلي الا المره هذي ماتحملت
وكلمت اخوي الكبير،عندي اخ كبير عاقل وشديد وحكيت له المشكله قال انا اتفاهم اذا يبيك بالمعروف يبطل حركاته
ولا يردك لبيت ابوك وخلي بنات القرف ينفعونه
وبنفس اليوم اللي كان بيكلمه، قريت رساله لها بالصدفه انه انقلعي وشتم
رحت قلت لاخوي
قال نقفل الموضوع واذا كررها انا اادبه
ايش رايكم اخليه يكلمه ؟؟
لاني قرفت منه وكرهته
المشكله الاكبر
الثقه صايره صفر
يعني اتخيله حتى يخرج ويسوي
مثلا خلال هذي الايام اللي متخاصمين فيها جاء من الدوام وتروش
واللي يقهرررر اكثر عمره ماتروش اذا جاء من الدوام، حتى لو عرقان !
يعني حاله شاذه
على طول يخطر ببالي انه خانني
انا باقيلي شهر وانفس، باروح عن امي خلال فتره الاربعين
ياترى 40 يوم ايش من مصايب راح يسوي؟؟
تصدقون اخذه هم هذا الشيء
،،،،،،
قبل الرد باقولكم عدة نقاط
* علاقتنا رائعه، وانا احب الضحك والفرفرشه والدلع،،، افلها معه، البس له ،،،،، اله
يعني مافي اي مشاكل بخصوص علاقتنا، حتى جنسياً انا من النوع اللي ما اصده ولا اجرحه
* فتره الاربعين، لحد يقولي اقعدي في بيتك
انا بكريه وما اعرف شيء، صعبه من يهتم بي من يسويلي اكل من ومن ولو باحيب امي عندي بالبيت
امي عندها اخواني كثير بالمدرسه واللي بالجامعه يعني مرتبطه بهم