زوجة معلقة .. وزوجها يسرح ويمرح مع بنات الهاتف
المشكله في واحد يكلم بنات كثير وتحت ضغط الاهل ورغبتهم في اصلاحه قررو يزوجونه من بنت يعرفها بس بنت ناس طبعا!!
اللي حصل ان وقت الخطوبه كانت علاقتهم متذبذبه يعني يوم يتزاعلون ويوم يرجعون والولد في كل مره يحصل فيها الزعل يقول لاهله انا ماابغاها واهله يغصبونه على الرجوع !! وصلت في الجرأه انه قال للبنت ترا انا مغصوب عليكي واهلي هم اللي غاصبيني ومع ذلك البنت تزوجته على امل انه يتصلح بعد الزواج !!
المهم بعد الزواج زادت المشاكل وبنفس الطريقه يوم يتزاعلون ويوم يرجعون لكن المشكله ان الولد ماهو قابل البنت لدرجه انه مادخل عليها وصار لهم على هالحال 3 شهور !! والبنت صابره عليه وعلى خياناته !
والمشكله ان الولد يحس انه وسيم واي بنت تشوف راح تنهبل عليه ويقول لزوجته في وجهها انا قلت لك من البدايه اني مغصوب عليكي وانتي اللي رضيتي !!وذالها على هالسالفه !!
بس الغريبه انه ماديا مو مقصر عليها في شي لانه مقتدر !! ويطلع معاها مرتين في الاسبوع ويشتري لها هدايا في المناسبات بس مشكلته الخيانه وعمره ماقال لها كلمه حب او اطراء بالعكس دايما يقول لها انها شينه وانها ماتعجبه ومن هالكلام اللي يغث !!
طبعا الولد كلموه فهموه اهله بس مافيه فايده مغرور والغرور معميه + البنات00000اللي يكلمهم اعتقد لهم دور كبير في اللي حاصل !
وش تعتقدون الحل في هالموضوع؟؟؟؟وهل فيه امل ينصلح حال الولد او الطلاق ؟؟؟؟؟؟؟,وعلى كل اللي سواه البنت مستعده ترجع له وتسامحه
ملاحظه الولد يصلي ومايشرب الخصله الوحيده الشينه فيه هي الخيانه وش الحل؟؟
تم تغيير العنوان
__________________
لاإاله الا أنت سبحانك إني كنت من الظالمين
ربي لا تذرني فردا وانت خير الوارثين