بسم الله الرحمن الرحيم
أخواني بالله اتمنى منكم الفزعه !!
والله مشاركاتي مو كثير ودائما غاثتكم بمشاكلي
بس مالي بعد الله الاانتم بتكلم بأختصااار لان مالي
قدره على التركيز من التعب والارهاااااق من قل الاكل والنووووووم
بصراحه معقود قراني على شخص كان بينا قصه حب عاااصفه
أنا لما شفت نفسي متعلقه فيه مررررررررره قلت له يتقدم
لاهلي أو نترك بعض وبعد شد وجذب قالي خلاص بس اهلي و
زوجتي مايدرون أنا اشوف الوقت المناسب واقولهم ووافقت وكان الشي
بيني وبينه بدون خبر من اهلي لان أذا جاء الزواج راح يتحجج باي شي
وملكنا وانبسطنا ورحنا وجينا وبعد ماباقي على الزوج الا شهرين بديت
افاتحه بشرطي الي شرطته عليه وهو الشقه لان مابقي وقت وكل
مافاتحه يقول بدري الى ان جاء مره وقاالي قفلي على الموضوع انا رجال
وادبر نفسي لاتلحين وبعدها اكلت تبن وسكت قلت بنفسي ماباقي شي
ويعدن هالشهرين واشوف المشكله انه الحين صار يطنش مايكلم مثل اول
والله اذكر مره قبل الملكه كان توفى اخوه وكلمني وهو متقطع من البكاء
والحين ياسبحان مغير الاحول صار يطنش بدون سبب يتعذر بانه مشغول
واليوم له ثلاث ايااااااااااام لاحس ولاخبر مدري السالفه تطفيش علشان
اطلب الطلاق وهو يطلع منها زي الشعره من العجين لانه في حاله انا الي
طالبه الطلاق راح تسقط كل حقوقي ويمكن هذا الي يبيه أو يبيني بكره
مااتكلم أذا راح لزوجته وقعد عندها ايااام وطنشني بس أذا بغى شي مني
جاء وبعدها يرميني بالايااام والشهور مايسأل وقاعد يسوي تجارب علي من
الحين علشان اتحمل ...... بصراااااحه
الف مره نبهت عليه اني اكره هذا الاسلوب لو كان زعلان لايطنش يتفاهم معي
بس اكره هذا الاسلوب لانه بيكرهني بنفسه بس وش أقول لاحياه لمن تناااااادي!!
الحين وش اسوي طقت روحي ياناس أنا تعبت نفسيتي وكل ماحاولت اجيه
بسلوب زاااااااااااااااااااد ونفخ راسه علي وتكبر وقالي تحملي ياما ركضت وراك
وماكنتي تشوفيني والحين ذوقي ماذقت ؟!
ابي حل والله تعبت عشت قصه زواج فاشله والحين تتكرر مأساتي والله أذا كان
الرجال كلهم كذا ينعافون ..........الله من الحظ الردي لاناقصني لا تعليم ولاجمال ومع ذلك لا وظيفه ولا رجااااال يسوي تكفففففففون ساعدوني وشوروا علي ايششششششش اسوي ؟؟!!!!!!!

تم تعديل العنوان
المشرف / شاطئ المحبة

السلام عليكم ...



اهلك مايدرون انه متزوج ؟؟؟؟؟؟؟؟!!!!!!!!!!!!!!!!!!!!!!!!!!!!!!!!

اختي اذا كان جوابك بنعم اسمحي لي اني غلطانه .......!!!!!!!!!!!!!!!!!

الحل الان اهلك لازم يعرفون حقيقه الرجال انه متزوج وانك زوجه ثانيه

ثم يجتمع ابوك فيه ويشرح له الوضع ويضع النقط على الحروف ويشترط عليه ينادي اهله و تتزوجوا ويعدل بينك وبين زوجته

والحمد لله ....

اما اذا اراد غير ذلك فاهلك وانتي ادري بمصلحتك !!!!!!!!!!

اخيتي هداك الله

اذا كان فعلا اهلك فقط وافقوا بناء على الحاحك فتلك مصيبه !!!!!!!

الم يسألوا عنه !!!!!!!!

الم يعرفوه !!!!!!!!!

اخيتي لا تندبي الحظ ...

ولا تيأسي من رحمت الله ...

وارضي بالقضاء والقدر...

واحمدي الله على كل حال ....

وليس كل الرجال كما تصورين ...!!!!!!!

هوني عليك !!!!!!!!

واحرصي على كلامي فاهلك لازم يعرفون حقيقه زوجك ....

وايضا اي حب هذاااااااا قبل الزواج !!!!!!!!

هل هنالك اختلاط في مجتمعك !!!

وهل تعرفي حكم الحجاب !!!

وحكم الاختلاط !!!

وحكم محادثه الرجال الاجانب !!!

المهم انه الحمد لله خطبك وملكتم واصبح زوجك ....

لذا طبقي ما قلت لك ...

والله يوفقنا واياك لكل خير ...

__________________
سبحان الله وبحمده سبحان الله العظيم

وعليكم السلام والرحمه
والله يااخي السيف المهند كم فرحت بردك لاني دائما ما أقراء لك واشعر انك تملك من الحكمه الشي الكثير
وافيدك علما بان اهلي يعرفون انه متزوج ولكن الشي الذي لايعرفونه ان الموضوع سيبقى سر بيني وبينه
لان اهله بمدينه اخرى وسيتحجج بهذا الشي بس الي قاهرررررررررني حركات البزران هذي والتطنيش وعدم الرد
احس حركاااات الثقل والتطفيش هذي مالها داعي ماحنا صغار !!

على فكره اهلي سالوا عنه ومالقوا اي مشكله بس أنا حاسه انه مل وشبع وبيطلع منها وادري اني غبيه شي وجبته لنفسي بس عاد طاااااااااااح الفاس بالراس ولاهو وقت لوم وعتب لاني ابي حل اعالج فيه المشكله
اعرف حكم الحجاب وانا في مجتمع لايقبل الاختلاط ودوله هي اطهر بقاع الارض بس الشيطاااان وغلطه وتصلحت وحنا الحين بحكم المتزوجين .

مشكلتك مشكله الله يكون في عونك ماذا عساي أن أذكر وماذا عساي أن أهمل
تقديم الظن السيئ (عشان أطفش و أتنازل عن حقوقي ) والتفكير في المادة بشكل بحت !
قصة الحب قبل الزواج وهل هذا الشئ جائز شرعاً وسيبارك الله في زواجك ؟!
عدم إخبار المحيط عن الزواج وآليته وتوضيح ملابساته للمقربين من كلا الطرفين !
وقد ذكر لكِ الأخ الفاضل السيف المهند مجموعة من الدرر أتمنى الإعتناء بها

بارك الله لكما وبارك عليكما وجمع بينكما بخير

أختي ده راجل شاف جواز و جرب حب و شكله بتاع بنات و الله أعلم
لو إنت بكر تعملي في نفسك كده ليه ؟!
انفصلي و انتظري العريس المحترم اللي ييجي من الباب و يكون ما اتجوزش قبلك مش واحد مل من الدنيا و جاي يقرفك

أما لو كنت مطلقة أو أرملة
فخدي واحد زيك , ليه تاخدي نص راجل ؟؟!!

لو مقتنعة بيه اتصلي و اطلبيه في مطعم هادي و صارحيه بكل اللي في نفسك
و قوليله عايزة ابتدي أجهز شقتي و عايزة أحس إنك مهتم بيا و بتحبني

أتمنالك التوفيق و ربنا ييسرلك أمورك

لا حول ولا قوة إلا بالله

هل الحب قبل عقد القران جائز شرعاً ؟؟؟؟!!!! ------------> من المعروف أنه محرم

هل محادثة الرجل الأجنبي جائزة شرعاً ؟؟؟؟!!!! ------------> من المعروف أنها محرمه

هل تعتقدين أن زواجكم سوف ينجح ؟؟؟؟!!!! ------------> طبعاً الجواب لا لأنه مبني على علاقه محرمة

هل ستأمنين من شكوكه فيكي ؟؟؟؟!!!! ------------> لا والله سيشك فيكي وفي جميع تصرفاتك

أتمنى أن تحكمي عقلكي...لا عاطفتكي

هذي عشرة عمر...مو يومين ولا إسبوعين

من رأيي

أن تنفصلي

ووتتوبي إلى الله

وتنتضري الرجال الذي يدق الباب لطلبك


والله الموفق والمعين

أول شي ,,, ليش تقولين أكلت تبن,,, لاتزعلين مني بس واحد مسببلك كل هالازمه يخسي يوكلك تبن وانتي بنت ناس

ماودي اثير ازمه لكن ,,, وكليه هو التبن,,,, يمكن الرجال فيه شي مضايقه ؟ ناقصه فلوس يمكن ؟. مادري

ربي يفك أزمتك إن شاء الله

وعلى فكره,,,ابليس بالفتره ذي اقوى مايكون,,, يفرق بفتره تخوف ,,, غير لمى تكونوا جنب بعض.

ربي يسهل امورك

اقتباس:

المشاركة الأصلية كتبت بواسطة هتاااف على فكره اهلي سالوا عنه ومالقوا اي مشكله بس أنا حاسه انه مل وشبع وبيطلع منها وادري اني غبيه شي وجبته لنفسي بس عاد طاااااااااااح الفاس بالراس ولاهو وقت لوم وعتب لاني ابي حل اعالج فيه المشكله اعرف حكم الحجاب وانا في مجتمع لايقبل الاختلاط ودوله هي اطهر بقاع الارض بس الشيطاااان وغلطه وتصلحت وحنا الحين بحكم المتزوجين .

بسم الله الرحمن الرحيم

اسمعي يأختي الفاضله كلام أخ مشفق عليك ...

هذا الرجل وانتي جمعتكم قصه حب خارج الاطار الشرعي ....والاسباب قد ذكرتي بعضها ولسنا هنا في مجال محاسبتك فالحمد لله دامك صلحتي غلطك وملكتم ...
فقدمي توبه الله من الذنوب التي قبل الملكه واعرفي ان الله يمهل ولا يهمل وحافظي على شرفك وعفتك وحيائك واحذري تمام الحذر ان تكوني لعبه ...
او تكوني وسيله لاشباع الرغبات ومن ثم تتركي وترمي كما ترمى الثياب من الجسد..

فان هذا الرجل ( زوجك ) ....

قد يكون تحت امرين ...

1 - اما انه فعلا يحبك واقدم على الزواج منك وصادق لذا ...
استخيري الله ثم اذا ارتحت لابد ان تشترطي عليه ان يبلغ زوجته ويحضر اهله ..

وانصحك بعدم الخروج معه وعدم الذهاب معه وحتى مكالمته الان بل اجعل المتحدث معه الرجال ابوك واخوتك حتى يعرف قيمتك ولا يذكر ماضيك معه بل يذكر قوتك وايمانك بالله ثم قوه اخوتك وحزمهم معه ...

2 - اما انه رجل كان يتسلى ثم اجبرته على الزواج بك وهو تزوجك وملك ولكن
لزال الشيطان يزين له الشك بك وكيف يثق بك وقد كلمته من وراء اهلك !!!

فهو لن يثق بك يوما لذا فهوم محتا ر ان يتركك او يتزوجك على شكه ...

::

وكلا الامرين لك الاختيار بهما

وهذا الرجل لن تعرف اجابته الا من خلال الرجال ...

يعني بالمختصر المفيد ...

اهلك ابوك او اخوانك يتدخلوا بالموضوع ....ويسألوه وينظروا بأمره...
ويبلغوه بشرطك ان يحضر اهله ويخبر زوجته ....

او ان يغني الله كل من سعته ...

:::

ولكن اريد ان اقول لك شيئا ....

اذا بدأ الشك في قلب احد الزوجين بالاخر فان الزواج صار به شرخ وصدع لن يلتأم
الا اذا اراد الله ....فمصير الشك نهايه الحياه الزوجيه او الجريمه والعياذ بالله ....

::

ايضا اختي الفاضله

يامن عرفتي حكم الاختلاط ؟؟؟

وحكم الحجاب ؟؟؟

ويا من سكنتي باطهر بقعه على الارض ؟؟

الله الله ...

بالتوبه النصوح ....

خذي من بلائك عظه وعبره ....

وانظري في حالك والجأي الى الله ...

التوبه على ما اقترفتي في حق نفسك وحق اهلك ....

اخيتي والله لن ينفعك المال كله في سبيل ان تداوي جراح شرفك وعفتك ...

اشمخي بذكر الله ثم الدعاء والصبر والصلاه ...

دعي عنك العاطفه والحب ...

اخيتي اقدر عاطفتك ...ولكن ايضا ليس هذا الطريق الصحيح لبناء أسره متماسكه ...

لذا لا تقولي وقع الفأس بالرأس ...

فالحمد لله ....

انتي بصحتك والتوبه بابها مفتوح اسرعي الى باب الله وانطرحي به وابكي على ما اقترفتي حتى لو كان كلام فقط ...

والحمد لله انه صلح خطأه بأن عقد عليك ...

ولكن الان دعي الرجال يتدخلون بالموضوع فالمجال مجال الحكمه والعقل والمنطق ...

واقول لك

لا تدعي عاطفتك تغلب عقلك مهما كان ....


وأسالي اهل العلم من المشائخ الثقات ...

والله يوفقنا واياك لكل خير ...

__________________
سبحان الله وبحمده سبحان الله العظيم

لا يا اختي الرجال مو كلهم كذا ,
انتي تزوجتي واحد كنتي على علاقه فيه قبل الارتباط , رجال خائن لزوجته ويغازل من وراها ! وش كنتي تتوقعين منه ؟
بعدين لا تقولين عن حظك انه ردي ! انتي اللي جبتيه لنفسك !
ما بني على باطل فهو باطل .
انصحك انك تتركين هذا الرجال,لانه خان زوجته وممكن يخونك.
انتي توك والحياة قدامك, انتي بس ادعي الله بالزوج الصالح اللي يرضيك ويرضي اهلك.
والله يوفقك دنيا وآخره ..