السلام عليكم ورحمة الله

كيف الحال جميعا؟؟

أنا قرأة وحطيت موضوع لكن الردود ملخبطه بالمره,,, اعذروني لكن هذا اللي قدرت الخصه من موضوع الفلوس والصرف والنفقه,

فحبيت أبين لكم,,, للنساء اللي يقولن لازم يخصص لنا راتب او تتمنى انه يعطيها من دون ماتطلب او الاشخاص اللي يقولون لازم نعطي حريمنا ,,, وأستثني من الموضوع اللي الله من عليهم بالمال ,,, الله يديمه لهم ويرزقنا.

الموضوع عباره عن معلم توه متخرج من الجامعه:

الراتب 6000 ريال سعودي

1- فترة الجامعه مامعاه سياره فأظطر وأخذ سياره عشان السياره من اولويات الامور في الحياة وحتى لو قرر يتزوج لازم سياره ينقل زوجته او يروح للمحلات يجهز بيت الزوجيه. أخذ قرض وأشترى سياره. وبالحاله هذي البنك ياخذ 2000 ريال..

2-فاتورة جواله مع الحرص على ان لاتزيد 500 ريال ومن المجامله يسدد فاتورة زوجته 500, صاروا 1000 ريال.

3-نفرض 1000 ريال يحطها على جنب يجمع فيها المهر,, وعلى كذا تعتمد فترة تجميع المهر,,, 60 ألف يبغاله 5 سنوات, 30 ألف يبغاله سنتين ونص.

4-1000 ريال بيوفرها عشان الشقه تحتاج بويه ,,, والبويه يبغالها عماله,,,فرش واثاث,,,مطبخ (ادوات المطبخ نقول كلها تجي هديه ) ثلاجه + فرن + مغسله + تلفزيون + ,,,,, إلخ من متطلبات البيوت الحديثه,,,خصوصا إن الزوج اليومين هذي يحاول يخلي زوجته بأسعد حالاتها ,,,. >>> الفقره ذي يبغالها نقاش!!

5- باقي 1000 ريال سعودي,,, الرجال مايبي اغراض له؟ ملابس وغيرها؟ السياره ماتبي بنزين,,,؟؟ الرجال مايبي يشتري هديه لزوجته ؟ الرجال مايعزم ؟ الرجال مايجدد اشتراك انترنت ؟ امه طلبت غرض ؟ مقاضي؟ المدرس مايبي اقلام سبوره ؟ دفتر تحضير؟ يكشخ كشخه وهو يداوم كونه استاذ مربي اجيال؟ والكثيير.

فيا سيداتي,,, الرجال اللي حاله حال واحد راتبه 6000 الاف ريال يا إنه يلغي الفقره رقم 4 أو 5 أو يمكن 3 عشان يخصص راتب لزوجته ؟؟

#ملاحظه: نسيت زياده ال 5% اللي تطلع هنا = 300 ريال سعودي.

اللي فهمته انو موضوع راتب الزوجة هو اللي مأزمك

شوف انا اقولك حاجة

راتب الزوجة لازم يكون بما يتوافق مع راتب الزوج

يعني زوج راتبه عشرين ألف ريال أقل شي يعطي زوجته ألف أو ألف وخمسمية ريال منها

زوج راتبه عشرة آلاف ريال يعطيها راتب بحدود خمسمية أو ألف ريال

أما زوج راتبه 6آلاف ريال فممكن يكون راتب الزوجة 200 الى 300 ريال

كمان مرررة مو حلوة انه الزوجة تطلب وتطلب .. وماتقدر ظروف زوجها حتى لو ماكفاها المصروف مو مشكلة تتحمل وتحمد ربها انه افتكرها براتب اصلا

انا شخصياً مصروفي من زوجي 100 الى 200 ريال حسب ظروف كل شهر واحيانا ما آخذ راتب والشهر اللي بعده يعوضني وحامدة ربي وشاكرته

الله ييسر لك كل خير يارب

أخي الكريم لم أفهم كيف يسدد فاتورة زوجته 500 ريال في فقرة رقم 2

وفي فقرة رقم 3 يجمع 1000 ريال للمهر

مع العلم أن تسديد الفاتورة بعد الزواج

وشكراً لك والله يسهل أمرك ويفرجها عليك ويحسن وضع الجميع ويزيل العراقيل عنهم
وأعتقد لو وضعت موضوعك في عالم المشاكل لكان التجاوب أكثر بارك الله فيك

إذا تبغى نصيحتي

خله يروح بنك التسليف بمدينته ويطلب سلفة زواج وراح يعطوه 45 الف ريال ثم يقسطوها عليه بدون فوائد يعني ياخذون من راتبه 500 ريال كل شهر

وإذا راح جمعية الشيخ بن باز لمساعدة الشباب على الزواج بيعطوه مساعدة وإعانة قد تصل إلى عشرين الف ريال

وبكذا أظن تنحل المشكلة

معلومة بنك التسليف والجمعية الخيرية جميعهم يطلبون عقد الزواج ولايكون مر على الزواج اكثر من عامين

عليك ببنك التسليف فقد خصصته الحكومة لمساعدة المواطنين وأعرف شبابا أستفادو كثيرا من قروضهم الميسرة جدا جدا

هل تعلم انهم ايضا يخفضون عنك جزء من المبلغ فهم لايستردون كامل المبلغ منك ثم إنهم لايتأخرون في صرف القروض على ماوصلني

توكل على الله ثم إذهب إليهم

وربي يوفقــــــــــــــــــــــــــــــك ويوســــــــــــــــــــــــع رزقك ........آمين

__________________
طلبت المســــــتقر بكل أرض فلم أرى لي بأرض مسـتقرا

أطعت مطامعي فاستعبدتني ولو أني رضيــــــت لكنت حرا

في بنات أعرفهن لما تتزوج اعانتها الإجتماعية ( لو البنت يتيمة ) تسقط , و وقتها من الذوق ان لازم زوجها يعوضها و لا البنت اشلون تعيش إلى آن تأتي ليلة زفافها ؟؟

في رجال اول ما يتزوج يبي زوجته تقعد في البيت , هو أيضا وقتها ملزم يعطيها راتب تمشي حالها بعد فقدها لمال راتب العمل

في بنات لما يتزوجن أهلهن يبدؤوا باللمز و الهمز على الرجال و يضغطوا على البنت , هل يعطيكي راتب ؟ هل عطاكِ هدايا ؟ هل عطاكِ عيدية ؟ هل و هل و هل , و النتيجة البنت نفسيتها تتعب أو تضطر تطلب عشان تسكت أهلها و زوجها ما يصغر في عيونهن رغم إن المادة مو في بال البنت أبدا

و في نفس الوقت في بنات طماعات أو يطلبون زيادة أو ماديات , بس حط في بالك الإعتبارات السابقة

و الله يرزق الكل