السلام عليكم و رحمة الله و بركاته

بصراحة ما ادري وش اكتب و وش اقول

عندي مشكله محرجه ومو قادره اتابع حياتي بسببها ومو قادره اتجاهلها وبصراحة هالمشكله مهي مخليتني انام
انا امراه متزوجه من ثمان سنوات عمري 27 سنه وزوجي اكبر مني ب 12 سنه عندي 3 أطفال الله يحميهم و يبارك فيهم يارب

زوجي انسان احترمه و احبه بس مهو الحب اللي اسمع عنه من باقي المتزوجات يعني حب عقلاني نوعا ما

هو انسان حنون ويحبني و يحترمني ومو منقص علي شي

المشكله صار لها فتره سنتين تقريبا وهي ان زوجي الله يهديه مايفرش اسنانه ابد ابد ابد وهذا الشي بالبداية كان لافت نظري بس مهو مسبب مشكله لكن المشكله بدات تظهر الآن

ما ادري كيف اقولها

زوجي صار عنده رائحة فم كريييييييييييييييييييييييييييييهه اقسم بالله صار لي سنتين و يمكن اكثر ما استمتع بتقبيله او اني احضنه واصير قريبه منه

والعلاقه الحميمه صارت معاناه اظل احاول قدر الامكان اني ابعده عن وجهي عشان ما اشم رائحة فمه وما اصدق متى يخلص عشان اقوم

هو صار له فتره يلمح لي اني صايره بارده جنسيا بس والله العظيم اني اشتاق له ونفسي ارجع زي ماكنت بس نفوري من الرائحه يخليني اكره اني اصير قريبه منه


تصدقون وش اللي خلاني اكتب هنا ( اكتب و دموعي ماني قادره اوقفها )

اللي خلاني اكتب هو هذا وانا اقرب الناس له كارهه هالرائحه كيف الناس واصدقاءه ،، احس اني انجن يوم يجي ببالي انه ممكن يكون احد متنفر منه بسبب رائحته مثلي

انا جدااااااااااااااااااااااااا خجوله وماعندي الجراه اقوله بس مره تشجعت وزينت جو روماااااااااااااااااانسي وجا الغرفه قلت له فرش اسنانك بعدين تعال و بالفعل سواها

انا ارتحت قلت اكيد وصلت الفكره ،،، يعني اذا مافهم من نفوري من القبلات ومحاولاتي المستميتة بابعاده عني اثناء الجماع اكيد بيفهم من كلمتي هذي واكيد لاحظ الفرق ولاحظ اني ماني بارده جنسيا

بس للاسف ماسالني ليه قلت له فرش اسنانك وبقي الوضع على ماهو عليه


ارجوكم ارجوكم لاقو لي طريقه اقدر افهمه فيها المشكله بدون ما اجرحه

ماابي اكرهه وماابي حياتي تخرب بسبب تافه


ادعوووووووووووووو لي ربي يقويني ،،، وبانتظار ردوكم

اشكركم على سرعة تفاعلكم مع الموضوع جزاكم الله خير

بالنسبة لاقتراحك اخي الكريم احب اوضح ان زوجي نوع اسنانه فيها تلون يعني حتى لو سوى تبييض مايتغير لونها واعتقد هذا السبب اللي مخليه يهمل نظافتها لانه مايبين انها صفرا بالعكس نفس لونها ماتتغير

وهو كم مره سوى تنظيف اسنان عند قريب لنا وهو طبيب اسنان وما يرجع يهتم بنظافتها

ادعو لي الله يفرج كربتي

اشكرك غاليتي اميرات على اهتمامك ومساعدتك ،،، جزاك الله خير

اشكرك اختي على اهتمامك

بالنسبة لعيالي مستحيل يمر اليوم بدون مايفرشون اسنانهم عالاقل مره باليوم

والشرائح المعطره المشكله اني خجوله وما ابي احرجه ،،، ابغا طريقه اوصل له المعلومه بطريقه غير مباشره

غاليتي ام فاطمة

نفس ماقلت للاخ المزوم ان زوجي اسنانه فيها تلون يعني يصير لونها غامق شوي ومايجيها اصفرار

عشان كذا الفكره هذي ماتنفع

مشكور غاليتي على اهتمامك