حبيبتي انتي انسانه راقية ومتعاونة
لكن بعض الرجال نظرتهم مختلفة للموضوع
بتكلم لك شوي عن تجربتي
لاني اقرأ الموضوع وكأني انا اللي كاتبته
لما كنت متوظفة كنت اعمل مثلك بالضبط
تركت وظيفتي وطارت كل تحويشة العمر
لنفس السبب ونفس السلوك
بس مو لأني ما ابي اطلب.. لا
ببساطة صرت اطلب ويرفض
والا يقول حركي فلوسك اللي بالبنك
القاتل بالموضوع مو الفلوس ولا المادة
لكن احساسك ان الطرف الثاني هاملك
او بالأحرى مو قايم فيك
وهذا الشعور يقتل أي انثى
خصوصا اذا الرجل يطلب كل حقوقه كامل ومكمل

نصيحتي لك ستوب.. ستوب.. ستوب
راتبك لك وللكماليات مو للضروريات
مؤونة البيت ومصاريف البقالة ارفعي يدك عنها
هذي اول مسؤوليات الزوج
نصيحة اجلسي معه بهدوء وقولي اللي بخاطرك
بدون جزئية انو قال كلمة من كم يوم زعلتك
ابدا.. سواء قدر او ما قدر.. هذا مو دورك
بما ان زوجك انسان معافى وموظف وماعنده ضغوط

أشعر أن حكاية (الرجل يحب ويستمتع بالصرف على زوجته وأسرته) بدعة يضحكون بها علينا.


الحقيقة هناك رجل يدرك واجباته ويتحمل مسؤولياته .. وهناك من يتملص منها ويرميها على غيره.


ومشكلتكِ الأساسية أنكِ حارة .. وحل المشكلة كما قالت روان .. وهذا يحتاج لبرود .. وصبر وطول بال.

__________________


اللهم طِيبَ الأثر .. وحُسْنَ الرحيل.

صح كلامك
انا حارة وبشدة , وبالمقابل هو بارد
اقدر اصبر على الكماليات
بس الاساسيات اتعب فيها
احتاجها وما معي الوقت اني اصبر
والمواجهه معه صعبه ونهايتها عقيمه
حتى لو جابت نتيجه مارح تجي من خاطره وبيفهمها غلط

شوفي اغراض البيت عليه ومصروف بنتك عليه وممكن تساعدينه فيه بمزاجك..لكن هدايا الناس ولادات قريباتك اعراس ومذا دامك موظفة فانت اللي تتكفلين فيها هو شرعا مو ملزوم الا ببيته..مصروفك بعض الرجال حتى وهي موظفة يصرف عليها بعضهم يشيل يده عنها على طول بمحرد ماتتوظف وبتلاقين صعوبة في تغيير قناعته في هالشي لانه بيقول انتي تطلعين من البيت وجزء من الاشياء اللي تسويها ربة البيت العادية ماراح كلها تقدرين تسوينها بوقتها فيعتبر انه لازم تصرفين كضريبة لوظيفتك على نفسك وعلى بيتك بعد لو حصل كذا بعض الرجال يفكرون

هذا الكلام، أعتقد أن 80% مما نشتريه كشعب عبارة عن استهلاك وزاائد عن الحاجة، وكنت ناوي أكتب موضوع أسمه (شبق الشراء) عن هالنقطة اللي فينا جنون للشراء بشكل رهيب يجب أن يتوقف وأن نعرف ماذا يجب أن نشتري، زوجك قد يكون مخطئ ومقصر في بعض الأمور والاحتياجات الاساسية، لكن هذا لايعفي أن تكوني أيضاً استهلاكية بشكل كبير.
مايلزم تشتري كل شي، غيري ثقافتك في مسألة الاستهلاك، إذا انتي راعية استهلاك ماراح تخلصين والبيت راح يحتاج كل شي بالأخير مراية تلفزيون مخدة كنب فرشة إلخ..... وكل يوم يطلع لك شي، ولو كل شي طلع لك قلت باشتريه عز الله ماخلصتي.
أديري فلوسك جيداً فنحن في زمن يجب أن نتابع مانصرفه وجدواه أكثر من أي زمن آخر.

الأمر الآخر الهدايا!!!!!!!! كل شي له هدية معقولة!!؟ آخر هدية جبتها كانت لأمي وهي جلابية من المغرب قبل سنة ونص. ((أمي)) مش ولد الجيران أو صديقتي أو بنت خالتي أو خال جد أمي.
فكرة الهدايا شيلها من راسك لاتهدين الناس ولا تنتظرينهم يهدونك، حنا ماضيعنا إلا متابع الناس وبلشين فيهم ندور وش اللي يرضيهم عشان نهديهم وهم ماجبوا لنا خبر هذا إذا ماهو يحشون فينا من ورانا وحنا زي الدبش ماغير اهدي لاتهدي.

ركزي بس ببيتك وعيالك وأهلك والباقي عامليهم باحترام وببساطة وبعيداً عن أي تعقيد واستهلاك فااااااااااااااااااااااااااااااااااااااااااااااااا ااااااااااااااااااااااااااااااااااااااااااااااضي

__________________
ياصبحِ لاتِقبل !!
عط الليل من وقتك..

انتبهي يا أمي كثير من الناس يعتقدون أن مايشترونه هي أساسيات وهي في الواقع كماليات.

__________________
ياصبحِ لاتِقبل !!
عط الليل من وقتك..

صحيح
بذات موضوع الكماليات
الخطه الاقتصاد اللي سواها زوجي بموضوع الكماليات
عشان نوفر لتعمير وشراء سياره
لما حسبناها نهاية السنه
طلع توفيرنا 20الف بس في الكماليات البسيطه والبقاله

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

شوفي يا اختي انا قاعدتي في الحياة
مادام زوجي لي بس افهميها
بغض النظر عن معاملته يعني ما يوفره ويكسبه في النهاية لنا
اشارك ولا همني لانه بيتي
ورب البيت البارح خرجت الراتب للشهر الماضي اشتريت مكنسة كهرباءية وميكوويد ومعاطف لاولادي
ويوم ماحب اسحب ولا فلس ما اسحب
الرجال ما نراه نحن ظروري بالنسبة لهم كماليات كاواني الضيافة وغيره كملي ماينقصك منها
وخلي لك كل شهر من راتبك للتوفير
يعني في النهاية ما وفرتوه لكم معا اما بيت او سيارة او عقار
ما دامه ما يلعب بذيله وما يستغلك فالامر عادي