السلام عليكم انا عضو جديد معكم ويشرفني اشارككم في هذا المنتدى الرائع
بسم الله الرحمن الرحيم
قصتي باختصار .. من سن الطفوله كنت أخجل من شيء أسمه أنثى حتى بلغت سن الرشد وأنا على هذا الحال وأذكر أنني أحببت بنت عمتي من بعيد وأحتفظت في هذا الحب في قلبي ولم أستطع البوح به من شدة خجلي من النساء لم أستطيع ذلك وكنت عايش قصة حب مع نفسي لا أعلم هل هي تبادلني بنفس الشعور المهم حاولت أن أتناسى حبي لها ونسيت ومرت فترة تخرجت من الثانوي ودخلت الكليه وأنا إلى الأن أخجل من من النظر إلى النساء أو محادثتهم على الهاتف أو حتى مباشرة وكانت علاقتي بقريباتي من عماتي وخالاتي رسمية جدا سلام وابتسامه فقط إلى أن جاء يوم كنت أجلس كثيرا على الانترنت أتابع الأفلام السينامائية الجديدة وأبحث لها عن ترجمات واتصفح بعض المنتديات هذا هو كان كل ما أفعله حياتي روتينية لا جديد وفي وقتها كان أحد المقربين لي جالس معي وهو على علاقة بفتاة يكلمها بالجوال وكانت تسولف له عن قريباتها واجتماعهم كل نهاية اسبوع وسوالف البنات وكلمته عن وحده قالت له وش رايك لو خليتها تكلم فلان (أنـا) مدري ليش لكن هذا اللي صار حسبي الله ونعم الوكيل فجاء وفتح معي الموضوع لو عرفتك على صديقة فلانه اللي أكلمها أنا كعادتي رفضت من باب أني أخجل من هالشيء ولا تعودت أني أكلم بنت ما اعرفها وتربيت على انه هالشي حرام واني ما ارضى على اهلي لكن الله يهديه أغراني وقتها وانا الغلطان وقام يفتح الموضوع أكثر من مره إلى أن اقتنعت وقلت طيب نشوف وش أخرتها ومر كم يوم جالس ع النت الا أشوفه جاي معه الجوال يقولي فيه وحده تبي تكلمك أنا ارتبكت في البدايه وقلت لا بعدين وهو يحاول معي قلت اوك خلني أجرب ): وكلمتها سلمنا وتعرفنا على بعض بعدين قفلت وهذيك الفتره البنت اللي كلمتها ما كان عندها جوال هذا اللي خلاني ما تحمست للموضوع من بدايته وقلت مجرد تسليه أو تجربه وتعدي ما راح أتعلق وكانت تستغل الأيام اللي تجي عند قريبتها من اسبوع لأسبوع هذي اللي تكلم صاحبي وتكلمني بجوالها يعني تقريبا كل اسبوعين مره وأحيانا تطول الفتره وانا أتعرف عليها أكثر وأكثر لكن كانت مكالمتنا كلها سلام وسؤال عن الأخبار للحين محد صرح للثاني بشعور أو حب إلى أن جاء يوم كلمتني وبعد ما قفلت وقبل لاتروح بيتها أرسلت لي رساله تتغزل فيني وفي النهايه كلمة أحبك *_* أنا هنا ضاعت علومي وبداء الوسواس يلعب إنسان أول مره يكلم بنت ويسمع منها الغزل والكلام الحلو في وقت مراهقته ومن بنت غريبه عنه أكيد بيتأثر المهم حسيت أني بديت أشتاق وانتظر اليوم اللي تتصل فيه وشوي شوي صرحت لها بحبي واني ماعاد أقدر استغني عنها وهي بعد كان ردها انها تعلقت فيني أنا هنا بديت أفكر جد بالموضوع وأفكر وش نهاية هالعلاقه لين متى بكلمها كذا وصارحتها بهالشي وقلتلها لو تقدمت لك توافقين؟ طبعا في البدايه انحرجت ويمكن انصدمت من تفكيري اني على طول فركت بزواج وهي ماجا على بالها كانت ماخذه الموضوع تسليه! المهم ردّت علي (وليش ما اوافق أي بنت تتمانك) انا تحمست وبديت أخطط وأسعى أني أرتبط فيها بأي وسيله لكن كنت أدرس في الكلية وباقي على تخرجي سنه ونص تقريبا وبديت أحلم متى أتخرج وأشتغل ومن قوة الحماس كلمت أهلي بموضوع الزواج واني حاط بنت في بالي وأبيها وكان ردهم (تخرج وأشتغل وأبشر) بديت أفكر أني أشتغل وأنا توني أدرس بس عشان أرتبط في هالبنت وغير كذا ماكنت أبي أستمر في الحرام ودامني لقيت الانسانه اللي أحبها بتزوجها هذا كان تفكيري وهمّي لكن هي كانت ماخذه الموضوع تسليه وتحسب أني حالي حال أغلب الشباب اللي يوعدون بالزواج ويوهمون البنات ! استمرت علاقتنا سنه وما بقى على تخرجي الا القليل وجاء اليوم اللي اهلها درو انها تكلمني من وراهم وصارت مشكله وكلمني اخوها الكبير وصراحه انسان محترم تكلم معي وقال اذا تبي البنت تعال من الباب وهذا الشي حمسني اكثر وقلتلها اوعدك اني اجي واثبت لك حسن نيتي فتحت الموضوع مع أهلي مره ثانيه وقلت لهم أقل شي أخطوبها لي رسمي عشان اتطمن وارتاح من التفكير واثبت للناس اني مابي العب على بنتهم انا غلطت اني كلمتها لكن بصلح غلطي وبعد محاولات كثيره وافقو يكلمون اهلها وفعلا والدتي كلمت والدتها وكان ردهم انه بيسألون عني ويردون لكن للأسف ماردو لا بالموافقه ولا بالرفض وكان عذرهم انه والدهم مسافر واذا جا بنكلمه ورجعت تكلمني البنت مره ثانيه وانا بديت اضغط عليها اسألها واعرف سبب التأخير في الرد موافقين ولا الله يستر علينا وعليك وعرفت منها انهم رفضوا لاني توني أدرس وهذا من حقهم بديت أفكر اني أبعد عنها وأجتهد لين اتخرج واشتغل واتقدم مره ثانيه لكن للأسف كانت ترجع وتكلمني وتضغط على تفكيري وانا أضعف قدامها طبعا هي كانت تتصل علي يعني انا اذا بغيتها مااقدر اوصل لها الا اذا هي اتصلت علي لان ماعندها جوال المهم مشت الأيام وجا يوم كان عندنا اجازه وهي كانت مسافره مع اهلها وهذي الفتره كنت الاحظ تغير في أسلوب البنت وانها ماقامت تسأل ولا تدق واذا اتصلت تكلمني بأسلوب غير يعني من دون نفس استغربت قلت أكيد في سبب حاولت أوصل للبنت اللي عرفتني عليها كلمتها وقلتلها انا احس انها متغيره اذا فيه شي تعرفينه قوليلي عشان ما اعلق نفسي ولا اعلقها معي انا حاس انه فيه سبب وسبب قوي بعد قالتلي بكل صراحه وبعد اصرار انه البنت على علاقه بواحد غيرك وانها تعرفه من قبلك وتحبه وانها تتسلى معك ومن اول ما كلمتك كانت نيتها كذا!!!!!! (*_*) الحين جايه تقوليلي هالكلام البنت هذي قاعد اخطط اتزوجها ومكلم أهلي عنها ومتعلق فيها طبعا جات الصدمه قويه ولا عرفت أتصرف وهل أصدق ولا انها تكذب علي قررت اني اكلم البنت اللي احبها و اواجهها المهم كلمتها أول ماقلتلها مين (فلان) ارتبكت وقامت تقول كلام مو مفهوم بعدين قالت مين قالك عنه قلت يعني تعرفينه بعد شد وكلام قالت اعرفه من زمان من قبلك وقطعت علاقتي معه وقامت تحلف ومدري ايش قلت اوك الله يستر علينا وعليك وانسيني وانسي رقمي ولو سمحتي لا عاد تتصلين علي وقفلت وتقوم تشتغلني رسايل ليل ونهار واتصالات من ارقام ما اعرفها وتضغط علي وانا حالتي مايعلم بها الا الله ولا أبي أرد وفي نفس الوقت متعلق ومقهور اني أول مره أحس بالحب والانسانه اللي تمنيتها زوجه تسوي كذا معي وللحين مدري اصدقها ولا اصدق صاحبتها طبعا خلال هالسنه اللي عرفتها صارت أحداث كثيره تخلي الواحد يشك لكني كنت أحسن الظن وبعد هالسالفه بديت استرجع الاحداث وتذكرت أشياء أكدت لي انها على علاقه بهالشاب اللي قالت لي عنه قريبتها واذكر انه مره مدحت لي أسم هالشخص يوم سألتها شمعنى هالأسم قالت عادي بس يعجبني قلت أوك كلنا ننعجب بأسماء ونفضلها على غيرها والحين عرفت ليش كانت تقول كذا المهم مرت الايام وهي تحاول تتصل وترسل ماوقفت لين رديت عليها طبعا قامت تحلف وتقسم انها تحبني وانها ماتبي غيري وان وان وانها أنهت علاقتها بهالشخص أول ماعرفتني مدري ليش كانت تسوي معي كذا مع انها ماتبيني أنا هنا ضعفت وللأسف صدقتها ورجعت العلاقه بيننا ومازلت متعلق فيها وأبي اتزوجها واستمرينا وطبعا العلاقه ماتخلى من المشاكل وصارت أحداث ثانيه وكشفت انها تكلم غيري وقررت اني أبعد وكالعاده ترجع وتحلف وتترجى وانا أسامح للأسف مدري غباء أو ضعف مدري ليش واستمرت علاقتنا لمدة تقريبا 4 سنوات واحنا على هالحال تغلط وتتوب وانا اسامح أو تحلف لي بالله وانا أصدق لييييين جا اليوم اللي خلاص وصلت معي لحد اني ماعاد اتقبل منها أي شي وقررت اني انفصل عنها وكل واحد صار ماعاد يبي الثاني لكن ما اخفيكم في قلبي للحين احس اني متعلق لكن لكل انسان عزة نفس ولا يرضى وغير كذا علاقتنا من البدايه محرمه لكن احنا بشر وغير معصومين عن الخطأ نسيتها فتره وتخرجت من الكليه واشتغلت شغله بسيطه لين القى لي وظيفه تساعدني على اني اكون نفسي واتزوج جلست تقريبا شهرين في هذي الوظيفه وطلعت وجلست عاطل فتره وهالفتره اصعب فتره مرّت علي ارتكبت أخطاء عشان اتناسى حبي لها وأشغل نفسي لكن بطريقه للأسف كانت خطأ وهي اني قمت أكلم أكثر من بنت وأتسلى معهم وعايش حياتي ): لين الحمدلله الله وفقني ولقيت وظيفه مناسبه وقررت اني اتوب وأفكر ادور لي على عروس وأعف نفسي كانت بداية وظيفتي تدريب لفرته معينه في منطقه غير المنطقه اللي أعيش فيها مع أهلي وكانت أول مره أبعد عن أهلي فيها فتره طويله قبل لا اسافر بـ شهر تقريبا رجعت أفكر في البنت اللي أحبها وكان تفكيري وحده اعرفها واعرف طبعها أحسن من وحده ما اعرف عنها شي وقررت اني أكلمها وكنت جاد بالموضوع بما اني اشتغلت وأفاتحها بموضوع الزواج وقلت لها لا تريدن علي الحين فكري لين قبل لا اسافر وعطيني ردك قالت طيب خليتها هالشهر تفكر وانا بعد أفكر اللي سويته صح ولا خطأ يوم قربت سفرتي رجعت كلمتها وذكرتها بالموضوع والبنت مالها نيه ترد أصريت عليها قالت لي طيب برسل لك ردي في رساله قفلت دقايق وجاتني الرساله اختصارها انه احنا مانصلح نتزوج بعض والله يوفقك مع وحده غيري رديت عليها برساله الله يوفقك ويسعدك واوعدك اني ما عاد اكلمك ولا أرسل لك شي والحين بمسح رقمك ورسايلك وانهيت كل شي,,,, سافرت وبدت تتغير حياتي تعرفت على شباب طيبين وعشنا مع بعض في سكن واحد وبدا يتفتح تفكيري وبديت أميز الأشياء أكثر والحمدلله تحسنت كثير وتغيرت وكان لي واحد من هالشباب مقرّب مني اكثر من غيره ودايم افضفض له خلال هالفتره وانا مسافر صارت لي ظروف صعبه عند أهلي كنت أعيش يومي وانا حاط يدي على قلبي كانت جدتي مريضه الله يكفيكم الشرّ بالمرض الخبيث ): وجلست فتره تقريبا شهر ونص وهي بالمستشفى تتعالج بالكيماويات بعدين جاني خبر من أهلي انها توفت الله يرحمها على طول سافرت لهم وانا قلبي مكسور وحزين جلست أيام العزى بعدين رجعت مره ثانيه للمنطقه اللي اتدرب فيها وانا ما ودي أرجع وابعد عن اهلي في هالظروف لكن لولا الله ثم هم كانو يصبروني ويشجعوني أكمل رجعت وكنت طول الوقت على اتصال فيهم لين مر تقريبا شهرين وصلني خبر انه عمتي اللي أكثر وحده أحببها واعزها وانا كنت مثل ولدها لانه هي ماعندها عيال ومن يوم اني صغير متربي على يدينها وصلني انها تعبت ودخلوها المستشفى في العنايه وحالتها خطيره ): طبعا هنا اندمرت نفسيتي ولا عرفت وش اسوي وطول الوقت تفكير واهلي كانو على اتصال معي ويصبروني ويطمنوني جلست اسبوع أو اسبوعين تقريبا وجاتني رساله وانا نايم من احد أصدقائي يعزيني في عمتي ): الله يرحمها ويغفر لها.
رجعت لأهلي مكسور وحزين وكلي هموم جلست معهم اسبوع ورجعت مره ثانيه أكمل تدريبي تغير حالي ونفسيتي صارت لا تطاق حتى اصدقائي اللي كانو معي تضايقو من هالشي لين صديقي المقرب مني صارحني بهالشي وقالي انت متغير وصاير تعصب وتزعل بسرعه حسيت بكلامه وحاولت ارجع مثل اول اللي يضحك ويمزح طول الوقت والحمدلله قدرت اتغلب على الهموم بوجودهم معي مرت فتره وما بقى شي واخلص تدريبي وارجع كان باقيلي حوالي شهرين تفاجأت باتصالات متكرره من البنت اللي كنت احبها بعد فترة انقطاع علامات تعجب واستفهام في البدايه طنشت ومارديت لين شفتها ما يأست قلت أكيد فيه شي ضروري ومهم تبيني فيه رديت عليها سملت وقالت غريبه ليش ماتبي ترد علي!!!!! انا هنا أبي أقهرها واحسسها اني موب ميت عليها مثل أول وابيها تطلعني من راسها خلاص قلتلها مشغول مع حبايبي قالت ماشاء الله حبيت قلتلها ايه وكنت اكلم حبيبتي قبل شوي بعد وان شاء الله على وجه زواج هي انقهرت وقامت تسأل عن اسمها ومن وين عرفتها ماعطيتها رد وقالت بالتوفيق بس كنت متصله عليك اقولك اني أبي أرجع لك ونفتح صفحه جديده!!!!! قلتلها تأخرتي خلاص ماعاد يفيد هالكلام قالت بالتوفيق وقفلنا... لكن ما اخفيكم انها فتحت جروح قديمه كنت متناسيها ومخطط لحياة جديده بعيد عنها وكنت مكلم أهلي يشوفون لي عروس لين أرجع وأتزوج لكن اتصالها هذا غير فيني أشياء): ضعفت ورجعت أفكر فيها وأقول ليش ما اعطيها فرصه ثانيه وانسى الماضي دام نيتي زواج وادم انها هي الحين اللي كلمتني وتبيني يمكن اذا جات تتغير وانا أغيرها على يدي المهم حاولت اتصل عليها وابين لها اني كذبت عليها بس عشان اقهرها واني ماقدرت احب غيرها): ماترد وارسلت لها برضو مارضت ترد قلت بسلامتها شكيت لأقرب الناس لي وقالي هذي مايصلح انك ترتبط فيها وفكر بالعقل ونصحني كثير لكن المشكله القلب ماتقدر تتحكم فيه وهي مدري شقول حسبي الله أو الله يسامحها ماخلتني في حالي جلست شهر انقطعت عنها وبعدها تفاجأت باتصالات منها (لا حول ولا قوة إلا بالله ما تيأس) ما رديت عليها إلا أن أرسلت لي رساله مضمونها( ابيك ضروري رد) يوم كلمتها قالت لي اذا كنت للحين تفكر انك ترتبط فيني انا موافقه انا فرحت لكن مابينت لها رديت عليها(عطيني فرصه أفكر واستخير وأرد لك) فكرت كثير واستخرت وكنت أسأل أهلي لقيتو لي بنت أتزوجها قالو اذا رجعت يصير خير وكانو للحين متأثرين من وفاة عمتي الله يرحمها ما ينلامون قلت أجل مالي إلا هالبنت كنت أعمى القلب للأسف رديت عليها بعد 3 أيام أن انتظريني لين أرجع لأهلي وأفتح معهم الموضوع وان شاء الله بنكلمكم قالت طيب وصارت تتواصل معي اتصالات ورسايل لين رجعت وبدأ الضغط المستمر متى بتكلم أهلك ومتى ومتى وأنا كنت راجع متحمس ع الزواج وصراحه أبي أعف نفسي عن الحرام كلمتهم في البدايه تعذرو لي بالظروف اللي صارت لنا وان لو اصبر عليهم فتره لين تتحسن نفسيتهم قلت طيب صبرت شهر ورجت فتحت معهم الموضوع وبديت أحن وأزن لين قالو توكل على الله خلاص كلمهم وخذ منهم موعد كلمت أخوها ورد علي انهم موافقين وينتظرون أهلي يزورونهم في أي وقت كلمت أهلي وحددنا موعد وزاروهم وتمت الخطبه بشكل رسمي وبعدها بأسبوع ملّكنا والحمدلله تيسرت الأمور حسيت ان الدنيا ضحكت لي واني أسعد انسان وقررت اني انسى الماضي كله وأفتح صفحه جديده مع زوجتي دام انها تبيني وتابت وندمت من كل شي سوته فترة الملكه لاحظت انها متغيره واسلوبها صاير ماله داعي ومو متقبلتني حتى كلام حب ماتقول لي صارحتها وقلتلها قبل الزواج ماكنتي كذا والحين انا زوجك على سنة الله ورسوله وش اللي خلاك تتغيرين قالت كل اللي تبيه بيصير بعد الزواج مع اني ماطلبت منها شي حتى الأشياء اللي بين الأزواج ماطلبته كل اللي طلبته انها تهتم وتسأل عني وتقولي كلام حب مثل ماكانت تقوله لي قبل الزواج أول قالت انتظر لين بعد العرس قلت طيب يصير خير وبداء الشك يدخل في قلبي انها رجعت تسوي حركاتها يوم ضمنت اني بتزوجها وكلمت اخوها الكبير وكان رده انه يمكن الحين ما تعودت ومستحيه ونفسيتها تعبانه عشان العرس وتجهيزاته قلنا اوك نشوف وش أخرتها وفترة الملكه كانت كلها مشاكل مافيها يوم حلو لين جا موعد العرس واحنا متزاعلين بسببها وبسبب نفسيتها معي طلعنا من العرس على الفندق بدينا نسولف ورجعت المياه لمجاريها ونسيت انا كل شي وقلت خلاص اللي فات مات حتى فترة الملكه ماراح افكر فيها لكن لاحظت عليها اشياء غريبه أولها أن جوالها ولاب توبها تقفلهم برمز سري قلت في نفسي تونا متزوجين ويمكن عندها خصوصيات لاتخلي الشك يسيطر على قلبك من اولها مشيت الموضوع طبعا الجوال كان بلاك بيري ولاحظت انها طول الوقت ماسكته وتسولف فيه وقلت مشي ياولد احنا في شهر عسل واذا كلمنا شهر بكلمها بالموضوع واسحبه منها سافرنا وتفاجأت انها مو مبسوطه وودها ترجع مع انسي وديتها دوله هي اختارتها وكانت تتمنى تروحها وغير كذا ماقصرت عليها بش ولا امداني اقصر حتى لكن للحين مدري وش السر سألتها قالت يمكن لأني أول مره أسافر بدون أهلي قلت طيب رجعنا ورجعت أداوم وهي عندها جامعه لكن مسائي لاحظت عليها اني اذا نمت في الليل عشان الدوام هي تطلع تجلس في الصاله وتروح تفتح لاب توبها وتجلس على النت لين اصحى للدوام هي تدخل الغرفه تنام على طول قلتلها ان الموضوع مضايقني ولا ابيك تسهرين على النت قالت طيب ان شاء الله بس بحاول انام بدري لاني متعوده اسهر وارجع من الدوام تكون هي راحت الجامعه وعلى هالحال استمر شهر لين جا يوم كانت معزومه عند اهلها وديتها ورجعت البيت دخلت الغرفه وحصلت لاب توبها مفتوح وبدون رقم سري ناسيته انا جاني فضول قلت بشوف ليش لهالدرجه خايفه وماتبيني افتحه الا وهي موجوده وجات الصدمه الكبيره اني لقيت ملف على سطح المكتب مخفي وفيه صور لـ صديق أخوها المقرّب واخته صديقتها برضو ومقرّبه منها واسماء الصور كانت حبيبي وروحي وقلبي كلها كذا !!!! اندهشت وتضايقت تونا أول شهر ماكملناه ): جات من العزيمه ولاحظت علي متضايق ومكتم سألتني شفيك وانا في داخلي مقهور لكن قاعد أفكر معقوله يكون اللي شفته صدق تونا متزوجين والبنت هي اللي رجعت لي وكانت تبيني جلست فتره يومين ثلاث بعدين اخذتها بالسياره وفتحت الموضوع معها ردت فعلها أنكرت بكل برود وقالت أن اخته أرسلت لي الصور عشان أصممها بالفوتوشوب وهي فعلا كانت تصمم فوتوشوب لكن مو هذي الصور انا ماصدقت قلت طيب وحبيبي وعمري وروحي هذي ليش قالت هي جايتني كذا قلت طيب انا الحين ماراح اصدقك الا اذا حلفتي لي عالمصحف انه مابينك وبين هالشخص شي وانه الصور جايتك من اخته عشان تصممين زي ماقلتي قالت مستعده احلف عالمصحف جبت المصحف وحلفت قدامي *_* قلت الحين الشي صار بينك وبين ربك انا طلعت منها طالما انك حلفتي عالمصحف انا مجبور أصدقك ومشيت الموضوع وللحين الشك في قلبي وكانت تستخدم حبوب منع الحمل وقتها وانا كنت متفق معها ان على الأقل نكمل سنه بعدين نفكر بالحمل لكن قدّر الله ما شاء فعل وحملت في الشهر الثاني وجا يوم من الأيام وسبحان الله عشان تعرفون ان حبل الكذب قصير كانت تبيني اركب لها برنامج على لاب توبها قلتلها اوك اذا فضيت بسويه لك كانت اجازة نهاية الاسبوع وديتها عند اهلها ورجعت فتحت اللاب توب وركبت البرنامج وشفت ايميلها محفوظ تقدر تفتحه تلقائي جاني الفضول أفتحه وفتح معي ماحصلت شي الا صديقاتها وقريباتها لكن استغربت فيه ايميل فيه نفس صورة العرض والبروسنال اللي حاطتها في ايميلها هذا قلت خليني اجرب افتحه وفعلا نسخت الايميل وحطيت رقم سري يخصها المهم اني حزرت وسبحان الله طلع صحيح وهنا المصيبه والكارثه طلع ايميل خاص كلّه شباب مافيه ولا بنت ومنهم ايميل نفس الشخص اللي حصلت صوره على اللاب توب من قبل!!!!!!!!!! قعدت انتظرها لين ترجع كانت تدق علي اجي اخذها ماكنت أرد جات مع أخوها أول مادخلت الغرفه لقتني واقف وجمبي اللاب توب مفتوح والايميل مفتوح ودخلت ع الرسايل لقيت مصايب الله يستر علينا وعليها واجهتها على طول وكالعاده نكرت في البدايه لكن هالمره لاااااا كل شي واضح وصريح أصريت وقسيت عليها وخليتها تتكلم واعترفت لكن اللي نكرته علاقتها بأخو صديقتها اللي شفت صوره!!!! وتقول مابيني وبينه شي ومصرّه مع اني شفت رساله لها بتاريخ ثاني يوم من زواجنا مرسلتها على جواله كلام حب وغزل!!!!!!!!!! اااااااااااخ حسبي الله ونعم الوكيل وديتها بيت أهلها ورجعت أفكر أكلم أهلها واقولهم كل شي ولا أستر عليها وكانت في بداية الحمل لكن من غبائي وطيبتي الزايده ماطرى على بالي أخليها تسقط وهي توها ماكلمت الشهر الثاني رجعتها بعد يومين بشروط كثيره منعتها من كل شي وقالت موافقه ولا قلت لأحد شي قلت بشوف وش أقدر أسوي الموضوع فيه خيانه وشرف وموب سهله انك تقول لأهلها شفت كذا وكذا خليتها كم يوم ماقدرت استحملها وقررت اني أقول لأخوها الكبير كلمته وطلعت معه وقلتله عن كل شي وحطيته بالصوره وتوقعت انه اقل شي بيتصرف مع صديقه اللي وثق فيه ودخله بيته لكن نصحني وقال انه بينكم طفل الحين ولازم تفكرون فيه وتوكم متزوجين وبين لي انه مقهور على اخته ووده لو بيده يذبحها بعد ما وريته كل شي بعينه قالي ماتنلام على أي شي تسويه لكنه كان ينصحني اني ما اتركها واحاول اصلح الامور واستخير وبدون فضايح ما ألومه أخته لكن انا وش ذنبي وليه اتحمل كل هذا وليه اسكت وليه بعد كل اللي سويته عشانها وعشان ارتبط فيها تسوي معي كذا طبعا ما انصفني ولا برد حرتي اللي فيني قلت طيب انا بعرف اتصرف فكرت اني اطلق من ثاني شهر زواج): لكن قاعد ادور أي عذر أقوله لأهلي اللي تعبتهم معي واللي ماقصرو وسوو الكثير عشان يزوجوني هالبنت واللي يوم تزوجت حتى ماكنت أمل شي اتزوج فيه ومن اول شهر من داومت ملكولي وساعدوني واستخرت وفكرت ووديتها بيت أهلها فتره وكانت تبي ترجع وكان أخوها يضغط علي حطيت عليها شروط مره ثانيه أمنعها من كل شي لاب توب وجوال وصديقات وافقت ورجعتها لكن قلت مو معناه اني رضيت انا للحين أفكر كيف أنهي الموضوع بدون فضايح بصبر لين تولد واطلق في هالفتره هي ندمت وتابت وقطعت كل شي لاب توب وجوال وبدت تهتم وتتغير لكن بعد ايش انا مات احساسي تجاهها وكرهتها ومن يومها كلمه حلوه ما شافت مني وصارت تحاول ترضيني بأي وسيله تجيب لي الهدايا وووو تسوي أشياء لو سوتها قبل كان الحين انا اسعد انسان لكن الحين ماعاد تهتز فيني شعره غير اني أبي أستر وأفكر بالطفل اللي في بطنها ماله أي ذنب وبصراحه خلاص عفتها ولا أقدر أعيش معها لكن قلت بخليها لين تولد وأطلق وأعيش حياتي وأدور على إنسانه تعزّني وتشرفني وترفع راسي إنسانه أفتخر فيها أحس بالأمان معها أحس اني متزوج ما أفكر بالحرام أنسانه تصونني وتحفظ كرامتي وهذا من أبسط حقوقي خذت درس قاسي ماانساه والحين هي عند اهلها وهم يحاولون اني ارجعها عندي لكن انا قلت لهم ماعاد اتحمل اكثر من كذا ورجاء لاعاد تحاولون هذي القصه باختصار يمكن فيه اشياء نسيت اذكرها وفيه اشياء ماحبيت اذكرها لكن أبي كل واحد نفسه مكاني ويقولي وش رايه ولو انه مكاني ووصل انه تزوج هالبنت وش راح يسوي يوم اكتشف كل شي؟.

انا غلطان اني تعاملت بالطيب والتسامح لكن الشكوى لله هذا اللي تربيت عليه لكن اخذت جزاي وزياده

اخي الكريم
قصتك طويلة و مفصلة جدا اخدت معي حالي ٢٠ دقيقة حتى انتهيت منها
كان ممكن ايجازها ليتسنى للاخوة و الاخوات قراءتها كلهاو الرد عليها

عندي عطل فني بلوحة المفايح /ساعود للرد و التعليق لاحقا



نقل لمكانه الانسب/ قسم المتزوجين

__________________
.
.

استودعتك أهلي في سوريا يا من لا تضيع ودائعه

قالَ رَسُولُ اللهِ: (عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ليسَ ذلكَ لأَحَدٍ إلا للمُؤْمنِ إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ) رواهُ مُسْلِمٌ .
لي عودة بادن الله

__________________

أسف على الإطاله لكن ذكرتها ليكون الحكم بدقه انا قراري الحين الطلاق واهلها وأهلي رأيهم انها تابت ويبون اسامحها مع العلم ان تفاصيل ذكرتها هنا ماقلتها لهم انا أبي الموضوع ينتهي بكل ستر

شاكر لك ردك ومروك ونعم بالله

اخي الكريم
انت رجل وعليك تحمل تبعات اختيارك وقراراتك وووو والان انت اب!!!
قبل ما تتزوجها انت على علم انها على علاقة مع شباب، ورضيت!
قبل ما تتزوجها وانت بتعرف عنها انها بنت حركات، وكمان رضيت!
هلا وبعد ما أصريت وتزوجتها ورح يجيك منها ولد بتقول ماعاد اتحمل؟؟!!!
شو اختلف يعني؟؟؟
انها تزوجت وخلص ؟!!! .... انا من وجهة نطري " من شب على شئ شاب عليه"
لا اقصد بكلامي انك تطلقها وانها ما رح تتوب وانها كاذبه!!
انا قصدي انه الموضوع كان واضح معك وضوح الشمس من البداية، بس انت مابدك تشوف
فعليك الان ان تتحمل نتيجة اختياراتك وقراراتك وبالأخص قرار الزواج منها..
عليك ان تحاول الاصلاح اكثر مما تقول خلاص ماعدت اطيقها!!!!
عليك التفكير بجدية وبطريقة فعلية بكيفية قطع اي علاقة ممكنه لها، على الاقل بهذه الفترة
وارجاعها الى بيتها ومحاوله اصلاح ما تم افساده..

وبالنسبة لسؤالك عنوان الموضوع، هل أستحق الخيانة؟
فجوابي: انا ارى ان ماتسميه الخيانه ماهو الا نتيجة متوقعة لاختيارك..

سامحني اخي ان ضايقتك او اسات لك،،
لكني اتمنى لكما بصدق ان تستمرا بحياتكما وتحسنا تربية طفلكما
انسوا مامضى وعيشوا المستقبل، واسعوا لان يكون المستقبل أفضل..

دمتم بحفظ الرحمن،،،

لا تعليق..

الخيانه طعمها مر..

خاصه اذا اتت بها الزوجة..

اعانك الله وفرج همك والهمك فعل الصواب..

طالما انها وافقت على كل طلباتك فهي صادقه وتحبك

لذلك شامحها ولكن بترقب وحذر ولا تتركها فهي اولا ام لطفلك التي تحمله باحشائها

وابعد عنها كل شي لا انترنيت ولا غيرو

اخي الكريم
تعاطفت كثيرا مع موضوعك فأنا أدرك تماما معاناتك الشديدة
التي اضطرتك إلى التصريح بأسرارك التي كنت تفضل على الدوام الاحتفاظ بها لنفسك
ان الامل موجود وله ضوء يلوح في الافق سندركه يوما ما ..
ارى ان لا تتعجل في موضوع الطلاق
وخصوصا انه يوجد طفل بينكما
سامحها لوجه الله تعالى
وتدكر ان كل ابن ادم خطاء

لله يستـر عليك وعلى زوجتك أن شاء الله ..

واحمد ربك أنها عادت للصواب .. وانسى مافات ..

وابني ثقتك بها من جديد .. واكثر من الاستغفار .. وامنحها الحب والعاطفة لكي لاتلجأ لأحد غيرك يشبع رغباتها العاطفيه والجنسية ..

اجلسوا جلسة مصارحه .. ولاتهابوا شيء أو تتحرجون من شيء ..

وتعاتبوا فالعتب صــــــــــابـــون القلوب ..

امسح من عقلك زلاتها .. واغفر لها .. احتويها..حسسها بالامان

فهي أم لطفلك ..
تعوذ من الشيطان .. و راقبها بحب وحنان..

حاول أن تلغي الانترنت من البيت لفتره ..

وتدكر ان الله يقبل التوبه عن عباده ويعفو عن السيئات

__________________

وازيدك

هذا من وسوسة الشيطان يريد أن يفرق بينكما فلا تسمع له

وكل ماحسست بهالنار قل (( حسبي الله الذي لااله الا هو عليه توكلت وهو رب العرش العظيم ))

كررها بدون حصر أو عدد .. ستجد نفسك تفكـر بشيء آخر تماماً ..
تدكر


تدكر


تدكر
قوله عز من قائل

وَإِنِّي لَغَفَّارٌ لِمَنْ تَابَ وَآمَـنَ وَعَمِلَ صَالِحًا ثُمَّ اهْتَدَى

وهو الاله العظيم .. كيف بنا لانغفر ذنوب بعضنا ونحن ضعفاء ولسنا معصومون من الخطأ

__________________