انا وحدة لي اكثر من 8 سنوات متزوجة ومازلت اعاني من طلب المصروف ... مو عشانه بخيل لا والله حرام اظلمه بس انا معقدة شوي احس اني اشحذ منه وانها اهانة لكرامتي ........عشان كذا اقترحت عليه يفتح لي حساب عشان ارتاح من المواجهة معاه بس برضه ما فيه فايده ما ينزل اوتوماتيك المصروف يعني لازم اطامر وراه عشان يحول لي مع اني اتحاشى المواجهه المباشره في طلب الفلوس والغالب اني اتبع مسجات الجوال عشان اذكره........... ياناس انا طبيعيه والا لا انا عارفه انه زوجي ومن واجبه انه يصرف علي وعلى اولادي بس احس انه ذل والله.......ما اقول الا الله يشفيني والا يوظفني قولوا اااااااااااااااااامين

يااختي الكريمه انتي طبيعيه ومافيكي شي والمشكله ومافيها انك خجوله والظاهر لمن كنتي ببيت اهلك تجيك الفلوس لين عندك مايحتاج تطالبين مثلي يعني..... ونصيحتي لك خللي له موعد رسمي عند بدايه استلامه للراتب تتفقي معاه على مبلغ معين يعطيكي اياه ونبهيه وقوليله يافلان خللك متذكر مايحتاج اذكرك ....او اكتبي تنبيه على مراية الغرفه النوم .

__________________
عمـــيت عينا لاتجعلك عليـــها رقيبا

تقريبا أنا أعاني مثلك في هذي المشكله بس صابره على أمل إني أتوظف وشكل مافي أمل حتى بالوظيفه أقول أدعيلي وأدعيلك،،،،،، والله يعينا

حبيت اقول ان المقصود من جملة>مثلي يعني> ..اني ماكنت اطالب ابدا اهلي بفلوس وبصراحه احسها كبيره اوقف عند امي واطالبها .....بس حبيت اقول هالكلمتين

اختك نرجـــــس

__________________
عمـــيت عينا لاتجعلك عليـــها رقيبا

عزيزتي نرجس مشكوووووورة على المرور......... كلامك بعضه صح وبعضه مو صح انا فعلا خجوله بس الفلوس ماكانت تجيني وانا عند اهلي بس لما اطلب من امي غير لما اطلب من زوجي
ودمتي يالغاليه

عزيزتي تومي انا وانتي مرضى بمرض العصر اللي هو البطاله وعلى قولتك ندعي لبعضنا احسن من كل وحدة تدعي لنفسها على الاقل نصير موعودين بالاجابه ولو بعد حين
ودمتي

من جد هذي مشكلة العصر

مهما كان الرجال منعم عليه ربي الا ما تحس الوحدة انها تطر

يالله يابنات كل وحدة تدعي لنفسها انها تتوظف تدعي لكل بنات المنتدى اللي ودهم يتوظفون

<<<< ودها تتوظف بقوة

مليت من الجلسة في البيت وحلو ان الوحدة تعز نفسها وماأحد يحاسبها غير الله

عادي حبيبتي هذي مو مشكلتك لحالك

كلنا في الهوا سوا

حبيبتي ...


أنت خجوله زايده عن اللازم .....!!


والله لو أنا من بدالك ... بقوله بطريقه مزح .. وأكيد بيحس على دمه ...


وبعدين ليه زوجك مافكر أنه دايركت يتحول المبلغ الفلااااني من راتبه كل شهر على رقم حسابك .. بكذا انتي بترتاحين وهو كمان ..


فاتحيه في موضوع التحويل الشهري ... وإن شاءالله مايصير إلا كل خير ..


تحياتي ياحبي

ليش تحسين انه طراهره وتدورين عليه

الموضوع جدا عادي

اذا نقصك شي اطلبي منه بالعربي الفصيح

وعاده اللي اعرفه لن اغلب الرجال اذا استلموا راتبهم

اعطوا حريمهم باللي يقدرون عليه كل واحد حسب قدرته الماديه

او يحولها دايركت على حسابها

ويمكن زوجك ينسى بس يبغاله تذكير

عادي ذكريه ولا تفاحين على نفسك باب للهم وانتي بغنى عنه

__________________
اللهم ألبسني العافية حتى تهنّيني بالمعيشة ,وتختم لي

بالمغفرة حتى لا تضرني بالذنوب, واكفني كل هول دون الجنة

حتى تبلغنيها,برحمتك ياارحم الراحمين

اللهم أعطني من الدنيا ما تقيني بها من فتنتها,وتغنيني بها عن ا

أهلها, ويكون بلاغا لي إلى ما هو خير منها, فانه لأحول

ولا قوه إلا بك,,,,

__________________