اعتقد بان اغلبكم على علم بتذبذب علاقتي مع زوجي ورغبتي في الطلاق منه بعد سنة

ونصف من الزواج مع عدم رغبته .. المهم مع نصيحة امي بالصبر عليه عدت اليه وكنا في

حال جيد الى ان بدأت انا بتغيير معاملتي معه ( تعلمون بانه لا يعطيني حقوقي كزوجة) وبعد

ان رأيت منه برود حتى بالمشاعر..أتخذت معه أسلوب (مابيك .. طلقني) وأخذت اكرر

هالاسلوب من نظرات وحركات الى ان وصلت للتلفظ بها يوميا ..المهم كثر الدق يفك اللحام

تطلقنا مرتين خلال اسبوعين تخيلوا .. اول طلقة بعد رجوعنا من طلعة سينما وعشاء ..

طوال مدة الطريق الذي قضيناه في العودة كنت امني نفسي بليله رومانسيه و خصوصا بعد

هذه الطلعة الموفقه فقلت ان الله هداه وانه ضبط الموضوع للوصول الى ما يرضينا .. ولكن العكس

ما ان دخلنا حتى دخل المكتب وجلس فيه .. وانا انتهزت الفرصة لأعيد ترتيب نفسي .. وانتظرت

ولكنه لم ياتي .. ربما عرف بما يجول في خاطري .. او لمح البسمه في عيني وشعور الانتصار الذي

غمرني فأراد احباطي.. غالبت نفسي وتوجهت لمكتبه .. فلمحته جالس لا شي لديه .. وحين رآني

تشاغل بشي ما .. اشتطت غضبا ودرات بيننا مشاجرة وطلبت منه الطلاق فطلقني.. والله صدقا

استرحت بعد سماعي لهذه الكلمه وابتسمت في وجهه أخيرا .. و خرجت مسرعه من عنده لأرى

ابنه اخته تناديني طلبت منها الصعود الي وذهب الى غرفتي اجمع اغراضي دون ان اخبرها بالموضوع

وهو اتى بعد دقائق فرآني اضحك واسولف مع بنت اخته ..التفت اليه ببرود واخذ بالتحديق الى عيني

كانه يفتش عن دموع ولكني لم ابكي.. في حين اني نظرت اليه وكان مصدوما وغير مصدق ما يجري

حتى وقفته غير متزنه اشفقت عليه(وربي احبه)وبسرعه صرف بنت اخته وقالي وين قلت ماشية خلاص

مالي مكان .. يقول انتي جبرتيني .. استفزيتيني .. قلت له انت تدري اني ابي هالشي خلاص

الكلام ما منه فايده .. المهم جلس يراقبني اجمع اغراضي وهو ينتظر مني اي كلمة عشان يبرر وانا

ساكته لين وصلت لحمل لابتوبي قالي خليه .. قلت له ابيه (الجهاز كانت هديه منه) قلت له تعزه علي

وهو هديه منك المهم انا ادري انه مايبيني اروح قمت وانهد حيلي قلت له ما عزيتني وياك وحتى وانا

رايحه تذلني ..من شاف دموعي الا وجاني ومسك ايدي وقال كلام كثير المهم ارتحت وقلت اعين من الله

خير ويمكن هالتجربه تعلمه.. والا اسبوع ونتطلق مرة ثانية .. انا مو زعلانة من شي غير اني بس اعطيه

من عمري وقت عشان يتغير ويرجع نفس قبل حبيبي .. انا يصعب علي اشوف وين كنا ووين صرنا شي

مو طبيعي.. (لا كلمة حلوة .. لا حقوق زوجية .. لا اهتمام) ..

لا والقهر يوم اعرف انه يحبني يعني لو مايحبني كان شنو بسوي .. رحمتك يا رب ..

هالحين انا جالسه عنده ولا احد من هلي على علم بموضوع الطلاق ابد .. المشكلة انه مع علمه باني

مابيه مايحاول يصلح نفسه .. ومن اسبوع صارت بينا مشكلة كبيرة وانا غلطلانة وهي توصل للطلاق

و بصراحة السالفة فيها خياااانة ... بس بليز بلا تعليقات اللي فيني كافيني

بس هو ما يبي يطلقني ادري يحبني ..بس اتخذ له اسلوب يذبحني موووت .. والله مو قادرة هو صار

كله ساكت مايتكلم .. يدش يطلع بلا سلام ولا كلام .. ولا يناظر فيني يتصدد اكلمه ولا يرد واذا دقيت عليه

يقول ها وش تبين انا يكلمني جذي ..ولا يقعد معاي وكله مشغول..

وهو ابد مو طبعه يسوي جذي ..تعبت والله وابي ارد البيت بيت امي بس هله مسافرين وامه وصتني

على البيت والشغالة .. مادري عادي اترك البيت واذا جاو مايلاقوني .. يعني انا مفتشله والا ماصبرت على

هالهم .. يعني عادي اترك البيت واخليه لوحده مع الشغالة .. اهله بردون بعد 12 يوم .. مادري شسوي

ساعدوني افكر بمووت من التفكير .. ما اتحمل تصرفاته اكثر من جذي...