صبحكـــــــــــــــم اللــــــه بالخير والسعااااااااده . .


أيها الأفاضل . . موضوعي يسيط وان شاء الله ألقى له حل عندكم ؟؟

بصراحه علاقتي مع زوووجي الحمد لله تمام , ولكن المشكلة ع طووووول أشعر باحراج شديد من زوجي عند ايصاله أهلي دائما بسيارته أن جاوا عندي أو أن قابلتهم بأحدى المنتزهات أو الأسواق علما
أن أهلي لديهم أبناء ووالدتي الله يهديها ماتبغى تكلف ع أخواني في هذي الأموووور ونحن البنات المتزوجااااات الي نتحمل ودائما تصير معي وأنا ماأبغى استخسر في امي مشووووار لكن زوجي احسه
كأنه يقولي أنا غير مكلف ووالدتي ماعليها المهم توصل بيتها والله ياناس لاتفهموني غلط مو أني مافيه خير في أهلي لكن الرجل حااااااااسه أني ماليه وجهه معاااااه , وأحيااااااان أتهاووووش معاه بسبب هذا الموضوع ويقولي أخوانك ليه مافيهم خير في أمك , واخواني نايمين في العسل وامي ماتبغى أصلا تكلمهم وراااااافضه مررررره لما نقولها ولانكلمها تعرفون كيف صعب التعامل مع كبار السن
ماعندهم فكرة لو الدنيا تنحرق بس المهم نفسي

على فكررره أخواني لو أكلمهم من اليوم لبكره يومين يودون ويجيبون وعشره لأ , لأن أمي عودتهم على كدا وكمان كثرة خروج الوالده بشكل يومي كرهم في التوصيل وأثنين من أخواني متزوجين واحد نوعية زوجته مثل أمي كثيرة خروج وهو عايد يوديها من هوشتها وجنانها وقلة الراحه الي هو فيها والثاني مايبغى الحرمه كل يوم شايله عبايتها على راسها يعني مزجي

اعذروني على الأسلوب والأطاله . . والي مايبغى يرد لا يقولي الموضوع مايستاهل لأني والله عجزنا مع الوالده نفهمها وهي ماعليها من أحد وزوجي ماأبغاه يتضايق وينزعج داااايما لأن كرامتنا تهمني

وش الحل معاهم ؟؟والمسألة دايما تتكرر

عزيزتي مرور والله كانك تتكلمي عن وضعي بالضبط واخواني نفس الوضع بالضبط اكثر الخرجات انا ارجع امي لبيتها برغم بعده عن بيتي واخويا يكون في البيت يتفرج مباراة في البداية كنت احس زوجي ينحرج ومايدقق بس صراحة صار الموضوع يستفزني صرت احس زوجي زي السواق اجيب وارجع بس في الاخر صارت كثر المشاوير اللي حيكون فيها تلصيق ابطل الطلعة واتفاجا ان رجع اخويا وصلها او الوالد بس بصراحة احيانا احزن عليها واغض النظر حتى اني احزن زوجي عليها حرام مين حيوديها انت عارف اخواني كيف وبابا مشغول يقوم هو يحزن عليها ومايتكلم انت حاولي تتبعي نفس الطريقة في الاول والاخر واجبنا عليهم وحاولي انك لاتضجري امام زوجك علشان لايحط الكلام براسه خلي كل كلامك اسلوب ان حرام ماعندها احد يرجعها او ياخدها الله يسعدك معلش انا عارفة انه تعب عليك ومن هذا الكلام والله يعين

السلام عليكم


صحيح ان الرجل غير مكلف باهل الزوجة ولكن من باب احترام الرجل لزوجته ولام زوجته التي هي عمته ومحرم لها في نفس الوقت وتعتبر صلة رحم بكونه يقضي حاجتها من ايصالها وخدمتها............


فانا عن نفسي شخصيا كرجل ارى ان الزوج اذا خدم اهل زوجته وكان هناك تقدير للزوجة على هذه المواقف ارى انها تستاهل بغض النظر كان لها اولاد اولا .........انا اخدم ام زوجتي في ايصالها السوق وقضاء بعض حوائجها مع ان لديها اولاد مشغولين بامور تافهة مثل الكورة والتسكع ولكن هذا لايمنعني كون زوجتي تقدرني وتحترمني وارى انها تستاهل كل خير وارى فرحتها حين اخدم اهلها ................ولكن لايكن هذا بشكل يومي ينفر الزوج لان اكثر مايكرهه الرجال هو امتطاء السيارة في كل يوم والذهاب لايصال هذا وهذا وارى انك تحددين يوم معين وتخبرين امك بطريقة فنية ان زوجك يكون فاضي مثلا ايام الخميس والجمعة مع التنسيق مع زوجك ...............تحياتي

إذا أخوانك مافيهم خير لأمك خليك أنتي وزوجك خير لها..


ممكن تقولين لزوجك ياربييي أمي مررررررررة تحبك حتى ساعات أخواني يغيرون منك من كثر ما تتكلم فيك..


بين فترة وفتره جيبي حاجة لزوجك وقولي له هذا من أمي..>>> عاد انت فبركيها كويس يعني روحي مع أمك وسوي نفسك محتارة وخلي امك هي اللي تقرر عشان لو جى يشكرها إلا يكون عندها خبر..


يعني حببي زوجك بامك.. عشان يحس أنه واحد من العيلة وأنها تمون عليه أكثر من عيالها..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

الورد الجوري & صدق العطا & احلاهم واتحداكم

مشكورين ع الرد السريع والله يجعله بميزان حسناتكم ان شـــــــــاء الله

الورد الجوري أكيد حسيتي في تماما لأني مثل حالتك عزيزتي والحمدلله أكيد أننا نحاول نرضي الطرفين
وعملت بناصيحك وصرت ماأخرج احيانا أتقى لهذا الاحراج مع أنها أمي وهذا أقل خدمه لكن أنقهر لمن ماتبغى تكلف أخواني وأنحط أنا في الاحرج ولا كأنه شي ولمن أقول للوالده خلي اخواني ياأمي ليش كدا تعوديهم تقولي انت مافيك خير فيه وبغيضه يالطيف ومن هذا الكلام الي يعمي الواحد دايما يتكرر
وزوجي احزنه لكن احيانا احسه يقول ايش هذا الا بتلاء رغم انه ماقالها لسه ومستحيه مره منه من كثرت خروج أمي وترجيعها



صدق العطا ماشاالله عليك الله يخليك لأهلك , الرجال يختلفوا عن بعض وزي ماقلت أنه في حد للخرجااااات لكن أمي ماعندها تبغانا متى ماشوفنها ولا جات عندي يرجعها زوجي تعامل الكبار مافي شي اسمه كثرنا عليه والله واحيانا مثلا يوم الأربعاء تجيني ويوصلها ويوم الجمعة تقولي تعالي عندنا ويرجعنا أنا الين زوجي قالي كأنه واجب علي أوديكم حيكم وأجيبكم بمرح وانحرجت أنا مررره يعني أنا موناقصني هذا الكلام وليه دايما أكل على راسي وأنا في غنى عنه ّ!!!!!!
وبالنسبه لتحديدك الطلعات ماأقدر هي تجي بالتسهيل كدا آآآآآآآآآآآآم ياأمي ولاهي حااااااسه بي





احلاهم واتحداكم والله فعلا المفروض يكون الخير في وفيه بس تعرفي الرجال مايحبون التوصيل ومايبغون أحد يكلف عليهم لحد التطفيش والوالده ماعندها غير كدا وان قلنا للوالده مل الرجل قالت أنتوا مافيكم خير وكلام يزعلني في نفسي وابغى نفسيتي تتعب من موضوع تافه ويعرقل حياتي ونقعد على ودي وجيبي واخواني والله ماقول غير الله يهديهم الي مريحن روسهم واحنا المتزوجات رايحين فيها مع رجالنا والكرامه الحمد لله

وفكرتك للهدية حلوووووووه لو أمي ماتغاااارمنه , أنه أخذني منها وطبعا هو ماخذني برضاي ورضاها بس الغيره وعمايلها وش أسوي لتفكير أمي الله يهديها لكن أشوف أمي تغااااار منه وماتبين له

بصراحه احلاهم واتحداكم الوالده ماأفتكرفي يوم من الأيام جابت لأحد هدية الا الواجبات الي في المناسبات بمعنى ثاني ماتدلع أحد !!!! ولو أقولها أبدا مايمشي عليها الحاااااااال كأننا من العصر الجااااااهلي وطبعا احنا خلااااااااااص أتعودنا وأتأقلم على كدا من يوم كنت طفله الى الآن ومافي شي
يتغير قالوهااااااااااااا زحي جبل ولاتزحي طبيعه الله المستعااااااااااان

لو امك مالها احد في الدنيا كان قلت لها حق و هو برضه زوج بنتها و مثل ابنها و مالها احد غيره ..
بس امك ما شاء الله عندها ابوك و اخوانك هم الزم بها من غيرها , و المفروض انك تعودي اخوانك انهم هم من يودي امك و يجيبها , و اذا كانت امك تطلع قولي لها زوجي مو موجود خليها تجبر انها تروح مع احد اخوانك او مع والدك ..

انتي قلتيها بنفسك ان امك مشاوريها كثيرة و طفشت اخوانك و هم عيالها و والدك و هو زوجها و ملزم فيها فما بالك بزوجك الغير ملزم بامك !
يقول المثل اذا كان حبيب عسل لا تأكل كله ,, بقي شوي من العسل للمستقبل , و في النفس الوقت لا تبدي تذمرك من الوضع امام زوجك و حاول ان تفعلي ما ذكرته لك في الاعلى و لا داعي لان تخبري زوجك بذلك حتى لا يحس بثقل امك , كما انه سيحس بالنتائج فيما بعد

صقر الشرقية مشكور على الرد . . والدي الله يرحمه واخواني ماأدري وش الحل معاهم وصراحه أنا الآن احترت فعلا وأشوف الآراء مختلفه . . لكن بنتظر وأشوف الحل الصائب في الأخير

قولي لاخوانج يتحاططون كل واحد ميلغ ويجيبون سايق للوالده !!! وكل شهر راتبه على واحد منهم وب جذي ترتاحون وترتاح الوالده الله يخليها لكم...

__________________
اللهم احفظ لي زوجي وسخره لي واحفظ لي اولادي

أختي الكريمه ( مرور كرام ) .. حياكِ الله ..

كل إنسان لديه مشاكل ولا يمكن أن يُستهان بقضية تتعلق بشخص آخر لأنه يعتبرها هم عظيم

بينما عند الآخر لا تستحق الحديث عنها .. وهذا خطأ .. فكل الناس لديهم هموم ومشاكل.

عموماً من إحترام الزوجة وتقديرها أن يفعل الزوج تجاه والديها ما يخدمهم به ..

وهذا أيضاً راجع لأخلاق الزوج إن كان يتحمل فأهلاً وسهلاً ، أما إن كان يفعل ذلك حياءاً من

كِبار السن ، وإن جاء فرّغ غضبه وزعله عليهم بالزوجه فهنا الغلط..!!

عن نفسي أرى مايقوم به زوجكِ إن كانت المشاوير يوميه وتتكرر فأعتقد أن مايقوم به فوق

الواجب وبزيادة أيضاً ، وقد يحدث مستقبلاً أن تقع المشاكل إن كان يتضجر منها الآن كما

ذكرتي ، خاصة أن والدتكِ لديها أبناء هم المسؤلين عنها بالأول والأخير .. ويجب أن يعرفوا

ذلك جيداً .

ولو كانت دون أبناء فكان عمل يشكر عليه ..

الواجب : كما ذكرت الأخت ( ناني ) جلب سائق للعائلة يقوم بإيصال الأم وقضاء مشاويرها ..

الثاني : أن يفهم الأبناء دورهم جيداً ويتولوا هم الدور بدلاً من الزوج .

الثالث : ليت أحد يتحدث مع الوالدة عن كثرة خروجها بحيث تقلل إن كانت بغير حاجة ضرورية .

الرابع : من أجل الضغط على الأبناء في البداية وحين تطلب الوالدة من زوجكِ إيصالها أن يتحجج

بأي حجة كمشغول . الآن أو لدي عمل خاص .. أو أنا الآن في مكان بعيد .. تدريجياً ستبدأ الوالدة

في الضغط على الأبناء لقضاء حوائجها ..

وفقكِ الله .

__________________
كيف اقاوم الهم والألم. بالسجود راحة واطمئنان.

نهاية نوال..!