السلام عليكم ورحمة الله وبركاته

كيف الحال يا اخواني الكرام
وعساكم من عوادة العيد ان شاء الله

سؤالي اليوم عن الرجل الصامت

باختصار

تقدم لي رجل ومن السؤال عنه تبين انه من الرجال الصامتين الذي يقضي معظم يومه وهو صامت او في القراءة يعني محد يعرف شو يريد وبشو يفكر

سؤالي هو كيف استطيع التعامل مع هذا الرجل واجعله يتحدث لاني انا من النوع الاجتماعي وصعب اني اجلس مع شخص قليل الكلام خاصة ان المرأة بطبيعتها تحب انها تسمع الكلام الحلو من زوجها
انا بقول لكم وش ناوية اسوي وقولو لي هل صح ولا غلط

انا ناوية اشوف وش اهتماماته واهتم فيها واناقشه فيها
والحمدلله انه يحب القراءة وانا مثله يعني عندنا شي مشترك نسولف فيه لكن بعد الحياه مب كلها قراْة
وسمعت انه عنده رغبة يكمل دراسته العليا وهم بعد انا مثله يعني نتساعد ونشجع بعض

وناوية اني اطلع كل الخبال عليه بمعنى اني اسوي فيه مقالب وحركات تخليه يتكلم بس مقالب حلوة مو دفشة

لكن اللي اريده طريقة التعامل وياه كشخص غير هالسوالف

واذا في اي مواضيع في المنتدى تخص هذا الموضوع خبروني عنها بليز لاني صدق قلقة من هذا الموضوع



واشكر لكم تعاونكم


مريامي

اختي مريامي
الله يوفقك ويكتبلك الخيره
الرجال مو مثل بعض
يعني انا عندي زوجي متعبني مره بسبب صمته
وعلى قولتك إذا اتكلمتو بالشيء اللي يحبه ويهواه بينبسط ويتكلم معك فيه...لكن بيكتفي على المواضيع المشتركه
وارجع واقول الرجال مو مثل بعض
فيه رجال صامتين لكن يعجبون زوجاتهم....عندهم سواليف لكن من وراء الكوالي>>>>>وهذا النوع حلو
لكن أنتي استخيري في أمرك وأسألي أكثر عن شخصيته عشان مايجي يوم وتقولي ياليت..
وأهم شيء يكون انسان مستقيم عشان تحصلي السعاده معاه
واخيرا اتمنى لك التوفيق

أشكرك اختي الماسة على سرعة الرد على الموضوع

وان شاء الله اختي

والله يكتب اللي فيه الخير

اهلين عزيزتي...

اول شي ان شاء الله ربي يكتبلك اللي فيه الخير ..ولا تنسي الاستخاره ..

بعدين انتي يا حبيبتي لا زم تكون عندك الثقه في نفسك انك تقدري تتعاملي

مع دا النوع من الرجال ..يعني لازم يكون بالك طويل ...

وعلى شان ما تستعجلي فكري مظبوط ...ويمكن سبحان الله تقدري تغيريه

بشطارتك ..ويصير يتكلم اكتر منك ... ..

بعدين في نقطه مهمه انتبهي لحكاية العمر ..يعني اذا كان كبير مره امكن

تصعب عليكي المهمه ..والله يعينك يالغاليه ,,

وبالحب والتعاون والالفه كل شي ينحل ...

تقبلي تمنياتي لك بالتوفيق..

السلام ..

اتمنى لكم التوفيق ...

اولا الانسان الكتوم انسان رائع و وفي ...

و السر فب التميز امام هذا الانسان انك تكسبي ثقته بشل كبير ...

و بعد الحصول على ثقته كل الي في قلبه رح ينفجر و يبان و يتكلم ...

بس احذري من الممكن هذا الشي يدايقك و تكرهيه ...

خطوه خطوه و لا تستعجلي ان الله مع الصابرين

السلام

__________________

[blink]

(¯`·._.·[ Boodii ]·._.·´¯)

[/blink]

عزيزتي ..

الرجل الصامت ليس معناه انه اخرس

غالبا يتغير الرجل بعد الزواج .. و اكيد ان حدثته سيتحدث معك ...

لا تقلقي و لا تجعلي هذا الموضوع اكبر همك .. فهناك الكثير من المواقف ستحدث بينكم ستشغلك عن هذا الشي

لا تقلقي و توكلي على الله و ان شاء الله سيكون كما تريدين انت و سيتكلم اكثر منك و انت ستسكتينه

اتمنى لك التوفيق عزيزتي

مشكورة اختي دندونه

الحمدلله اختي الثقة موجودة لكن يظل مكان للخوف من الموضوع لكن عن طولة البال اختي فحدث ولا حرج ههههههههههههههههه عندي طوله بال الحمدلله لله بس ساعات اخاف افقد اعصابي من سكوته

وبالنسبة للعمر الفرق اللي بيني وبينه طبيعي كم سنه هو في منتصف الثلاثينات وانا 27 يعني العمر مناسب الحمدلله

الله يسلمك

تصدق اخوي ان كلامك ريحني شوي يوم تقول ان الانسان الصامت رائع ووفي

والله كلام يطمن

والله يكتب لي اللي فيه الخير ان شاء الله

ما قصرت اخوي

اشكرك اختي على كلامك الرائع

والله يجعل اللي فيه الخير ان شاء الله

الرجل الصامت يمكن أن يغير وضعية الضبط من جهاز الفكري فينقل من صامت إلى متكلم لبق ولكن بعض الرجال يستحي ويخجل خاصة اللي ليس له خبرات مع نساء وفتيات أخر يعني رجال محترم ولكن فن المرأة وكلامها معه هو اللي يجعل يغير وضعية الصمت لوضعية الثرثرة .

__________________