تشورن علي اطلق والا اصبر - منتدى عالم الأسرة والمجتمع

06-07-2011, 03:16 PM

دراما بنوراما

عضو متألق

تاريخ التسجيل: Jun 2011

المشاركات: 930

تشورن علي اطلق والا اصبر

عزيزتي يعلم الله اني احبك
زوجتي وآه من زوجتي لم اتجرأ ان اضربهاالا مرة واحده وكانها كانت تنتظر فعلي هذا حتى تخرج عيوبي للناس
ودي افضفض لكم والله تعبان نفسيا في غربتي... البارح لجأت لربي والحمد لله خف الهم شوي
سؤال محيرني معقول زوجتي من البدايه ما تبيني او أنا مو الشخص اللي تتمناه او كان في احد في بالها وجيت أنا عفست حياتها بزواجي منها

أمانه خلوني افضفض على راحتي ولا تتهجمون ترى والله اللي فيني كافيني

قصتي اني تزوجت واحوالي المادية شوي مو ذاك الزود ..كان عندي محل ماجرة بأربعه الاف
كنت دايم اوعد زوجتي اني بعوضها

بقيت عاطل سنه بدون وظيفة بس ما كنت اجلس كنت ادخل عمري في شغلات واطلع بمكسب بسيط عشان اشتري لها هديه تفرحها
مشت الايام جاني ابتعاث خارج المملكه لدراسه الماجستير ورحنا بريطانيا عشنا احلى سنه هناك وربي رزقنا ببنت هناك كنت مع زوجتي في غرفه الولاده اصبرها مادري يمكن الرجال بيشرهون علي بس حبي لها وغربتنا فوق كل شي كانت في ذيك السنه بيننا مشاكل بسيطه بخصوص فواتير الجوال اللي كنت ادفعها يعني شهريا ادفع ثلاثه الاف عشان تكلم اهلها وكانت توعدني انها ماتعيدها والشهر اللي بعده تجي اكثر. مع انها لو كانت تستخدم بطاقة كان ما كلفت الاتصالات مائه ريال كنت اقول لها لا تكلمين من الجوال مباشرة خذي بطاقة واتصلي بس ما كانت تأبه باللي اقوله واحيان كانت تاخذ جوالي بدون مادري وتتصل ولما تجي الفواتير اقلها يعني بستغفليني ولا وش السالفه يعني اذا جات فاتورتي هي الاغلى مابشوف الأرقام لدرجت اني قلت لها اذا تسوين ذي الحركات خوف ان يجي مبلغ في ايدي وتتزوج عليك مستعد احلف لك اني ماراح أتزوج عليك بس خلينا نستغل فرصه ان معنا فلوس ونجمع لمن نرجع . كانت تسمع من هنا وتطلع من هنا...
المهم رجعنا إجازة وجلسنا بالسعودية شهر
ورجعنا وتنقلب حياتنا سرت أنا اكره الدراسه وجاتني حاله نفسيه وكانت مهمله بشكل مايصدقة احد صار كل مالك يجيب شركه للتنظيف ويغرمونا صارت الدعوة فواتير وغرامات ونفسيه حسيت انها ضدي او انها قاعده تنتقم مني في شي أنا ما اعرفه
مديت يدي عليها وضربتها بعدها تعدلت اسبوع ورجعت لوضعها
بديت اهددها اني بتزوج عليها لكن دون فائدة طبعا الغرامات أثرت فيني نفسيا الى جانب فواتير التلفون يعني حسبتها لها طلعت تقريبا مائه الف ريال
المهم اخر غرامه جات حدود عشرين الف دولار يعني حدود سبعين الف ريال غير الميه الف قررت اغير مقر البعثه و الحمد لله تيسرت امور تغيير مقر البعثة مع تمديد المده ورجعنا السعودية ثلاثة اشهر إجازة
بدت تترك البيت وتروح عند اهلها وتقول مابيه ولا ابي ارجع له حاولت بشتى الطرق اني أرجعها والحين أنا بتذبحني الوحده في امريكا احس ضاقت بي الوسيعه كثير من نصحني بهالمنتدى اني اطنشها وهي بترجع من نفسها بس المشكله بدأ يجيني شعور انها من البدايه ماتبيني يعني من اول سنه من زواجنا كانت اسرارنا يعرفها الكبير والصغير والناس يقلون اني ضالمها و مقصر معها في المصرف واني ذابحها من الجوع كنت اسألها عن ذي الإشاعات كانت تحلف انها ماقد قالت ذا الكلام بس كان أقاربي يسألوني يعني يقلون نسمع ان عندك مشاكل بينك وبين زوجتك كانت تزعلني ذي الامور بس قلت اصبر يمكن أختها حاسدتها بعد ما تعدلت أحوالنا وتغار منها
بس الحين صرت اسمع من الناس اني هاينها واني اضربها حتي في الاماكن العامه مادري احسها عدوي مو ام بنتي واللي في بطنها
مادري احسها تكرهني يعني في المداعبه تقول تنرفزني وتبدأ تتافاف وانا متعب عمري ومسوي لها ليله وورود وشموع وهديه الا انها تتافاف وتبين تنرفزها من المداعبه
إهمالها في بيتها وكسلها من تزوجتها
اسرارنا اللي في كل بيت وتدخل أمها وأختها في أدق تفاصيل حياتنا
تحاول قدر الإمكان انا نصرف كل ريال يدخل علينا باي طريقه كانت
تطلع علي إشاعات واقاويل واني ضالم واسبها وأهينها كل شوي ومابقى مكان ما ضربتها فيه
اشياء اسويها في البيت يوم كنا مسافرين يعني نطلب من أمي تسويها ترجع تقول ليه يدخلون بيتي وليه تعطيهم المفتاح مع ان كل شي صار برضاها
تركها لبنتنا عند أمي وانا لحالي هني بأمريكا
ابي مشورتكم والله النفسيه عندي ضاربه
لمن تركت البيت المره الاخيرة خطبت بس ابو البنت اللي خطبتها يقول لمن ترجع مابي بنتي تسافر
ابي البنات والمتزوجات يقلون لي وش وضع زوجتي
يعني ممكن اهيا ما تبيني من البدايه والا وش حالتها والله تعبت معها
ولا عرفت افسر حالتها يعني ماتقول ابي الطلاق تقول مابي ارجع له
ياناس والله بيننا ذكريات حلوة احس ان عقلي بطق وخايف اضيع الماجستير من كثر تفكيري فيها
والله كل ما قلبت راسي في مكان اتذكر موقف بيننا
يارب أش اسوي يارب تعبت احس بدونها ضايع تايه
رغم كل اللي سوته معي بس أموت بالأرض اللي تمشي عليها
يعني اهيا معقول ما تفكر فيني
والله راسي بيتفجر من التفكير يارب أجرني في مصيبتي وأخلف لي خيرا منها
الحين ابي اعرف تعتقدون اهيا تحبني نفس حبي لها
والله جلست ادور أش انا مقصر معها مالقيت*مادري يمكن اني ما اشوف عيوبي
اللي ابي اعرفه تعتقدون انها ماتذكر شي حلو بيننا

التعديل الأخير تم بواسطة ذكريات لاتغيب ; 06-07-2011 الساعة 06:10 PM السبب: تعديل الأخطاء حسب طلبه

06-07-2011, 03:30 PM

سيدة الموقف

كبار شخصيات المنتدى

تاريخ التسجيل: Apr 2011

المشاركات: 5,061

::

سبحان الله كلامك تغير عن أول مرة نزلت موضوع لك هنا
وكنت بذاك الموضوع قوي ومتسلط وخاطب الثانية وكلك ثقة وأمل
وتهدد بتأديبها

* *
لما حسيت بقيمتها صح
ولما فقدت الأمل أنك تتزوج ثانية
رجعت تحن لزوجتك ..!
ورجعت تعدد محاسنك..!
وتعدد مساؤها..!!

::
أخي أنت ضربتها وعند أيش ضربتها..؟!!
عند فلوس عند وسخ دنيا

لو ضاربها عند عيب أرتكبته وإلا قلة حياء وإلا تطاولها عليك
وإلا طول لسانها وعدم أدبها عذرناك

بس ضربتها لأنها تكلم أهلها ولأن الغربة مُره ماتتحملها أي بنت
ومايخففها إلا سماع صوت الأهل

أي نعم هي أخطئت وبالغت في مكالماتها لكن أنت ماعرفت
تقنعها بأهمية مرآعاة ظرفكم المادي وخليتها تلجأ للخطأ وأستخدام
جوالك

وليتك حليت مشاكلك معها بعقلانية لا جلست تهددها بالزواج بأخرى
وأنتم لساتكم في بداية حياتكم الزوجية

* *
أعذرني أنا تابعت مواضيعك ولا أملك التعاطف معك
لأني أرى أنك تتحمل الجزء الأكبر فيما أنت فيه

::

06-07-2011, 03:47 PM

دراما بنوراما

عضو متألق

تاريخ التسجيل: Jun 2011

المشاركات: 930

سيدة الموقف
احترم وجه نظرك
الله يوفقك وينير دربك
دعواتك
اشكرك قد أعيد النظر في شخصيتي
شكر صراحتك

06-07-2011, 03:51 PM

أنا مندهش

كبار شخصيات المنتدى

تاريخ التسجيل: Sep 2003

المشاركات: 1,127

حاول الاتصال بها لتصلح ما بينكم ولا تكابر طالما انك تحبها كل هذا الحب
احيانا بضع كلمات في رسالة تفعل الأفاعيل.. فأنتقي كلماتك هذه حياتكم فلا تتهاون فيها
أو يتدخل وسيط من أهلك وأهلها لحل الخلاف القائم..
لا تدمر حياتك بسبب أشياء يمكن حلها بالنقاش والتفاهم.. لا بالضرب.. وأنظر لبنتك
أبداءوا صفحة جديدة تكون الخطوط العريضة مفهومة لديكم وغير مسموح تجاوزها
المشاركة الوجدانية للزوجة في المنزل.. مثل.. النظافة والترتيب والتنظيم والتجديد لها دورها فلا تقصر من هذه الناحية
الحوار الهادئ
الاستماع للزوجة خاصة في الغربة

06-07-2011, 03:55 PM

دراما بنوراما

عضو متألق

تاريخ التسجيل: Jun 2011

المشاركات: 930

انا مندهش
بارك الله فيك

06-07-2011, 04:10 PM

غموض..

عضو جديد

تاريخ التسجيل: Jul 2011

المشاركات: 36

اسال الله ان يصلح مابينكم ويكتب لك مافيه الخير
كنت اتمنى ان احاول مساعدتك بشي لكني مبتداه في هده الامور
عسى ان تجد مايفيدك ممن هم اكبر واعقل مني

06-07-2011, 04:14 PM

دراما بنوراما

عضو متألق

تاريخ التسجيل: Jun 2011

المشاركات: 930

غموض الله يوفقك

06-07-2011, 04:21 PM

انثى ابكت القمر

عضو مميز

تاريخ التسجيل: Feb 2011

المشاركات: 1,795

أخي اعانك الله في غربتك
نصيحتي : اصلح مابينك وبين الله يصلح مابينك وبيين زوجتك والناس
كل ماعليك تعود الى الله عودا صادقا
صلاتك كيف في الغربة ؟
عبادتك
اخي الله يسلط علينا احيانا يريدنا ان نعود له
انت تقرب الى الله وادعي انها بنفسها تعود لك
وبعد ماتحسن انك تحسنت وايد اتصل عليها واتلطف معها
وقول الغربة موب حلوة بدونك
واشكوى الى الله ضعفك
اعانك الله ووفقك

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]

06-07-2011, 04:31 PM

دراما بنوراما

عضو متألق

تاريخ التسجيل: Jun 2011

المشاركات: 930

انثى أبكت القمر
الحمد لله أبشرك صلاتي لاتفارقني في حلي وترحالي
اشكرك علي الكلام اللي أثلج صدري
جعلك الله عونا في صلاح الامه وبارك فيك

06-07-2011, 06:18 PM

#10

ذكريات لاتغيب

كبار شخصيات المنتدى

تاريخ التسجيل: Jun 2006

المشاركات: 3,830

الرجاء الالتزام بمسار الموضوع والبحث عن حل للأخ صاحب المشكله
الإشراف

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه