بصراحه انا انسانه مهمله شويه
يعني بيتي دايما حوسه طبعا الفضل للاهل اللي معوديني على الشغاله
ابي منكم كيف ارتب وقتي في تنظيف البيت وترتيبه يعني ياريت تساعدوني بجدول لترتيب بيتي
مع ان بيتي صغير ثلاث غرف وصاله ومطبخ ودورتين مياه
وكيف اعمل لي جدول امشي عليه بنتظام
مع العلم اني ادرس بالجامعه يعني حتى اعرف ارتب لي جدول
يااااااااريت تساعدوني ووتتفاعلون معاي
ياا خواتي مالي غير الله ثم انتوو

هلا حبيبتي


الله يعينك دراسه وبيت

احنا وبس بيت وحاسين انه فوضبي نصلح من هنا

يخرب من هنا

يالله كله باجره ان شاء الله

المهم حبيبتي بما انك تدرسي


قبل لا تنامي نظفي الحمامات الله يكرمكم

اول ما تجي من الجامعه

طبعا راح تطبخي

المهم بعد ما تخلصوا غدا خلصي على المطبخ مرة واحده

حطي الغسيل في الغساله

وابدئي تكنيس ونفض الغبار

بحيث انك تخلصي غسيل وكنيس بنفس الوقت

نامي لك ساااعه

وارتاحي

بعدها

اشربي الشاهي

واي صحن منديل خلصي عليه اول باول

الكوي خليه لاخر الاسبوع

والمستعجل سويه في وقته



وبس

وكل فترة وفترة

شيكي على الدواليب

الاشياء المتخبية ورا التلفزيون او الكنب

والله يعين الجميع يارب ........

والله ماطلبتي شي ....الحين يا اختي انتي تدرسين والظاهر ماعندك اولاد يعني فضية بس انتي موب عارفة ترتبين وقتك شوفي بعطيك جدولي بالظبط لاني احسه ممتاز للمتزوجات اللي يدرسن....الجدول هو اصحي الصبح وخلصي غرفة النوم يعني رتبي السرير واي شي مو مرتب بعدين اطلعي وروحي خلصي الاستحمام والصلاة بعدها روحي المطبخ سوي لك ولزوجك احلى فطور وماياخذ وقت ربع ساعة كاسين شاي ومعجنات بسيطة خبز وتوست واجبان ...بعدين بتجهزين للجامعة وتروحين وزوجك يروح العمل صح؟؟
الحين رجعتي من الجامعة ارتاحي ساعة الى ساعتين وابدأي بتنظيف الصالة وبعدها المطبخ وخلصي الغذاء وتكوني خلصتي جزء كبير وبعدين انتظري زوجك يرجع من الشغل وتغذوا وجلسوا سولفوا ...وبعدها قولي لزوجك يروح يريح او يشغل نفسه بحيث تقدرين تنظفين دورات المياه وغسيل ملابس وصحون وبعدها ابداي بمذاكرة دروسك وماتجي الساعة 7 المساء الا انتي خالصة من كل شي يعني تقدرين تطلعي مع زوجك وتقدري تنامين او تطبخين العشاء وترجعين تنظفي المطبخ تاني ..هههه وبكذا انتهى يومك ورحتي للنوم ويرجع بعدها تكرار نفس الجدول

مشكورين بس بقولكم على نقاط مهم انا بالجامعه اوقاتي تختلف يوم عن يوم وساعات ماطلع من الجامعه الاثنتين الظهر واووصل البيت متاخرة الساعه ثلاث الا ربع وزوجي يطلع من الدوام ثلاث مايمدي اطبخ
وشغله ثانيه زوجي يكرهه شي اسمه فطور يعني لو سمحتوا ابي جدوول مضبووط مرة
الله يخليكم اسفه اذا كنت مزعج وفلسفتي كثيره

عزيزتي ما تتخيلين وشلون تفاعلت مع موضوعك بشكل كبير لأني اعاني من نفس المشكله والكلام الي قالوه الاخوات جميل بس مستحي التنفيذ يمكن انهم مو موضفات انا موضفه واطلع من الوظيفه ونا ما اشوف من التعب وميته جوع يعني ما يمدي اطبخ وارتب واغسل واكوي ........ وااااو وجع راس
عندي حل يساهم بس ما يحل
فيه خادمات يجون با الساعه جيبي وحده نهاية الاسبوع تنضف وتغسل الغسيل وتكوي ملابس الجامعه وملابس زوجك حقت الاسبوع والغدا اطبخي في الليل الدجاج او اللحم وحطي في الثلاجه وذا جيتي سوي الرز والسلطه
وفيه ناس يسون اشياء تنفع تنحط في الفريزر مثل كبه ورق عنب سنموسك يعني تلحلحي
وقوليلي وش يصير لك اذا جربتي

__________________
[

__________________

أخصائية التجميل : HANDEA

سبحانك اللهم وبحمدك ..

مشكورين بس ياخت ام سيف الزوج اذا موسوس صعب تقنعينه بفكره الخادمات اللي بلساعات
وهذا اللي اعاني منه
وشي ثاني يقولي مايبي اكل اي كلام دايما يغثني يقوول انتي حاطتني سواق حتى توكليني اي شي مايرضى صدقيني تعبت منه مرة
واذا طبخت يقوول اكلت مو حلو وانا وربي اتعب بس مو عارفه الطبخ صح حاولت كذا مرة بس اكل الله يحفظ النعمه مقرررف احس بدوخ منه

ياقلبي الله يعينك
انا كنت زيك ادرس في الجامعة ومتزوجةوالى ماتخرجت وانا اتبع نفس النظام وبدون مبالغه الكل يشهد لي بانه بيتي نضيف على طول,المهم خذي الجدول تبعي وهو(كل يوم خميس من كل اسبوع اقوم من الفجر اصلي افطر زوجي وهو يرجع ينام وابدأبالتنضيف (طبعاً يوم التنضيف العالمي)بالترتيب:
1-امسح كل شى في البيت من دولاب المطبخ,البوتغاز,الثلاجه,والسلال وغيرها-وغرفة النوم كلها(السرير,الدولاب,التسريحة,الكومدينات وغيرها-والطاولات وطاولات التلفزيون والتلفزيونات والمكتب والإكسسوارات والمرايا والكنبات ووووووووو وكل شي تقريباً.
2-انضف السجاد ايللي موجود بالبيت كله وارفعها
3-اكنس السيراميك كل البيت
4-انضف دورات المياه( الله يكرمكم)
5-امسح السيراميك
6-ارجع السجاد وكل شي رفعته عشان انضف مكانه
بكذا خلصت من يوم التنضيف العالمي وطول الاسبوع يوميا اغسل ملابس واكوي والصحون في نفس الوقت اغسلها واستحاله اخلي شي مو مرتب اوحتى مو في مكانه وغرفة النوم ارتبها قبل مااروح للدوام والعصر وقت مازوجي ينام اجلس اذاكر دروسي .والحمدلله الله وفقني في بيتي وفي دراستي وتخرجت من الجامعة بممتاز ومع مرتبة الشرف كمان.

اخيراً خذي بنصيحتي وسوي زي ماقلتلك وراح تنضمي وقتك وترتاحي من الحوسه ايللي انتي عايشه فيها.

__________________

مشكوووورة ياخت الساعه كم ومشكوورين ياا اخوات وانشالله بستفيد منكم ويارب احاول اترك الاهمال لاني بصراحه تعبت من الاهمال

والله اخت ريم اان زيك واكتر شويه الشغاله لو مجتش يبقا يوم زفت

غرفتى بتبقا مقرفه خالص بس احب انظفها يوم واحدة فى الاسبوع

ما اخلى الشغاله تساعدنى