السلام عليكم ..
صراحة مو عارفة وشلون ابدأ الموضوع ..

بس بدخل بالموضوع داااايركت و انتو تصرفوا ههههه

أنا بنت عمري 23 سنة ..

مخطوبة على رجال .. خلوق و طيب و هاااااادي .. اكبر مني بأربع سنوات ..

أنا قبل ما انخطب له .. كنت مخطوبة لشخص ثاني يقرب لي .. بس غثني و غثيته و لاعت كبودنا من بعض و انفصلنا .. مو قضيتنا اللحين ..

يا طويلين العمر و السلامة .. السالفة و ما فيها ..

خطيبي اللحين هذا .. كل شي كنت أتمناه فيه .. أخلاق .. منصب .. كريم .. وضعه المادي مرررة حلو .. يشتغل في المجال الطبي _ مثل ما كنت اتمنى _


مع انه احيانا يغثني .. أعطيه وردة .. يروح يقول لي تعرفين وش اسمها ؟ تعرفين وش الفوائد الطبية حقتها ؟ قهررررني و بصراحة انا زعلت وقتها !!

المهم كل شي فيه كامل و الكامل وجهه سبحانه بس فيه نقطة وحدة مضايقتني .. شكله ..

هو بصراحة مو وسيم .. يعني سميييين و صدره كبير شوي و له كرش ..

أنا شفته قبل الملكة .. و كنت متخوفة من هالناحية .. لكن الكل قال لي .. ما تسوى ترفضين رجال بكل هالمواصفات عشان شكله .. و الرجال ما يعيبه شكله .. و وش راح تستفيدين لو جاك واحد وسيم بس راعي بنات و و ووووو

أنا كمان .. حسيت على مواصفاته الثانية .. حسيت اني بكون عبيطة لو ارفضه .. هذا الرجال اللي كنت اتمنى _ بس نسيت ما تمنيت الشكل _

مضى على ملكتنا 7 شهور .. 5 شهور كان مسافر ما شفته و لا جلست معاه ..

توه راجع من شهرين .. وزنه زاااد اكثر .. و هو كمان ما شاء الله يحب الأكل و النوم .. و لما اقول له وش رايك تسوي رياضة , يقول ما اقدر اشيل حديد مثل اخوانك .. جربت من قبل ما يناسبني .. أنا راح اسوي تمارين سويدي

والله هالتمارين ما اعرفها .. بس اللي اعرفه ان اللي يسوونه اخواني مسوي اجسامهم مرررة حلوة و مررة وسيمين .. و هالرجال ما يقتنع بكلامي ..

و كمان صدره مضايقني .. صراحة و اسمحوا لي .. يقرفني شوي .. طبعا استحي افاتحه في موضوع كذا .. اصلا وش بقول له ..

هو بصراحة مرررة رومانسي و يحبني .. يعني حتى في حدود العلاقة اللي بين المخطوبين .. مرررة حبااااب و رومانسي و يراعيني , حتى لما كنت مريضة كان هو مرررة حنون

بس تجيني فترات مالي خلقه .. يعني يحاول يبوسني و يحضني .. بس انا عااادي لا شعور .. يبوس لحاله .. ما اشاركه ..

ادري عيب علي .. بس هذا شعور داخلي مو قادرة اتجاهله ..

ابيكم تساعدوني .. مع اني والله كنت مقتنعة قبل الملكة ان هذا الرجال مافي منه .. ما بخلي الشكل يأثر على قراري ..

أحيانا لما اكون معاه .. اتذكر خطيبي الأول .. و هذا شي يضايقني حيييييل و الله .. بس ياليت في شي ناخذه و يسبب لنا فقدان ذاكرة للاشياء السيئة في حياتنا

الشي الكويس .. اني اتذكر الأول .. و أحمد ربي انه عوضني عن البخل كرم .. و عن الجفاف رومانسية و حنان .. و كل شي فيه والله لااااايقارن بالأول الحمد لله ..

بس كمان اتذكر أن الأول أوسم منه ..!

شعووووور سيييييئ


أنا خايفة ان هالشي ممكن يأثر على علاقتنا في المستقبل .. اقصد بعد الزواج ..

يعني اللحين .. اقول له البس ثوب يناسبك اكثر .. و الصراحة اني ما احب اشوفه لابس بدلات .. احس تبرز عيوبه اكثر ..

بس بعد الزواج .. ما راح يجلس لابس الثوب كل الوقت ..

يني وش راح تكون حالتي بعدين ؟؟ راح انفر منه ؟؟ راح نتخانق ؟؟ وشو ووو

ارجوووكم اخواني ساعدوووني ..

أنا حطيت ثقتي فيكم .. و اعرف انكم محل الثقة ..

كنت حابة اكتب مشكلتي على شكل استشارة ارسلها للاخوان هنا .. بس ما عرفت !!