السلام عليكم

عساكم بالف خير

من زمان وانا متابعة لهالمنتدى .. يمكن صارلي سنتين وحاجة

المووهم اريد نصيحتكم

اول شي انا عمري 22 وصارلي سنة من تزوجت والحمدلله الله رزقني بولد يسوى عندي الدنيا وما فيها

الحمدلله زوجي معي اروع ما يكون .. تقريبا ما مقصر معي
اعتبره نعمة
في فترة الملكة كان يحسسني اني ملكة بقلبه .. قدر يحتويني
بس بعد الزواج بديت احس بالروتين يدخل بينا

بديت احس بفرااااغ كبير بداخلي .. مشكلتي احب الرومنسية واحب اعيش اجوا حميمية بس فجاه كل شي صار عادي .. فوق كذا صارلي سنة من تخرجت واحس الملل بياكلني

اريد اقتراحاتكم عشان اضفي جو مختلف بحياتنا .. نوع من التجديد
كيف ارجع الرومنسية لحياتنا

للعلم انا من النوع الكشوخ والدلوع كثير
يعني مهتمة كثير بنظافتي ولبسي وكشختي
احب انه مايشوف عيب فيني

نصايحكم بليز

الله يديم عليكم السعاده ,,,,,بس على فكررررره موضوع الروتين موجود في كل بيت تقريبا أنا بصراحه كنت أعاني أحيانا من الملل والروتين لكن نصيحه حاولي تطلعون زيارات لأهلكم مع بعض أو يوديك عند أحد معارفك ويروح يسمر ،،،يعني لازم تغيرون شوي من حياتكم وتطلعون عشاان تشتاقون لبعض والله يبعدكم عن الملل....

__________________
احبك مووت ياولدي

احسن حل لقتل الملل هو ابتعاد الزوجين عن بعض لمدة اسبوع مثلا

انتي روحي زيارة لاهلج يومين او اربعة وبعدها شوفي الشوق شلون بيكون

__________________
لا اله الا انت سبحانك اني كنت من الظالمين

كل حياه لازم يدخل فيها الروتين سواء حياتك مع زوجك او مع أهلك يعني شي طبيعي

لكن حاولي التجديد مثلاً في تغيير ترتيب غرفة النوم كل فتره وثانيه تغيير المفارش والأكسسوارات فيها >>لها دور كبير في كسر الروتين من واقع تجربه

أطلعوا سافروا كم يوم لأي مدينه تختارونها حاولي تطلعي لصديقاتك وهوه يطلع لأصحابه أذا كنتم من النوع اللي دايم

طلعاتكم قليله وتكون طلعاتكم دايم مع بعض بيزيد الملل والروتين

يعني خلوا لكل واحد مساحه خاصه فيه شوي

يعني بيدك أنتي تخلقين الأجواء الحلوه بالبيت

وبالتوفيق

يعني بيدك أنتي التجديد

__________________
أشتقت لكم جداً 💔

الروتين لا بد من دخوله للحياة الزوجية بسبب التعود، وسير عجلة الحياة.
لكن هناك افكار تجديدية يمكن العمل بها:
1) أخذ إجازة زوجية. مثلاً: اذهبي عند أهلك لمدة أسبوع. واكتفي مع زوجك بالمكالمات القليلة.
2) جددي في أثاث البيت، أو غيري أماكن بعضه.
3) خططي لقضاء ليلة حالمة مع الطرف الآخر في شاليه مثلاً.
4) السفر.
5) تواصلي مع صديقاتك القدامى.
6) غيري في شكلك.
7) تقديم هدية له. مثلاً: شراء سيارة له.
:::
هناك الكثير من الأفكار فقط انتبهي لواحدة منها وطبقيها.
لكني أميل للفكرة الأولى فمفعولها واضح.

حلو فعلا تروحي لاهلك زياره اسبوع ..
غيري من ترتيب الاثاث ..
او اضيفي عليه بعض الاكسسوارات والكماليات ..
اشتري العاب زوجيه ..
سوي ليله حلوه وتبدا من باب البيت الى غرفة النووم ..
لاتخلي زوجك كل حياتك ... مارسي هواياتك
زوري صحباتك ...

هذا اللي يحضرني الان ولو عوده بس افتكر شئ ..

بالتوفيق ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

حبيت اقولك من شهر شرينا لولدنا بليستشن وصرنا كلنا نتحدا بعض من يفوز بصراااحه قلب جوووووووو البيت بشكل كل واحد يتوعد الثاني والمهزوم يسوي العشاااا .......والحمد لله أغلب الوقت العشا على زوجي !!! أتمنى تطبيقين أي حل من حلول الاعضاء وتقولين لنا وش النتيجه؟؟؟؟

__________________
احبك مووت ياولدي

ابنتي الكريمة:
وعليكم السلام ورحمة الله وبركاته
بارك الله لكما وبارك عليكما وجمع بينكما في خير.وأوضح لك:
1- الرومنسية والأجواء اللطيفة للزواج ومد أيام الملكة وشهر العسل لبقية العمر ليس مسؤوليتك وحدك بل مسؤوليتكما. أنتِ وزوجك.
2- شخصيتك عاطفية وحالمة وتحبين تدلعين نفسك وزوجك قد تكون شخصيته عملية فيقدم الحب والعاطفة لك عن طريق الخدمات لا الرومنسيات.
3- قطار الحياة انطلق من محطة الخطبة لمحطة لملكة لمحطة ليلة العمر لمحطة شهر العسل ثم يمضي بروتين الطريق الطويل ويمكن تجميل عربات القطار ولكن السائق مشغول في السير بالأسرة وقد يتوقف في محطة ولادة أو نحوها.
4- ورد هنا في هذا المنتدى مواضيع تشتكي فيها بعض البنات من مشاكل من العين والحسد ونحوها بسبب المبالغة في الحركات الرومنسية في ظل جفاف بعض الأزواج والزوجات المحيطين وقلة الذكر وألدعية أو نسيانها أو الرقص مع الموسيقى, مما سبب لهم الندم.
5- صتع السعادة في المنزل هي لعبة الزوجين كمفاجئته بما لم يتوقع مما يريح أعصابه. أو تغيير مكان وزمان الاستمتاع, أو تبديل الأثاث, أو المبيت بأجنحة عرسان فندقية نهاية الاسبوع.
6- لعل أفكارك وعواطفك تترجميها لمشاركته متاعبه وجعل البيت سكن له بمعنى الكلمة أي ضد الحركة المرهقة له خارجه.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

آآميين.. مشكوورة ع الدعوة

هذا حاصل بيننا .. نطلع دايما .. بس يمكن هالفترة بسبب البيبي خفت طلعاتنا
مشكلتي الاساسية فالرومنسية اللي اختفت وحل محلها البرود

تدرين فكرت فهالحل بس المشكلة مستحيل يرضى ابات فبيت اهلي لمدة اسبوع
اصلا يقولي ماله داعي لأني يومين بالاسبوع اعسكر فبيت اهلي من الصبح لين بالليل

من فترة قريبة غيرت ترتيب الغرفة << هذي بروحها مشكلة لأني ساكنة عند اهله فراس مالي بس غرفة واللي بديت احسها تضيق علي
كانت طلعاتنا كثيرة وفأي وقت نريد بس بعد وصول البيبي صرنا ما نقدر نطلع كثير لأنه يصيح وااااجد ويعمللنا دوشة !

انا خاطري أسافر بس المشكلة اللحين اهو يجمع حق مشروع فاذا نسافر بيكون ع شهر 3 السنة الجاية!
بس وافق نروح عمرة << هالشي مطيرني من الفرحة بس نفس المشكلة ندور حد يروح معنا عشان يساعدنا بالبيبي .. وللحين ما حصلنا
دعواتكم

تقريبا كل افكارك نفذتها في الفترة الماضية
كل خميس انا عند اهلي وهو عند أصدقائه عشان يعمل ريفرشمنت
سوالف الليالي الرومنسية اعملها بين فترة وفترة .. مو حلو دايما لأنه من النوع الملول .. بس تصدق خاطري اهو يفاجأني بشي .. مفتقدة عنصر المفاجأه منه .. كان دوم يفاجأني باشيا حلوة بس الحين مافي

متواصلة مع صديقاتي وخواتي .. نخمس مع بعض .. بس مفتقدة حياتي الرومنسية معه
لما ولدت من 3 شهور قبل لا ارجع له عملت تغيير فشكلي . ومن قريب كان عرس اخته وطبعا ما قصرت فالكشخة وهو بنفسه اعجبه ودلعني << هذي الاشيا كانت من ضمن خطتي لتغيير الروتين
عجبتني اخر وحدة .. لو اشتغل كان شريتله سيارة احلامه .. البورش كايين .. بس حدي اجمع من مصروفي عشان اشتري له هدية
والهدية كانت من قريب فهالشهر عشان عيد ميلادة

تشكر ع النصايح

فكرت بسالفة الالعاب الزوجية.. ما عندي فكرة واضحة عنها
بس مادري احسه من النوع العملي شوي .. بصراحة اخاف يستخف بهالاشيا .. وقتها بتحطم نفسيا
ع قولته يبيلي كلمة وازعل ع طول


حلوة سالفة البلايستيشن والالعاب
كنا نلعب xo في الاي فون والعاب ثانية وكنا نفس حالتكم ضرابة وتحدي <<< ذكرتيني كان المفروض يعزمني بعد ما فزته بس نسيت السالفة

احاول دايما اشاركه اهتماماته .. يعني انا اللي ما كنت اتابع غير مباريات فريقنا في خليجي ..صرت افهم فالاندية.. واتابع معه مباريات كأس العالم

المشكلة الحين صرنا اذا نجلس سوا هو عينه ع التي في وانا العلع واسولف واخر شي اكتشف انه ما سمع شي من اللي قلته وعقله كله بس في اللي يتابعه << هالحركة تقهرني

اشكرك جدا ع ردك .. احس انك بالضبط فهمتني لما قلت هالعبارة:
- شخصيتك عاطفية وحالمة وتحبين تدلعين نفسك وزوجك قد تكون شخصيته عملية فيقدم الحب والعاطفة لك عن طريق الخدمات لا الرومنسيات.

المشكلة انو كان يبادلني المشاعر والحب بالطريقة اللي تفرحني بس بعد الزواج بفترة صار مثل ما قلت يقدمها عن طريق الخدمات.. يجيبلي كل اللي اريده من دون تقصير .. بس بدون رومنسية
صار المناسبات اللي اعتبرها هامة فحياتنا ويفترض نحتفل فيها تعدي علينا عااادي
طبعا انا ما اقصد انو اريد حفلة ودووشة وووو .. احس مسج بكلام حلو يكفي .. ورد يكفي وزيادة
هو يعرف انو الورد او الهدية له تأثير عجيب علي .. بس صار يهمل هالاشيا
انا اعرف انه قادر يحتويني ويشبعني عاطفيا لأنه سواها من قبل .. بس مادري شو اللي تغير علينا

احس فداخلي قلب طفلة .. ماريد الحياة تعدي علي بروتينا الممل .. ماريد نكون حالنا حال اي 2 اتزوجوا وخلفوا وخلصوا
اريد الحب اللي بينا يتم فيه رومنسية ما يظهر ع شكل خدمات بس

بررب اصلي وارجعلكم