السلام عليكم ورحمة الله وبركاته

صباح الخير للجميع
كيفكم ان شاء الله بخير

انا موضوعي جدا غريب

وهو انني تقدمت لخطبة احدى البنات فوافقت علي وما عندها اي مشكلة وجلست تقريبا سنة على بال ما قرب موعد الزواج علما بأنها كانت سمن على عسل معاي ولا لاحظت عليها شيء قبل الزواج بالعكس كانت تسعدني بسماع صوتها ومسجاتها

جت ليلة الزواج في شهر 2 من عام 1430

فرجت بحمد لله


لكن حصلت المفاجاه !!!




زوجتي تغيرت من اول ليلة بالزواج

واخذت تبكي

المهم

من بكره الوضع اخذ بالتطور

وصارت ما تطيقني ابداً ويشهد علي رب السموات ما جاء مني قصور ابدا حتى ما حصل مجال نسولف مع بعض عشان تعرف وش عندي دايم منعزله لحالها اجيها اكلمها تروح لغرفه ثانيه ورفعت ضغطي وقلة أدبها علي وانا ما قصرت بشيء معها وبرضوه تحملت كل هالاشياء قلت يمكن رهبة ولا شيء من هالقبيل لكن بدون فائدة لا احد يقولي ما انت رومانسي ولا شيء بالعكس ما حصل مجال للرومانسية ابداً

فأقولكم

الوضع اخذ بالتطور سلباً

جلسنا قرابة 15 يوم مع بعض ولا نتكلم الا قليل


فقلنا احتمال عين او سحر وطلع ما فيها لا عين ولا سحر حسب كلام المشائخ وصبرت شهور عشان تراجع حساباتها لكن بدون اي تغير



ع العموم
انظروا سبب تغيرها اللي جعلني ما اتردد بتطليقها


الا وهو






صديقاتها المقربات كانوا مقهورين انها تزوجت واخذوا يعبون راسها وهي مسكينة ما تعرف تتصرف _ خايفه تخسرهم وبنفس الوقت ما عندها جرأه تقول مالكم خص بحياتي الزوجية

المهم انها لبت رغبات صديقاتها وطلبت الطلاق



انا شفت الوضع كذا




قلت هذي مو كفو تصير زوجة مستقبل لي وام لعيالي اللي يغيرون رأيها البنات الحاسدات


فقررت اطلقها بلا رجعة وغير مأسوف عليها


وخلاصة الموضوع تأسيس البنت كان غلط في بيت اهلها وكانت مدلعه وانا ما كنت ادري عن هالاشياء ( ويا كثرهن في هالوقت الله لا يكثر هالنوع ويبعد الرجال الطيب عنهن )

لكن ربي يعوضنا يكفي انها تحمل كلمة ( طالق ) ونظرة المجتمع ما ترحم والناس ما تخلي احد في حاله