[align=center] السلام عليكم .. اسمي حمد حبيت اكتبلكم قصتي او معاناتي
كتبت كتابي على بنت ماعرفها عن طريق اهلي بنت حلال
صارلي حاليا مايقارب الثلاث شهور
من بداية طريقي معاها وضعنا دايم مشاكل في مشاكل دايم تعترض على شخصيتي وانا دايم اعترض علي شخصيتها . موفر لها كل الظروف المعيشيه من ناحية المسكن والوظيفه ارشدوني انصحوني تعبت وتعب تفكيري
البنت قد ذكرتلي الطلاق بصوره مباشره وغير مباشره .. وهذا موضوع مضايقني جدا والكلمه دوم في بالي
هل هي فترة بسيطه .؟
هل اصبر عليها اكثر ...؟ للعلم نفذ صبري
هل هذه امور طبيعيه . تحصل في فترة الملكه ؟ للعلم السن مقارب او نفس المواليد بالضبط فرق الاشهر
على فكره بدت المشاكل من ثاني اسبوع ملكه يوم راضيه وباقي الاسبوع زعلانه علي انت لازم تتغير انت لازم تغير حياتك انت كنت في وضع والحين وضع ثاني هذه امور بسيطه حبيت اعيشكم معاي وذكرتها
والشهاده لله انها بنت تملك مواصفات مثاليه لكن معي انا مادري ليش هذا حالها
وفي شي دايم احسه من ناحيتها .. مافرحت فيها ولا يوم احسن اني جالس اللعب عليها حاولت احبها ماقدرت حاولت اعزها ماقدرت فكرت بالانفصال لقيت نفسي راضيه
هل انا اخطيت الاختيار .....؟
او انا انسان مايستاهل الزواج ..؟ يعني اجلس فالبيت احسن
للعلم اني قررت اتزوج من قراري انا الشخصي وليس ضغوطات
نعم انا فيني سلبيات لكن كنت استغرب من كثر سلبياتي في عينها كثيره انا هل هذا انا استغرب ليه الناس اللي حولي ماشافوا ليش الناس اللي حولي مانصحوني هل انا فيني كل هاذي لعيوووووب الله واكبر انتحر احسن واخلص من الدنيا .. ممكن عصبيتي الزايده وهذا شي انا اعترف فيه ممكن بعد امور لكن مو اللي تذكرها معاي او اللي ناقشناها او اللي كانت تحاول اتغير على قولتها .. كل انسان في هذه الدنيا فيه من السلبيات وفيه من الايجابيات لكن اثنين الله جمعهم بالحلال لابد انهم ايكيفون نفسهم مع بعض بطرق عديده بالتضحيه في بعض الامور
حبيت اشاركم في موضووعي هذا البسيط وياريت تنصحووني وتلوموني انا راضي
وهذه اول مشاركه لي وانا حاليا افكر بالانفصال
وياريت الردود اتكوون حتى لو على الايميل وشكرا على هذه المساحه الحره وعلى هذا المنتدى الحي والفاخر والمحترم
... تنبيـــــــــــــــه ...
يمنع إرفاق البريد الألكتروني مع المشاركه
تعديل المشرفة شموخ ...