السلام عليكم ورحمة الله وبركاته،

قبل ساعات حصل لي موقف محرج نوعاً ما مع المدام ما كان في بالي أبداً أنه ممكن يصير

كنت على الجوال، أكلم قريبتي (وزميلتي بالعمل) عن طريق الدايريكت بتويتر..
تقريباً كل ويكند أسولف معاها، وبطبيعة الحال سوالفنا ما تخلوا من الحش بشركائنا بشكل طفيف
أمس كان أكثر يوم أحش فيه بصراحة ولو أنه يعتبر ولا شيء عند حش الحريم .. والمشكلة حصل ما لم يكن بالحسبان.. زوجتي كان معاها آيبادي وأنا مسجل فيه في تويتر بحسابي، وصار كل ما جتني رسالة يجي تنبيه في الجوال عندي وبالايباد عند زوجتي..

طبعاً قامت تتابع المحادثة بصمت وكأنها تشوف التلفزيون بجنبي، ثم لما انهينا المحادثة بدأت أمسح الرسائل، ومن خواص تويتر الجديدة أني لو أمسح الرسائل بجهازي تنمسح تلقائياً بالاجهزة الأخرى (من السيرفر)، لما شافت الرسائل تنحذف أمامها عصبت وجلست تصارخ الله يهديها وزعلت وقفلت الباب على نفسها بالغرفة..

أتفهم موقفها لكن معقولة لدرجة أنها تقفل الغرفة وتنام لحالها!
- معقولة تتحسس من شوية "حش" بالمزح حتى مو جد؟!
- والا بسبب حذفي للمحادثة؟!
- والا ممكن عشان قريبتي مهي من محارمي؟! لكن هي تعرف أصلاً من أول أيام الملكة عنها وأني أتواصل معها باستمرار يعني توها تتكلم! وزوجتي أيضاً تتواصل معها باستمرار


طيب والحين وش الحل؟! كيف أقدر ارجع المياه لمجاريها؟!