اخواني الاعزاء اخواتي العزيزات عندي مشكله كبيره ومعقده وصعبه؟بيني وبين زوجي عندي ولد منو مشكلتي من خمس شهور بسب غيرتي لانه كثير السفر للخارج بحجه دورات من العمل ودراسه سافر وتشدينا بالكلام ودعيت عليه؟ طول ماهو مسافر قفل جواله واتصل على ابوي قال تعال خذ بنتك ماهي على ذمتي قال ابوي انت جبها مثل ماخذتها رجعها لاني مو نفس المنطقه اللي فيها اهلي المهم رجع من السفر وكنت مادري دخل البيت سلم على اهله وانا لالالالا؟ طلع بيغير ملابسه طلعت معه قال اطلعي برى وقفل غرفتي عليه ولما طلع قال لاتجسيني انتي مو على ذمتي دخلت غرفتي وبكييييييييييييييت؟كبر الموضوع اخذ له شقه قال مادخل البيت اللي انا فيه؟صار يجي كل يوم يغير ملابسه ويشوف ولده ويطلع طبعا ملابسه موعندي حطها بغرفه امه ويشكي لاهله ويحكي فيني وفيني عند امه وابوه واخوانه وخواته كل يوم اسمع سالفه منهم شي فيني وشي صاير له سنه وشي مزح وشي مبالغ فيه سكت وسويت نفسي كان ولاشي صاير ويقول لي يالله امشي لاهلك وابكي اقوله لا مابي اروح الالين ترضى علي المهم جلست شهر وبعد كل محاولاتي معه يئست وارسلت له مسج انا جاهزه ودني لاهلي ماردعلي بعد اسبوع شفته وقال جاهزه اغراضك قلت ايه قال بعديومين بنمشي قلت انشاءالله قال لاتكثرين اغراضك لانو بعدين برسلها كلها ؟هنابكيييت ماقدرت اتمالك نفسي مع اني ناويه اسوي نفسي عادي لاني شهر كامل ابكي عنده واترجاه انو مايطلقني كنت اقوله بينا ولد خلاص بتغير واحلف له واقول هذاالشيطان دخل بينا كان يرد علي يقول لاروحي لاهلك شهرين بعدين اشوف اطلقك ولا لا,ومره يقول حياته واحنا متفارقين افضل ومره يقول مابي اجيب اعيال منك كلام كثيير ويجرح يقوله لي مر يومين ولا قال يالله ومر اسبوعين كامله ولا قال شي مادري وش ناوي عليه مع انه كان يبي يوديني لاهلي ؟اتصل علي وعورني بطني من شفت رقمه لاني خلاص ماتحمل صدمات كلمني قال هلا استغربت او يكلمني بصراخ وهواش وبصوت عالي والحين هلا قلت له هلا سلم علي قال برسل لك فلوس روحي اشتري هدايا لاهلك قلت له الله يعافيك مابي قال مايصير تروحين وايدك فاضيه لاتكسرين كلامي قلت انشاله ورحت مع اني ماني في حال هدايا وسوق بسبب مشكلتي بس عشانه والله امشي بالسوق ودمعتي ع خدي قبل السفر بيوم مانمت زين متضايقه ونزلت الظهر وشفته عند امه وخواته سلمت ورد السلام بالعاده مايرد ولاشافني طلع وقال طلعي لي ملابس وحطيها بشنطه اصغيره استغربت يطلب مني مع انه شهر كامل يطلب من الخدامه وملابسه تحت اصلا موعندي قلت انشاءالله زين الاغراض بسياره ولبست عباتي وسلمت عليهم عادي وقبل ماطلع ناداه ابوه تكلمو لمده نصف ساعه وبعدين ناداني ابوه قالي هوبيرجعك بس عنده دوره برى واذا خلصلت بيرجعك لاكن خلاص مانبي شي يصير بينكم بعدين قلت انشاءالله حبيت راسه وقلت الله يعافيك طبعا زوجي واقف يسمعنا؟حطني عند اهلي وقبل مايطلع قال لبوي انت تدري بالخلاف اللي بينا وانا عندي دوره ولارجعت بشوف والله يكتب اللي فيه خير بينا قال ابوي الله يالف بينكم . والحين لي 3شهور عند اهلي مع ان دورته شهر واحد بس؟مادري هو بيطلقني ولا لا تعبت من التفكير ومشكلتي لها 5 شهور شهر وهو مسافر وشهر وانا عند اهله والحين لي 3شهور عن اهلي اهو كلم ابوي مره يساله عن واحد عادي سلم ولاسال عن ولده ويكلم اخوي ويعزمه يجيهم وسال عن ولده يرسل لنا مصروف بس ماسال عني ؟ انا كنت يائسه منه اول قلت خلاص بيطلقني بس عقب ماكلمني وقال اشتري هدايا وعقب كلمت ابوه لي قدامه قلت لا مار اح يطلقني ؟ الحين لي 3شهور وهو مايسال عني ؟امه تكلم وحده تسب فيني يعني خلاص المشكله لها خمس شهور وهي الى الان تسب خفت منها الحين المفروض نست المشكله ؟ هل بعد خمس شهور من المشكله بيطلقني ولالا هويقول اكرهك والعن الساعه اللي عرفتك فيها وكان يقول روحي لاهلك لاتجيك ورقتك هنا بدل مارسلها اعطيك اياها بس كان يقول هلكلام وهو معصب بدايه المشكله ؟انا ترى كنت اغار واساله وين رايح وين جاي واحلف لي بس كنت اقوله كذا لاني اكتشفت انه يخوني وهو مسافر عشان كذا انصدمت وصار اسلوبي كذا ؟ اهو طيب وحنون ؟ابوي يقول لامي هو عايفها مايبيها وامي تقولي مب راجع خلاص ؟ انا تعبت نفسيا كرهت كل شي ولدي يكسر الخاطر مادري وش ناوي عليه طيب ليش ماطلقني في البدايه بدايه المشكله ليش يعيشني على امل وش تتوقعون منه يطلق ولا لا؟ انا من اول يوم من المشكله اقوم الليل وادعي وقرى سور البقره وملازمه الاستغفار؟ تكفون ادعوووو لي ان الله يجمع شملنا ماتخيل حياتي من دونه؟

[SIZE="5"]السلام عليكم ورحمة الله وبركاته
اختي ابغى اسأل سؤال ليش لمن يروح للدورات ما ياخدك معاه لانو اللي فهمتو من كلامك ان ولدك لسه صغير
وبعدين ايش نوع الخيانة اللي سواها هل هو زنا والعياذ بالله
تبغي نصيحتي وهي وجهة نظر خاصة ان اردتي الاخذ بها او لا من عافك عيفه انا صراحة مستغربة من وضعك هجرك وجرسك وفضح كل شئ بينك وبينه يعني نشر غسيلكم قدام الكل امه واخواته ويجلس معاهم وحاقرك ولسة جالسة عندو لا وتنزلي عند اهله فين كرامتك والله لا تستهيني بكرامتك حتى لو كان لزوجك
اما بالنسبة للان عيشي حاضرك ولا تجلسي تستنيه كأنك جالسة تحت رحمته واعطيه مهلة سنة اذا لا حس ولا خبر اطلبي الطلاق وان شاء الله ربي يعوضك ولا تقولي لي ما اقدر اعيش من غيرو لان الانسان لا يموت الا اذا انقطع عنه الاكسجين
هذا زي ما قلت لك وجهة نظري بالموضوع او بالاحرى اذا كنت في مكانك راح اسوي
/SIZE]

الله يسخر لك زوجك ويحنن قلبه عليك

الزمي الاستغفار والباقيات الصالحات وان شاءالله ربي يصلحه لك ويهديه

__________________

نحن الحريم ..عيبنا إننا إذا أتزوجنا كإنو الرجال هو كل حياتنا وعمرنا وبدونه مستحيل نعيش


ننهان وننسب وننشتم وأحياناً وتوصل الأمور للضرب وللطلاق ومع ذلك نصبر ونتحمل على حساب كرامتنا وأحياناً عشان


أطفالنا بالرغم إنو الحبيب


أوصى


بالنساء خيراً ..وقال خيركم خيركم لأهله وأنا خيركم لأهلي ..لكن الله يهدي بعض الرجال قساة قلب


إدعي الله كتير وأطلبي منه إنو في كل وقت إنو يربط على قلبك ويعوضك خيرويختار لك كل طيب

والله يعينك

__________________

ليش تطولين الموضوع ؟

اتصلي عليه و اعرفي وش ناوي عليه

اذا يبي يطلق ما عليه حسافه

واذا يبي يرجعك لا ترجعين بدون ما يعتذر لك قدام اهله واهلك

صدقيني اذا ما وضحتي الامور من البدايه بتتعبين كثير معه ومه اهله

ليه للحين والدك وإنتِ ساكتين ؟

كلميه وخليه يوضح لك كل شي مو معقول كذا عايشه بقلق وتفكير وقل نوم !

حسبي الله ونعم الوكيل

من جد انقهرت على حالك الله يفرج لك يارب لكن لازم إنتِ تتحركين وتكون لك كلمة واضحة

الإنتظار ماراح يحل المشكلة !

الله يوفقك وييسر لك أمرك ..

فرج الله همك وكربتك

الصراحة السكوت هالفترة صعبة عليك وعلى مشاعرك وتحطيم لنفسيتك

والدك يجب ان يكلم والده ويعرف مصيرك ووضعك

ولاتنسي الدعاااااااء والاستغفار

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

ربنا يعينك أختي الكريمه ,,, وربما أنتِ أسأتي إساءه شديدة له وغلطتي عليه ولم توضحي هذا الشيء هنا ,,

عموماً أسأل الله يؤلف بين قلوبكم ,, مايجب فعله الآن هو أن يتصل والدك به ويسأله عن قراره الأخير ويتواصل مع والد الزوج أيضاً لكي لاتكونين معلقة بهذا الشكل ,,,

مستحيييييييييل

مستحيل يزعل عليك بالطريقة هذي وانتي ماسويتي شي

مستحيل انه يهينك وانتي ويذلك ويهددك بالطلاق وانتي ماسويتي شي

وأكبر مستحيل انه يحتقرك قدام اهله ويسلم عليهم ولا يسلم عليك وأنتي ساكتة مستحيل انك ماسويتي شي


من خلال طرحك للموضوع أتوقع إنك ماتكلمتي عن مشكلة هي اللي سببت مشكلتك اللي انتي فيها الآن

يعلم الله يا أختي ما اشكك فيك في أي شيئ ولكن اتوقع انك ماصارحتينا بكل شي

لأني إنقهرت من الاهانات اللي صارت لك وانتي ساكته ولا بدر منك ردة فعل أبد ولا حاولتي تخلين ابوك يتدخل في الموضوع.



في الوقت الحالي لابد ان والدك يكلمة ويتفاهم معه ليش يخليك كذا أبد
والمفروض ابوك يسألك اول بأول عن الوضوع والمفروض انه من شاف ان الرجال هملك 3شهور المفروض يتصل عليه ويتفاهم معه.



أسال الله ان ييسر أمورك ويصلح حالكم

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.

[gdwl]حبيبتي ادعي الله وصلي وربي رح يهديه[/gdwl]