ما ادري ليش يوم اريد اكتب اللي في خاطري ...ينربط لساني ريوقف الكلام في حلجي ؟؟؟ ولا اعرف شو اقولكم ؟؟؟ ما اعرف من وين ابتدي ولا من وين أبدي بقصتي ؟؟؟

أولا .. السلام عليكم ورحمة الله وبركاته .... اعذروني ماقدرت اسلم عليكم من شدة تشتيت انتباهي ... ولا اعرف كيف أفكر ولا كيف اتصرف؟؟؟ انا وااايد تعبانه وااايد ..
من ست اسنين وانا تعبانه من اول يوم في زواجي ...( ماكنت ادري انه الزواج مشاكله اكثر من حلاته ) ... ما انكر اني عشت ايااام حلوه لكن مااذكر انه مر علي اسبوع الا وبكييييييت فيه ... بكييييت أول ليلة عرسي ..ليلة كل بنت تحلم بهااا .... بكيت في أول حمال لي ....بكيت في اول سنة زواج لي ... بكيت في أول مولود يجي على وجه الدنياااا ....بكيييت في العيد .... ماتمت مناسبة حلوه ولاَ شينة مابكيييت فيهااا ....

والشي الفظيع اللي يخليني ابكي هو شرب زوجي للخمر ...من تزوجته وهو يشرب ... انا ما اقولكم انه على طول هالست سنين يوميا يشرب لااا ... كل اسبوع مره واحيانا كل اسبوعين مره ... انا ادري انه لويريد تركه راح يركه بس ما ادري ليش يرجع له ..احيانا يتركه شهووور !!!!. حاولت معااااه كثير كثير وكل هذا من شان ولده وبنته ...وانا متأكدة انه يحبني .. لكن انا ما اقدر اثق فيه طاااح من عيني وايد .... ما اقدر احبه نفس قبل ... شوبلاني احس بضييييق ....؟ احس بهالعالم خانقني ؟ ما اقدر اتنفس ؟؟؟ اخاف اجن على هالحالهه ؟؟؟ ماعندي احد ؟؟ والمشكله اني طلبت من اهل زوجي مساندتني وكل اللي خذته منهم الله يهديه لج ...!!!!بس هذا اللي فلحوا به ...!!! ليش زوجوني اياااه يوم هم يعرفون انه راعي خمر !!!! ليش حاطين في بالهم انه ولدهم يوم بيزوج بينصلح حاله؟؟؟ والله العظيم تعبت وايد ... احيانا افكر في اخواني باني اخبرهم بس اعرف اخواني مابيتفاهمون ويمكن يفصلوني عنه وانا ما ابغي عياااله يتشتتون حرام !!!!! دايما احاول اسعده وهو يكون سعيد ومبسوط معاي ودايما يقولي راح اتغير ... وانا اشجعه وبعد اسبوع بس الاقيه سكراااان .... وامنع نفسي عنه اسبوع ولا حتى اكثر ... وفي الاخير يقولي ( البنات ماليات الشوارع بفلوسي اقدر اشتريهن ) فانهارت حياتي اول مره يقولي جيه اول مره والله !!!! مت ورديت للحياه مره ثانيه الا عشان عيالي ... هو اصبح يتعذر لي ويقسم انه من الغضب قال جيه وانه ماكان في وعيه .... اقسم لي انه ماقد سواها وطلع مع بنات ...( وانا صدقته لاني واثقه فيه من هالناحيه ... بس بعد الله اعلم ) يوم ( كنت مجهزه له إحتفال ) كان في السجن بسبب حادثة سياره وهو سكران ...يوم انا تعبانه بولد هو تعبان جاي من السكر .... بعد الولاده بغيت اتكلم معاه في التلفون لقيته سكران ( حتى في لحظة سعيده كهذي يشرب ) في يوم ( عملت حفلة لولده ) كان نايم لانه جاي بالليل متاخر وسكران .. ماقد مرت عليه مناسبة حلوه الا وهو سكرااان ........ لاعت جبدي مليييييييييت زهقت ...!!!! متى بيتغير عاااد ؟؟؟ هو مش صغير ؟؟؟ متى بنتمشى مع بعض ماسكين ايدين بعض ....؟؟ متى نروح معاه للسينما ...؟ متى بجي بيحط وره حمراء على مخدتي؟؟ متى بيطرشلي مسج ويقولي حظري نفس انا عازمج ع العشا؟؟؟ متى بيحسسني اني انثى وعندي مشاعر ؟ ومتى بيحسسني بحبه ؟؟؟ومتى ومتى ومتى ؟؟... مالت عليه وعلى حظي .... ليتني ماطلعت من بيت امي جان انا مبسوطه وسعيده الحين ...

والله اني صرت اتعمد اروح المولات الا عشان ارفه على نفسي ولما يناظرني رجل اتذكر اني بعدني انثى جميله ....( استغفر الله ادري اني اتعدا حدود الله لكن والله مو مني ولا تكون روحتي للسوق الا محجبه ومش متمكيجه لاني ادري انه زوجي مايحبني اتمكيج وايد ؟؟)


اتابع المسلسلات الرومنسية وابكي على حضي فزوجي صفر في الرومنسية



والله لو اهو متعاون معي جااان اصبحنا ثنائي راااائع لكن هو مايرظى يسمع كلامي .....




انصحوووني شو اسوي ؟؟؟؟




[warning]الإحتجاج على القدر وقضاء الله أمر محرم شرعاً ... فأصبري وإحتسبي[/warning]


[caution]لا يوجد في الإسلام أعياد ميلاد ولا عيد زواج[/caution]


[info]لا نغتر بما يقدمه الممثلون والممثلات فهم في واقعهم أحقر مما نعتقد[/info]

الله يفرج همك حياتي والله حاسه فيك با اقولك حاجه اذا هو مو مقتنع يبعد عنه ما رح يبعد صدقيني وخذي هالنصيحه مني الجئي الى الله سبحانه صلي بالليل ركعتين وادعي له واستغفري كثيييير والله اعرف وحده ربي هدى زوجها ماشاء الله قالت لي كانت تدعي له دائما والله يساعدك حبيبتي ويهديه واصبري اياك تستسلمي

الله يهديه يارب ويوقف معك وينصلح حاله ما الك غير الدعاء والصلاه لله

والله يا اختي الدنيا فيها مآسي وكل واحد له هم فيها

بعض اوقات تضيق الدنيا علينا ونفتكر انها النهاية او احنا نبغاها تكون كذا

لكن لو تذكرنا الله عند كل مشكلة تصادفنا او نمر بها راح يهون علينا كل شي مهما كبر حجمه


صدقيني فيه اخوات هنا واكيد انتي قريتي مشاكلهم والله يدمى لها القلب


ما راح اقول ان اللي يسويه زوجك سهل لا بالعكس هذي اكبر مصيبة ان الواحد يكون في لحظات سكران

لان السكر يذهب العقل والله اعلم اش يكون عواقب الشرب

امكن يكون ابشع من الشرب بحد ذاته

كان الله في عونك وعون كل اخت مبتلاه


اختي تحري اوقات الاجابة وادعي الله كثير ان يهديه للصواب

حبيبتي الغاليه



اولا وقبل كل شي

كيف علاقتك بربي

حسنيها صلي زين استغفري ادعي الله دائما الجئ لله عزوجل


ياغاليتي (المسلسلات كلها كذذذذذذذذذذذذذذذذذذذذذب في كذذذذذذذذذذذذذذذذذذذذذذذذذذذذذذب)


وياريتك تشوفين حياتهم مع زوجاتهم الحقيقيات كان حمدتي ربي الف مره



ترى الحياه الزوجيه الي يملكها ويحكمها الموده والرحمه

هذا الي ربي انزلها

ما قال ودها سينما وتمشى فيها بالاسواق

ياغاليتي



اصحي لنفسك ولاولادك انتي هالحين مو بس زوجه

انتي ام لطفلين لازم تنتبهي لهم

تقربي لله اتركي الاحتفال باعياد الميلاد لانها بدعه ( ومن ترك شيئا لله عوضه الله )


لاننكر الي تعانينه مع زوج يشرب


طيب تصوري انك مو ناقصك ولاشي وودوه لزوجك ولكن زوجك مع انه يسكر ( يضربك --يغازل --يسهر مع بنات--يتدخل في كل شي بينك وبين اولادك واهلك واهله-- يسافر كل صيف لحاله خارج الدوله --)


قارني نفسك بغيرك


انا لا انكر ان وضعك لايحتمل مع زوج شبه صاحي

ولكن الجئ لله عزوجل صح وتقربي له

قومي الليل بالصلاه والقران اقري البقره في قيامك


ادعي الله وتقربي له




وربي ان ما اتكلم معاك الا لسبب اني انقهرت عليك ولالي مصلحه علشان تزعلي من كلامي


لكن اتمنى انك تصحين لنفسك انتي وهذا اهم شي

اسال الله لك فرج قريب عاجلا يارب العاليمن


واي سؤال احنا كلنا في خدمتك بس بجد تغيري وساعدي نفسك على التغير

__________________

الله يهدي زوجك يارب ..

الدعاء أختي مطلوب .. لتكوني قريبة من الله بدعاء يخرج من القلب ..

بدعاء صادق .. في لحظة صافية نقية .. واطّرحي فيها بين يدي الخالق ..


أختي أم السوسه ماذكرته في المسلسلات كله صحيح كلها تمثيل في تمثيل كذب في كذب فياليت
أن لا نعطيها مساحه من الصدق وأن لا تؤثر فينا ..

ثم هاكي هذا الرابط لعلكي تستفيدي منه ..

اضغطي هنا ..

__________________
كيف اقاوم الهم والألم. بالسجود راحة واطمئنان.

نهاية نوال..!

غاليتي ... كان الله في عونك ليس لي تعليق الا

الدعاء ... الدعاء .... الدعاء

واكثري من الاستغفار....
ربك يغير الناس من حال لحال ...

والله يفرج همك

الله يعينك حبيبتي

والله يفرج همك

بس نصيحه لاتخبرين احد من اهلك
ستري عليه
وحاولي تحلين مشاكلك لوحدك
الا اذا كانت هناك مشكله لاتحتمل

وادعي له ولاتيأسيين
يمكن هدايته على يدك
حتى لو كان بعد فترة طويلة
الا بيجي يوم وبيصحى من الي هو فيه
وبيندم كثييير وبيتأسف لك

بس عليكٍ بالصبر والدعاء

__________________
اللهم احفظ اطفالي من كل سوء يارب
اللهم اهدهم واصلحهم ووفقهم

عيالك محتاجينك حبيبتي
شوفي الدنيا بعيونهم وكوني لهم كل شي ولا يغرك جمالك والفتن اللي حولك
ترى كلها زائلة انتبهي للأمانة اللي عندك وتذكري حالهم المحزن بوجود ذلك الأب وعوضيهم تسعدي والله

اوافقكي الراي 100%
اهتمي بدينك ,, والله يصلح لكي زوجكي ان شاءالله ,,,