السلام عليكم



لي فتره طويله عن المنتدى
المهم جرت احوال واحداث
توني كنت احاول اقنع زوجي اقدم على شغاله
لاني ساكنه نصف بيت دبلوكس مع اخوه

ولان انصدمت من قبل شهر اني عندي بدايه احتماك بالركب
صدمت عمري بصراحه وانا توني بدايه الثلاثينات وعندي بنت وولد

المشكله اني اخاف ان يعرض عليه اخوه انه تصير الشغاله شراكه
يعني يدفع نصف جيتها ونصف الراتب
وتصير عندي وعندها

بس انا مو مقتنعه
الشراكه لازم بتصير فبها مشاكل
وانا من هالحين احس اني مو مره مع زوجة اخوه فما بالكم
اذا صارت بيننا شغاله
انا خاطري يدفع زوجي زياده
ولا نشترك وما ادري كيف بيصير الوضع بعدين

فانتم شرايكم

__________________
الحمد لله على نعمه وفضله وكرمه ..

هلا أم أحمد كيفك

لو طلبتي من زوجك الخصوصية في الخدامة من الآن كيف ردة فعله ؟
كوني واضحة من البداية قبل ما يبدأ ويخبر أخوه ...
بس بهدوء وبلطف ودلال

سؤال ثاني :
وش سبب عدم تقبلك لسلفتك ؟
الظاهر أن الأخوين متحابين كثير , فالأفضل والأسلم لك ولها أنكم تتحابوا وتصير قلوبكم على بعض

__________________
الحمدلله الذي بنعمته تتم الصالحات

الله يسامحك يحبيبتي انا لما قرات "مشكلتي غريب" خفت ودخلت بسرعه اشوف شو فيه.. الحمدلله مشكلتك هوينه .. ايش حال لو تسمعي مشكلتي شو راح تحكي.. خليها على الله .. غاليتي .. ببساطه اطلبي من زوجك انها الشغاله ليكي وحدك وخلااص.. ونبهي على شغالتك انها بس لبيتك وبس... كلشي اوله صعب وبعدين بتعودا انها الشغاله الك وبس..

يعتمد اذا راتب زوجج يساعد
وممكن توضحين له ان ماعندج مانع انها تساعد سليفتج بغسل الملابس والقاء القمامة خارجا

اولا شغاله مابتوافق تشتغل بيتين
ثانيا لو وافقت الشغاله صراحه ماااينقع ابد
اجلس بدون شغاله ارحم من شغاله بينك وبين سلفتك
مستحييييييييييل شراكه فاااااشل

__________________
سبحان الله وبحمده

انا معلي منها في شي وانا في حالي وهي فحالها
نجتمع احيانا بيت اهله
ومره تزورني ومره ازورها
بس تقهرني في المناسبات ماتعطيني وجهه وماتطيقني
وماتكلمني واذا كلمتها ترد علي من اطرف خشمها وكانها تقول لا تكلميني
انا والله وربي شاهد علي ماسويت لها شي.وما مر موقف اقول يمكن هو السبب

بس مما ادري ليه تعاملني كذا

والمشكله ان زوجي مو راضي على الشغاله اصلا
وبساعده انا فيها بس احاتي لو وافب ما ابها شراكه

__________________
الحمد لله على نعمه وفضله وكرمه ..

يعني هو وافق بشرط الشراكة ولا بس مجرد خوف عندك ؟
وش رده بعد ما عرضتي عليه تساعدينه بجزء من المال ؟
وافق على استقدامها ولا

__________________
الحمدلله الذي بنعمته تتم الصالحات

هو طارح فكرة الشراكه من قبل
والان مابعد يقتنع بالفكره اساسا بس انا بساعده يمكن يخليه يتشجع
لانه اصلا ماعنده فلوس وانا داريه بهالشي

بس رافضه الشراكه لسببين
الاول زوجه اخوه المزاجيه وما ادري شيصير بعدين اخاف تصير مشاكل انا في غنا عنها
والثاني ان لو اشتركنا ما اظن اخوه راح يساعده براتبها وزوجي عادي مو مشكله عنده
قهر اكون دافعه انا فيها
وهي شفتو كيف تعاملني
واعطيها خدامه وببلاش بعد

__________________
الحمد لله على نعمه وفضله وكرمه ..

انا فاهمة عليك جيدا اختي

الحل ان الشغالة تكون ببيتك وبس اصلا انت اللي محتاجاها بجد لانك مريضة الله يشفيك
كلمي زوجك اذا ما وافق ويبغا الشراكة انت سايريه ولما تجي الشغالة اتفقي معها ما تخرج من باب بيتك

واصلا انت رح تدفعين لها على اساس شغالة ببيتك وبس اما اذا بيتين زوجك رح يدري ان الدفع لازم يكون مضاعف وهو مو معه وانت مستحيل تدفعين لها عشانهم يعني الموضوع واضح لا تتخوفين ولا شي

حبيبتي لا تتكلمو امام اخوه عن الخدامه و جيبيها واذا قال اخوه بساعدك فيها قولي له أنا اتفقت أنا وزوجي أني أساعده فيها لأني محتاجيتها

__________________
سبحانك اني كنت من الظالمين