السلام عليكم ورحمة الله وبركاته
عندي سؤال اذا ممكن ، ومدري مكانه هنا صح او غلط .
هل فعلا ان كثير من البنات ما يهتمون في انفسهم بعد الزواج ، وطبعا اقصد الاهتمام الكريمات والعنايه بالبشره والكلام هذا ؟
لان من كلام كثير متزوجين اعرفهم ، ان مافي اهتمام ، يهتمون بالنظافه الشخصيه واللبس فقط .
فهل هذا صحيح ؟

على حسب

فيه حريم الاهتمام هذا من ضمن حياتهم

و فيه اللي لو ما لقت لها اهتمام من زوجها و لا مدحها ما عاد اهتمت >>> تقول هو مو داري و لا مهتم

اذا انت تحب هذا الشي فمن يوم ما تتزوج و تبدأ زوجتك تتعطر و تتمكيج لك امدحها و عززها و قول انك تحب هذا الشي ،، ' منها

__________________
[img]http://im78.***********/FRd0Bi.jpeg[/img]

زوجتك ع ماتعودها

اذا تحبك .. تسوي اي شيء عشانك

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

بهالموضوع أشوف إن البنات ينقسمون لثلاثة أقسام:

- فيه إللي تهتم بنفسها عشان نفسها وتلقاها دايم على سنقة عشره وتحب الزين وهي بنت وهاذي بعد الزواج تستمر زي ماهي
لأنها مهتمه عشان نفسها مو عشان أي أحد

- إللي ماتهتم بنفسها نهائي وأهم شي بالنسبه لها النظافه الشخصيه ويمكن حتى هالشي مهملته هاذي بعد الزواج بتستمر نفس الشي

- إللي تهتم بنفسها مؤقتاً بس عشان تتزوج وبعد الزواج بفتره خلاص تبرد زي مايقولون بالأخص لو زوجها من النوع إللي مايهمه
أهم حاجه ياكل ويشرب وياخذ حقه الشرعي وبس

في النهايه أي شخص قبل يطلب من شريك حياته الإهتمام لازم هو يهتم بنفسه عشان تاخذ لازم تعطي ويفضل يكون طلبك بأسلوب لبق

وأبتعد عن المقارنه تماماً بعض الرجال يعتقدون لو أثاروا غيرة زوجاتهم هالشي بيخليها تتحمس وإللي بيصير في الواقع العكس

[QUOTE=عاشقة القهوة;3091479]على حسب

فيه حريم الاهتمام هذا من ضمن حياتهم

و فيه اللي لو ما لقت لها اهتمام من زوجها و لا مدحها ما عاد اهتمت >>> تقول هو مو داري و لا مهتم

اذا انت تحب هذا الشي فمن يوم ما تتزوج و تبدأ زوجتك تتعطر و تتمكيج لك امدحها و عززها و قول انك تحب هذا الشي ،، ' منها[/QUOTE
يالله الله ييسر ، مع ان الي اعرف مو يمدحون وبس ، الا كمان يطلبون وعلى قولتهم وانا مادري ولا احكم وانما هنا اسأل فقط ، فعلى قولتهم انه لا حياة لمن تنادي ، واذا مره اصر عليه ، اهتمت يومين ثلاثه ورجعت بعدين مثل ما كانت .

الله ييسر مع ان مافي مثل الشي اذا هو منه ومن نفسه وباقتناعه

فعلا يا اختي انا اسمع كذا كثير انه سواء الرجل او المراءه اذا اهتمو في انفسهم فهذا دليل على الحب ، فهل هذا فعلا صحيح تماما ، لان فيه ناس اعتقد يحبو بعض ومع ذلك مو مهتمين في انفسهم .

لا تاخذ كلام المتزوجين كله محمل الجد

يمكن الخلل فيهم

اختي الفاضله اشكرك على ردك كامل ، واخر سطر انتي محقه فيه تماما ، وخصوصا المقارنه مع الي يشوفونه في التلفزيون ، والله اكثر ما ضيعنا هذي المقارنه سواء من الرجال او النساء ، فالرجال يبغون زوجاتهم زي الي في التلفزيونات والمسلسلات باب الحاره والطقه ، وهذا مستحيل لان هذاك تمثيل في الادب والاخلاق وقوة مكياج ومدري ايش ، والحريم يبغون رجالهم زي الي في التلفزيون والبرامج الهابطه مثل ستار اكاديمي والمسلسلات والاشياء ذي ، وهذا برضو مستحيل لان الي في التلفزيون برضو تصنع وتمثيل .
الله يسقي ايام زمان قبل انتشارات التلفزيونات كان كل واحد راضي بزوجته ويشوفه ملاك وكل امراة راضيه بزوجه .