السلام عليكم ورحمة الله وبركاته ... كيف حالكم اخواني وخواتي الاعضاء ...بدخل بطريقه مباشرة الى الموضوع اللي ابا اتكلم عنه ...


بالمختصر المفيد :
* متزوجه من 8 شهور..
*اللهم لك الحمد فعين زوجي جميله ،، ويحبني ومن كلامه اني صرت شي منه ما يقدر يستغنى عني // يعني ما يرضى يزعلني واللي اباه طبعا بعد مشادات خفيفه احصله .
* الواقع يا اخواني ,, اني في بداية زواجي ومن اول اسبوع زوجي كان شرس جدا وامور كثيرة كانت توصلنا لطريق مسدود ..
* شخصيته مسالمه يحب الخير بس مزاجي و الظروف اللي حوليه كانت كالشوائب ع طبعه والحمدلله بعون الله قدرت اغير فيه الكثير وبشهادته هو بنفسه وانا بعد غير فيني الكثير..
* زوجي اذا حدث له مشكله يصاااااب باحباط كبير ويأس ،، وانتكاسه ,, يمكن من كثر المصايب اللي فحياته خلاص ماعاد يستحمل ,, بس المصيبه انها تأثر سلبيا عليه ..
*طبعا في مشاكل مع اهله ،، بشكل عام غير متفاهمين ,, وهوو تعب كثير من هالموضوع ,,


الحاصل ياجماعه :
انه متعلق فيني ،، بس اسلوبه مرات يكون فظيع الفاظه ،،طبعه ينقلب وحش ,, طبعا انا ما احط فخاطري عليه لاني استويت اعرف ان هالشي كله خرابيش واني احبه ولا اصبر عنه وهو كمان فالامور بتتعدل ان شاء الله ..


بس المصيبه ,, اني انا وياه في مشاكل لا يعلمها الا الله // كل حد محتاج الثاني يضمه ويخفف عنه ,, بس المصيبه يوم اكتشف ان يخربها مع بنات ,, محادثات هاتفيه تطورت مرة وحده الا لقاء عابر,,

طبعا انا انصدمت كيف ..! يعني انا هاي ثاني مره اصيده يكلم بنت .. بس ليش .. !
انا كلمتكم عن اسلوبه السئ بس فالاخير يراضيني وينسيني كل شي غلط سواه بس انقهر يوم اعرف انه من البداية هو جنة مع غيري .. يفضض لغيري .. يسمع لغيري .. وانا لازلت تحت هالجملة الانشائية : بصبر عليه وبحاول معاه يتعدل .. والمصيبه انه مع غيري متعدل ..

كلم مره وحده اعرفها .. وشكى لها .. ولما كشفتها خافت مني افضحها وخبرتني وايد اشياء عن زوجي .. اكتشفت انه انسان راقي واسلوبه فذ بس وللامانه ما حاول يتكلم فالحرام رغم انه اللي سواه فحد ذاته حراااام ..

كشفته لاني انهرت يعلم الله كم شفت منه خصوصا في بداية الزواج وفوق هذا يخوني فاول شهر بعد حرام عليه ,,

واجهته بكى ندم تعلق فيني زياده اقسم لي انه ما يقدر يعيش مع غيري ..
والمصيبه طحنا في مشكله مع اهله .. وشوي اكتشف انه يكلم وحده وواعدها مره ..يكلمها يوميا وبالساعات وانا لما اتصل به طااااف لانه معاها مشغول ...
حتى مرة اجل مشواري ووفضل اسير مع تكسي بس الصدمه انه كان مشغول بس في شو ...! متلاقي معاهااا ..

صدمني بكيت امامه لاني قلت له اني اعرف كل شي ,, فتكلم بكل صراحه ,, احس انه هالانسان متأكد من نيته انها بعيده عن الجنس واللعب مجرد سوالف وغشمره فيعطي نفسه الحق ان يتكلم معاهن ،، بس ما يدرك انها نوع من انواع الخيانات الزوجيه واللي يمكن تههد بيت ...


كثير من الامور حدثت بيني وبينه ادركت انه شخصيته مهزوووزه من الصغر لظروفه ,. انسان يهرب من الواقع .. عنده مبدأ خاربه خاربه خلنا نعميها ..

قلت له انا الله الين اللحين ما رزقني بذرية منك ,, وانا بصرااااحه بديت اخاف ع نفسي وعيالي مستقبلا معااااك لان ما عندك حس للمسؤوليه ما عندك مبدأ الاحترام ولو كنت تموووت فيني ..

النتيجه بكى تندم تلوم كالمرة الاولى ..حظني كما يحضن الطفل الصغير امه اللتي لا يريدها ان تبتعد عنه ..
انزين ليششش يوم ما قدرتني ,, اولوياااتك كانت لبنات الهوى فووووقي ,,تكذب وتقول انك تموت فيني اصلا شوو اللي يعلقك بي لهدرجه ،، رغم انك تعودت من صغرك تفضض للغريبه وانا والله احاول فيه يكلمني يفضض لي لدرجه اني بكيت ع صدره عندما رأيته حزينا مهموما لا ينطق,,الجواب الوحبد : ما تهونيني عليه اكدرج بهمومي >> عجبي ,,! اذن ما فائدة وجودي معك من الاساس,,,!


شو التصرف اللي يناسب هالشخصيه .. لاني احس ان افلامه بتكرر مع هالبنات ,, ما عنده ترتيب للاولويات ما يعرف انه ((زوجتي حبيبتي وحلالي لازم تكون فووووق ما اقصر فيها ما اجرحها عشان بائعات الهووووى: دامها هيه مب مقصره ... شو الحل معاه هالانسسسان ,,,,!

ادري وايد تكلمت بس ان شاء الله وضحت الصور ,,ومشكورين..

اه .. ياحبيبة قلبي لاتصارحيييينه انك اكتشفتي ,, بكرة بيكلم قدامك ولا يعطيك اعتبار ,,

شوفي هالشئ مجربته مع زوجي ,, زوجي كتووم مرره وكان مايتكلم من ايام الملكة ,, بس انا طبيعتي اتكلم في كل شي وعن كل شي حتى في الممنوع ,, في البداية ماتجراء بتكلم .. بسس انا اعطيه وقته يششوفني صريحة معه تكلمي عن مششاكل صارت لك اللي تحسين انها ماتضرك صارحيه عن طفولتك تكلموا عن ايام الطفولة

تخيلي من كثر ماخليته يصارحني , قال لي في ايام الملكة عن سالفة كايدة حتى اهله مايعرفون هالسالفة .. بنت الجيران كانت تناديه عشان تسوي معاه هذاك الشئ وكان عمره 13 وهي 18
وفي شهر عسلي قال لي انه كان يعرف وحده وقال لي كل التفاصيل بسس ماكنت ازعل ,, كنت اسمعه إلين سكت .. ولا علقت ولا فتحت فمي

مهما كانت الصراحة مؤلمة اسمعي له وبرري له انه ان شاء الله مايتكرر وانا الوحيدة في حياتك ..

<< إذا تذكرت شي برجع ياعمري

انتي تقولين انه يكلم بنات يعني يشكي لهن همومه ... يعني بعيداً عن كلام الحب والامور هذي ...


طيب ليش يتواعد معاهن !!


يعني عشان يكون قريب ويكون الصوت مسموع اكثر ... والا وش السالفة ...


والبنات اللي كلمهن .. كيف عرفهن .. يعني هن مرشدات اجتماعيات مثلا .....


اول مرة ادري ان الرجل لاضاقت به الدنيا .. يشكي همومه للبنات ...



انا اقول يمكن تربيته سيئة ... والعلاقات هذي متعود عليها من زمان ...

__________________
بنفس القدر من الجهد نجعل أنفسنا أقوياء أو ضعفاء

حبيبتي انت قلت بنفسك ان زوجك شخصيته مهزوزة
اصعب شي على الرجل انو يظهر ضعفه امام اي انسان
فما بالك لو كان هالانسان زوجته (امرأه وقريبه منه)
هو لايشكي لك ولا يفضفض لك لانه لايريد ان يظهر بمظهر الضعيف امامك
لايريد ان تهتز صورته عندك اكثر، هو يلجأ للغريب لانه لايعيش معه
لا يعرفه، لن يكون مضطرا للقائه في كل حالاته
اختي ربما لن تستطيعي تصور الاثر الذي يتركه توتر العلاقة بين الاهل
على اطفالهم (زوجك متأثر جدا من توتر علاقه اهله منذ الصغر)
انت عليك محاوله التقرب من زوجك
لا تمارسي عليه سلطه المعلم او المراقب
اشعريه بقوته، اظهري له مواطن قوته
اشعريه بانه قادر على حل اي مشكله مهما كانت صعبه
اختي السبب في هروبه هو انه لايريد اظهار ضعفه امامك
فلا تشعريه بانك ترينه ضعيفا مهما فعل
انت قلتيها.. هو تعود من الصغر ان يذهب للغريب
فبالتدريج وبذكائك بامكانك استمالته لجانبك
وان تدفعيه ليفضفض لك وعندما يفضفض لك اشعريه بقوته
واياك ان تظهري له ضعفه او عجزه عن فعل اي شئ

ماعندي الا الدعاء لك

بس حابة اقولك .. ارجووك اجلي موضوع الحمل
الى ان تستقر اموركم

الله يهدي سركم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

والله يا اختي ان كان يصارحني خير وبركه بس كلها امور انا اكتشفتها وتمنيتني عرفتها من عنده قبل ...
الله كريم ، ومشكوره ع ردك.,

اه والله اني معاج فكل حررررف ،، غلطاته غبيه ،، وما حسب حساب انها يمكن ادمر علاقتنا في يوم من الاياااام ,, الشك انزرع فيني خلااااص ,, مااا عدت افرح به مثل قبل الله كريم ..

لازم يقوي علاقته بربه ،، انا تعبت منه ما بقى شي ما سويته له ,, بس " انك لا تهدي من احببت "

جيتي عالوتر الحسسساس ،، موضووع الانجاب ،، تتخيلين اني من عرست كل شهر اكون متوتره الين تنزل الدووره والله كل شهر ,, شي يتعب بصراااحه ,,,


ما قدرت انااام ،، ماعدت اثق فيه ،، اصلا ما اقدر استوعبه بهالشكل عفته وعفت مشاااكله معاااه ,, وفووق هذا ما قدر هالشي مني الله كريم ...

شو اسوي ,,محاولات لين نقع راسي ، نصايح كأخت قبل لا اكون كزوجه عطيتها ايااهاا تبريرات حسسته يهن بس انسان ما يحس ,, عنده عذره انا من المشاكل تعبت ,,,


اطري موضوع الانفصاااال ,,,,!

اختي صارحيه
واسئليه لي يتصرف بهالشي يمكن هو شايفك مصقرة بشي ويقلك عليه وتقدري تعدلي
انا دائما افضل المصارحة يعني
وخلي يتكلم ويطلع الي بقلبه وحسسيه انك لو ماتحبي ماكنت سامحتيه وهالاشياء
وربي يعينك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب